8

Open Now

Now Closed

貴為全澳門唯一一間3星米芝蓮中菜，來時真的充滿期待。論裝修，真的冇得輸。尤其是開門行進去那條投影走廊。讓你就進踩在湖水上一樣。講返食物，外形也是冇得輸，美輪美奐，睇見都令人垂涎欲滴。但粵菜講既係真材實料，好睇唔好食就冇咩用。講完食物，最後想講講埋單。我5大2小，張單打到明5位茶錢各$20兩位白開水各$20。飲白開水要俾錢好正常，但我個小朋友自己帶水樽，還只得兩歲都照收就好唔公道。講真，$20我俾tips都俾左啦。咁大間酒店咁都要收，令我覺得俾人當係水魚囉。

今次澳門假期第二日中午選了這間星級食府作午餐，早於一個多星期前便要訂座，此處即使是午餐時段亦常滿的。場內大至『8』字水晶裝飾，小至桌上擺設同樣高雅，而侍應的體貼服務亦很週到。由於早上起床已在酒店吃了早餐，故中午點選點心合適不過，一共點了五款點心加上一味柚子手撕雞作小吃。先送來餐前小食分別是鮑魚柚子果凍及甜椒肉粒，鮑魚入口爽甜配上果凍頗清新，另一款甜椒肉粒味道亦不俗，底部脆殼是脆口的。隨後點心陸續送上：金魚餃外表非常吸引，修飾成金魚狀的蝦餃，蝦肉爽身餃皮夠薄，份量剛剛好可一口過吃掉。 葡汁蟹肉酥酥皮身連蟹腳部分亦做得細緻，餡料葡汁加上一絲絲幼絲蟹肉，味道濃郁鹹度適中，剛好中和了酥皮，整口吃上不會太乾身。 咖啡栗蓉企鵝包外貌是站立的企鵝相信會吸引到小孩，作為咖啡迷當見到餐牌有這一款點心馬上看上，包內的餡類近蓮蓉包質感，包餡咖啡味不重，不會偏甜，嘗到的大半是栗子味，作為甜點水準以上。脆香(箭豬)叉燒包此款點心為熱門之選皆因外型吸引，包身上有箭豬身上箭狀花式，下單是可選擇蒸的(一般叉燒包做法)或脆香的，我們點選了脆香做法包的底部會煎香，入口有點像生煎包底脆外軟，叉燒餡味道恰到好處，十分美味。肉

記得上一次嚟到8，品嘗過佢嘅點心之後，已經決定要再嚟過。不過，其間試過多次嚟澳門都因為沒有訂位而緣慳一面。今次下定決心...一個月前買定船票...訂埋酒店...就Book定檯啦！由於暑假關係...我哋搭Lift時...全部有三批人都係一齊去8食晏的，真利害！由於人多，而門口姿客就得一個，所以要等佢遂批遂批人帶入去...幸好佢哋都算有效率...最終亦很快安排到坐位。一坐低...立即揀點心啦。落完order之後，待應好快就送上餐前小食。剛試過個餐前小食之後...點心就已經陸續登場...唔使多講，所有點心都很有水準。而我個人就最喜歡金網叉燒酥，外面酥皮香脆，裏面嘅叉燒餡料很好味！而手袋酥嘅外皮就鬆化...亦好好味！除了點心，亦叫了燒腩仔及西蘭花炒鴛鴦帶子小菜品嘗。兩樣都做得好好味...燒腩仔固然皮脆肉香；而鴛鴦帶子中，以沒有炸的比較食到鮮味！但仍然係煮得好好嘅菜式。食飽啦...但仲心思思想食啲嘢添...一於叫甜品啦。大熱天時...最好食凍嘢...就叫個"鴛鴦金魚凍"啦！(點解8咁多用金魚款式嘅食物嘅？)一條椰子味，一條芒果味...好啱凍食。估唔到仲加球椰子雪糕！好味到不得了。食到飽飽了...