誠昌飯店

Open Now

Now Closed

今回午飯的主要目標是誠昌飯店的水蟹粥。飯店有兩層，下層較光猛，上層則較陳舊。一行二人點了一窩細的水蟹粥及一碟酥炸鯪魚球拼墨魚丸。水蟹粥色水呈微橙色，內含半只蟹。蟹粥粥底用上膏蟹、肉蟹及水蟹餚製，清甜得來又留有蟹膏甘香，加上粥底綿身，食味不俗。至於水蟹，相信同窩用上不同水蟹製成，其中有一件不太新鮮。其餘蟹件都算清甜，但蟹肉口感當然沒有肉蟹般實在。至於酥炸鯪魚球拼墨魚丸，剛炸起的鯪魚球的確皮薄酥脆，魚香及彈牙度一般喇！墨魚丸則製作出色，除有酥香外層外，墨魚味甚濃，亦富彈牙口感，值得推介。

上一次去澳門已經是很久以前的事，趁暑假到這裡四處逛逛，順道去氹仔「誠昌飯店」吃那裏馳名的水蟹粥。這飯店坐落於官也街，街道建築比較低矮，房子老舊，與街後頭新建的大樓有強烈的對比，很有澳門風味。我們到達時剛巧中午時分，店裡擠滿了慕名而來的顧客，店舖門口貼滿餸菜的款式作招徠，檯椅以木製為主，牆身鋪以淺色的瓷磚，複式間格絕對是經典的廣東式飯店格局。地下的佈置以餸菜的賣相及明星的玉照作為宣傳，二樓雅座則以中式的字畫為主，康熙及乾隆傳詔的拓本均有陳設出來，甚具中國特色。甫坐下來還沒點餐，店員便先送上食器餐具、衛生紙跟茶水，而衛生紙上頭還印有飯店的資料，就算客人帶回家用，也可作廣告宣傳。由於天氣熱，沒有胃口吃飯，我們點了兩窩粥，包括有水蟹粥、田雞粥、酥炸鯪魚球拼墨魚丸及白灼腰肝腸。水蟹粥 (細 $120) -- 據聞澳門的蟹生長於鹹淡水交界，蟹味鮮甜，肉質豐美爽口，而這飯店的招牌水蟹粥，店舖聲稱所選取的蟹並非獨沽一味用水蟹，而是提取水蟹、膏蟹、肉蟹三種本地蟹的精華部份，所以這裡的粥會有蟹黃。一般水蟹粥的粥底會用鮮魚添味，但這裡就堅持不用，是怕魚骨鯁喉，反而配上特別制的蠔粥，況且蟹粥裡的蟹斬得大大件，

招牌菜好水“水蟹粥”水蟹粥夠鮮味，食材新鮮分量十足，大水蟹粥一窩，估計用兩隻水蟹煮成，但粥底真令人失望，好稀好水的感覺，未能保守招牌菜的水準。酥炸鯪魚球拼墨魚丸鯪魚球及墨魚丸很爽口肉味十足，可見老闆選材新鮮，師傅功夫了得，鯪魚球能保守水準，真得一試。金沙大蝦大海蝦及鹽蛋黃煮而成，每隻蝦足三兩，味道似黃金蝦，但每隻售價MOP50，無鬼別之處，所以覺得唔係好真。總結：每年都會去澳門旅遊，誠昌飯店是本人食水蟹粥的首選飯店，但今非昔比，老店未能保守招牌菜“水蟹粥”水準，真可惜啦！

細蟹粥一端上來時好香蟹味，搞一搞個粥都見到有兩個蟹蓋，本來好大期望但食落粥底綿但無蟹味，兩個蟹蓋都係得碎蟹膏，無肉食...而且細都好大碗，兩個人食完都可以埋單走人，見隔離檯5個人都係叫細碗...鯪魚球拼墨魚丸幾好味，但作為繼水蟹粥既另一招牌菜又好似未夠班本來想淨叫鯪魚球，但寫個阿姐係咁叫我地加多十幾轉雙拼，出到來反而覺得墨魚丸好味過鯪魚球，鯪魚球有少許腥味，但可接受花菇扒生菜叫一碟菜清下腸胃，簡簡單單既做法已經可以好好，花菇幾入味，生菜份量亦多個人覺得招牌水蟹粥無甚特別, 唔係多時間or多錢都可以skip

果然係好介紹!!一去到就有位4個女仔叫左水蟹粥(大), 鯪魚球拼墨魚丸, 豉汁蒸大鱔個水蟹粥好好食, 有蟹味, 鮮甜!鯪魚球拼墨魚丸, 硬左少少, 不過墨魚丸有粒粒墨魚, 有咬口!豉汁蒸大鱔, 好大碟, 好彩個阿姐幫我地落半條.. 唔係4個女仔一定食唔哂!!!好多肉! 不過D汁太多, 鹹左少少...埋單$400幾! 都算OK!

店外不少人等位,我地留姓氏,半個鐘1:30pm準時進入。水蟹粥(大/6碗;細/4碗$125),聽聞用上三種不同蟹煲成。睇粥顏色,估到無乜蟹味。無蟹油,只有蟹膏碎,所以唔覺得特別好食。鯪魚球拼酥炸墨魚丸,反而是驚喜之作!鯪魚好似食有彈性的炸魚旦咁,o趙感好得意。墨魚丸更見出色!墨魚味好甜!外皮炸得又脆又香口!!勁掂呀!灼西生菜,唔油,仲有D淡添。荷葉蒸雞(半隻),好耐先至黎,”耐”即係過左火啦!雞一D荷葉味都無。食淨晒。

此店馳名水蟹粥；為免等位，未夠5:30PM便走入去食dinner水蟹粥，我覺得幾鮮甜，蟹斬件在粥中，分不清是蛋黃味還是蟹膏味豉椒炒蜆，普通一般啦，沒甚麼特別，無乜沙酥炸鯪魚球拼墨魚丸，不錯，鮮炸