楊六記 (Closed)

難得黎澳門, 必到地點就係楊六記!食過一次就念念不忘佢開2-6, 留意時間, 以免失望.叫咗等候5分鐘, 熱騰騰上菜.米白色的粥, 飄住青綠的蔥, 棕色的牛雜, 上下地浮沈著.先飲一啖粥, 超甜! 令人覺得好幸福.粥的米已煮到爛, 入口即溶.再試牛雜, 好多部位, 全部都好淋, 唔會過咸.雖然碗粥好熱, 但唔洗10分鐘已經見底, 因為口味到唔停得口!

我向來不算特別愛好牛雜，但被先生帶來這「陋巷」找有數十年歷史的美食，看到檔口的擺設已對食物頗有期待—有風味﹗相當懷舊的擺設，天氣很熱，但無減我追求美食的熱情。牛雜粥是必點的，粥有著豐富的牛肉香，特別是牛金，粥內著黑色點點，原來是來自牛蒡，特別香﹗粥偏向稀，但亦因此可以用心體味當中牛雜的味道，對在澳門尋找美食的旅行更合適，因為不會撐著肚子影響下一站的美食之旅。因為牛雜粥太好吃，第二天我和先生再次來訪，今次再加點一碗細牛雜。這碗細牛雜，我也頗喜歡，因為吃出了牛的真味，是較原始的牛雜，尤其適合追求食物原味的你。基本上甚麼部位也有，包括牛鞭、牛睪丸等，不過師傅剪細了，吃時只管味道，不理會甚麼部位了，反正不考究亦不知道就最好了﹗牛雜很美味，但要有非常熱的心理準備，而只愛吃濃味多醃料的牛雜的人，就不大適合了。另外注意店舖只於每天下午2時至6時開放。

這藏身於小巷中的美食, 真不易揾環境不要有要求, 下午二時才剛開檔, 款式相當齊全, 因它是每天在屠場攞一副內臟, 所以多少不隨意叫了一個大什(內容當然是我自選), 一般部位是不能滿足為食的我, 預備好牛什必備....芥辣,辣醬, 開動, 牛脆骨(氣管) : 口感爽脆, 咬口比雞軟骨正幾倍牛鞭 : 夠淋, 像牛筋, 但比它爽牛波子(睪丸) : 口感像牛旁, 粉粉的, 也有點像肝, 而且這家牛什味道不濃, 只用牛骨湯和少量鹵汁, 有點清湯的感覺, 不會蓋過牛的鮮味, 正

終是能來嚐一口牛雜粥。畫面下方的牛眼和牛睪丸我沒有嚐，只是嚐嚐店子滷得味道深邃的牛雜。位於後巷的店也不算難找，Google Map搜尋「楊六記」能顯示出準確的位置，從南屏雅敘走過來也不遠。喝牛雜粥的話，牛雜剪得比較細，行程不太密的話，想必是點同樣價錢的小份淨牛雜為佳。我這是多蔥的版本。牛丸不爽彈，肉的味道也不濃，可謂未見佳處，底下的一口滷汁卻是精華，醇美濃郁，猶有餘韻。

啱啱喺梓記失望中帶希望到此，地方喺條後巷，營業時間係14:00-18:00，特登就啱時間嚟。又嚟牛雜細碟$20（份量仲多過梓記嗰碟仔），第一舊又係試牛根，香軟諗，仲黏黏，其他唔知牛邊個位，好香牛味，款款口感同味道都唔同，攪到男友大人叫咗支啤嚟送一送。食到底碗湯先精華，好香唔咸，好重膠質，正。之後唔夠喉叫多碗牛雜粥，牛雜份量足，粥底咸咸香香同啲牛雜好夾。澳門三盞燈之後到呢檔，我再到澳門必定幫襯嘅牛雜。

楊六記, 很易記的名字, 很難找的車仔檔... 在那小巷一隅, 開檔收檔時日不定, 每來澳門, 遇得見, 算是緣份~~ 一碗牛什收費不平, 但大家會慕名而至, 原因是這老伯的出品你尋無別處；這老伯的待客態度、他對牛什的認識、及讓眾人都能加深對牛什了解、擴闊品嚐牛什的眼光... 他的熱誠, 你亦尋無二處我沒誇得太大, 來過你會知道, 他把食客當朋友, 當學生, 見你好奇, 不怕你問長問短, 他會重覆每天或已說上數十遍的解說, 就要讓你懂得欣賞牛什, 明白牛的"可吃度"有多高.... 你聽過的沒聽過的牛部位他也不厭其煩地逐一介紹, 慶起之時, 他就配合你拿起架生來影相... 好好笑~ 我們是次吃了一碗, 是基本的牛肚牛腸牛膀牛皮.... 牛肚厚又稔, 牛膀是我一向不大喜的粉粉口感... 牛皮爽脆彈牙... 楊六記的調味不多, 卻使你吃出真正牛味~見他介紹些新的又來多一碗, 牛鞭牛沙瓜牛波子什麼的.... 新奇又好吃~來過了, 你便清楚, 識牛扒不厲害, 來去還不是那幾部份, 和什麼幾成熟, 懂牛什的(一個牛胃也不知可分成多少個名堂) 才是真專家~

聽聞此店牛雜了得，特意前來一試。細牛雜： 雖然是一小碗牛雜，仍夾雜著多款不知是牛那部位的東西？ 抱著唔知好過知心態，因為怕知道就不敢下咽！ 所以沒有向老細詳加提問。牛雜是用清湯炆煮，別有一番原味。牛肺、牛腸清洗得乾淨，沒有異味；牛肺帶嚼勁、牛腸入口粉糯帶黏性、牛肚軟腍、金錢肚及牛天梯爽脆。其他不知名部位都不錯。只可惜不見牛膀蹤影！枱面上備有多款醬料，自覺牛雜配上芥末醬份外惹味！

香港有兩間西餐廳，標榜由頭吃到落尾，一間是Linguini Fini，另一間，是Blue Butcher，由豬頭，到豬尾，也可以做成佳餚。但是，牛又可不可以這樣？慢煮牛面肉，與炆牛尾，相信很多人也吃過，其他部位呢？作為香港人，應該吃過牛雜吧，不出牛肺，牛腸，牛薑，牛肚等部份，牛鞭，牛波子，還有些地方可吃到，如果，牛眼，牛頭皮，我想普羅大眾想也沒想過，原來，是可以吃的嗎？澳門爛鬼樓小巷內的楊六記，正正是由頭吃到尾，牛鞭？普通料而已，牛頭皮，牛腳甲，牛尾皮等等，才是最吸引人！五個人來到小巷，看見檔口放着兩大粒牛波子，即刻打蛇隨棍上：(有沒有牛歡喜？) 旁邊兩名食客聽到，忍不住笑出來。檔主說沒有，我想楊六記沒有雌牛吃吧，就算有得吃，也不會用咸酸菜來炒，哈哈！赫見檔口貼上小小的告示：有牛眼。好奇之下，要了一粒，另外隨口說了牛脆骨，牛喉嚨，牛鞭，沒有牛頭皮，要了牛尾皮，同行的朋友們，沒有人肯陪我一起癲，只得我一個獨享。用牙籤拿起牛眼，你眼望我眼，恐懼嗎？吃下去又不是很恐怖，一口咬下，有汁液流出，眼珠質感帶點煙韌，至於會否以形補形，有明目的作用，那就不得而知。牛鞭吃過很多次，膠質豐富，帶點爽口感覺

四人行食完葡撻就過番新馬路繼續搵食, 試下阿"SHOW"講既牛雜, 不過都幾鬼難搵. o係d 巷仔度~ 最後都要問下人先搵倒~ 環境就緊係嘛嘛啦, o係d巷仔度, 唔通你想有靚靚裝修?就係哩度了. 有盞白光管個度就係佢個檔攤啦. 而招牌個位度就可以入去坐住等食. 我地order 左一碗牛雜, 老闆真係剪得幾快手, 左剪友剪, 話咁快碗牛雜就整好啦. 不過食落就怪怪地咁, 好似有陣嗡味咁, 可能係佢d 獨門秘方吧! 但就真係唔係我地杯茶囉, 試一就夠了! 咪搞真係未食過咁既牛雜... 咁明記牛什好食過佢N 倍. 哩鋪我地中伏了

第一次去澳門其實只是07年開始, 第一次到澳門就來到楊六, 他們的牛雜真的很雜, 而且好吃, 至此每次到澳門到一定會光顧六月份就跟男友到這裡, 他也很喜歡吃牛雜男友看看這邊的碗子, 跟我說他自己一個人可以吃一碗, 就叫兩碗小的味道沒有加上五香或滷水汁, 就是很簡單的牛湯不停地煮, 味道盡是牛雜精華眾多的牛雜中我最愛吃牛頭皮, 黏黏的帶韌度, 幸好這一次去也有得吃這是我最愛的牛雜店, 相信以後每一次到澳門都會去上楊六一趟

成日聽人地講楊六記d 牛雜好好食, 終於都走去搵下呢間野係邊, 又比我好容易就搵到了wo...行到入去見佢剩返唔係好多牛雜ja...就即刻叫老闆剪d特別d ge部位比我試下la...本來我都想試下牛波子架...但係見到佢ge真面目, 真係有d驚好快老闆就剪左一兜比我地la, 見到個碗入面全部都係d 好碎好細粒ge牛雜粒, 無辦法la...都要食架la...一食就閉la....點解d汁咁咸ge, 又唔香, m....可以算係我食過ge牛雜之中最難食...快快手食完比錢就走la...

親臨澳門當然要一試牛雜, 選址楊六記. 位置比想像中易搵. 下午去到車仔檔前坐下. 叫左一碗大淨雜, 其實都唔知幾錢, 埋單先知$40.原來哩度只係開2-6pm. 真係好彩咁岩撞正佢開檔.雜剪得幾細. 炆得好林.好多位都唔知係牛既邊度, 但又好食過普通牛雜既部份.d 汁唔會好濃好鹹, 但都有牛味. $40一碗真係貴左d, 但今次真係大開眼界. 下次再黎到訪一定要試下d 特別部份!

要在橫街窄巷中找到這間牛雜店一d都唔容易，更加上是第一次去，都要花一些時間才能找到這間店了，不過最終都找到了，心中都有一些喜悅。牛雜 ($30) 見價錢和網上有少許不同了，是加了一些價，不過都沒有問題，山長水遠來到一定要試一試。就叫了一個牛雜和另一碗是自己再另外叫的，另外再的就叫了一些特別的牛內臟。例如 : 牛鞭、牛嘴唇、牛骨膜、牛皮和牛包皮。牛鞭外表看來牛筋一樣，但型態圓圓的，食落比牛筋膠好多，滿口都是骨膠原似的感覺。牛嘴唇的感覺就是和食鞭差不多但沒有這樣膠，但反而有一種爽口的感覺。牛包皮和牛皮有少少不同，又是比牛皮膠一些，食完這個特別的牛雜之後好像食了好多骨膠原一樣。橫街窄巷中食東西在香港已經很少機會了，希望澳門能保持這一種懷舊的風味。

呢間牛雜算幾出名 ! 終於有機會試吓 !因為黎之前食左豬扒包 !所以嗌左個細剩雜 !入面有D咩我就唔太識分 !總之簡單而言係 ! 食得過 !等緊外賣其間見到有個女人篤左一舊佢食緊嘅野問檔主係邊個位置 ! 個女人話幾好食 !檔主佢好唔好意思咁同個女人講係牛睪丸 ! 下次我都要試一試先得 ! 整體黎講係幾好食嘅 ! 但唯一不足之處係唔夠熱 !

一見到碗粥,覺得粥好希..好多水入口.好咸..但係咸得黎唔係牛味....牛雜剪得細細粒.易入口$13.見到其他人2009年post 的相是$12.加左價