香港呢排好似少咗人捉精靈，但係台灣先啱啱開始有得捉，如果你即將去嗰邊旅行，可能會重燃你成為最強訓練員嘅火，訓練員周圍走好易攰，呢個時候飲返杯訓練員專用珍珠飲品就啱喇！
咩話？訓練員專用？無錯，台灣一間手搖飲品店「丸作食茶」將於8月27日推出一款精靈球珍珠，聲稱用咗200日研製，造型似足卡通中精靈球，你一睇實心諗用咗好多色素，但呢間鋪嘅特色就係手製珍珠，全天然無添加，而且每日新解製作，你見到嘅紅色其實係用咗仙人掌汁，黑色係竹炭汁，透明係樹薯粉白玉，大家可以放心，到時可以配橙香青茶同貴妃沙冰兩種飲品，飲完HP應該即刻提升返！
Photos by 丸作食茶-總部