亞利咖喱屋

Open Now

Now Closed

朋友介紹話本地人都去呢間度食葡國菜本身預約左坐室內，但室內嘅咖喱香料味係勁重勁濃，友人接受唔到，所以就室外，都幾舒服嘅！佢嘅葡國雞雞肉好嫩滑，好好味啊，每人可以食到一碗飯！烤羊架都好香好好味，非常推薦呢間餐廳嘅價錢非常合理，食物又正！呢個酥皮龍蝦湯味道一般，味道不過不失焗生蠔都幾正，薯蓉好好味，不過生蠔太細隻。食咗呢幾樣野都係三百幾四百蚊！抵食！👍🏻👍🏻不過如果有朋友想去食最好就預約枱，因為都幾多人等位！

去咁多次澳門，都未去過西灣果邊今次好友選了來這間餐廳吃晚餐，令我第一次踏足呢個地區。由氹仔酒店那邊坐的士來，繞過西灣大橋就到，一落車就見到餐廳對著一個咁靚既景，可以遠眺著澳門旅遊塔，可惜當天天氣還有點下雨，如果唔係拍出來的效果會更好。一推門進去餐廳，就已經聞到一陣陣的咖哩味道。幾個人一起去玩的好處就是可以多叫幾個大家一起share。我地叫左幾様嘢食都覺得好好味呀。⭐️薯絲馬介休⭐️- 簡單的材料，但好考功夫，薯絲脆炸再跟蛋炒後一起吃仍然很脆又香口。⭐️酥皮龍蝦湯⭐️呢個湯真係正，個酥皮焗到剛剛好，而湯係非常濃郁，而且有很多龍蝦肉粒，非常鮮味。⭐️烤雞焗長壽飯⭐️看樣子賣相沒什麼特別，但吃起來非常特別，長壽飯的質地係長而幼又軟身，加上特色醬汁烤雞一起吃非常配合。⭐️咖哩牛肩肉⭐️咖哩一定是招牌菜，牛肩肉還很嫩滑，D汁撈埋飯係停唔到囗。⭐️蜜汁烤豬手⭐️個樣唔講以為係叉燒，用左蜜汁去烤，好好味，仲配埋薯條。很喜歡這裡的食物、環境，有機會要再來。

去澳門吃咖喱邊間好，最近去跑馬拉松，跑過一間叫ali咖喱，向海環境舒服，於是跑完沖過涼即刻落去試，安排坐在店外望住旅遊塔和海景，巳經鬆弛晒，店長介紹吃咖喱牛腩和燒大蝦，我比較喜歡該店咖喱牛腩，好好味，配埋白飯必定絕配，再飲支冰啤，累氣全消

之前差不多每個星期都黎一次噶咖喱屋，宜家環境雖然同以前一樣，但味道同以前差好遠！囉左個黑椒豬手，好梗，不過味道都OK！葡國雞：一碟葡國雞可能都有6構雞肉噶，好細碟，如果4人吃真係隻可以試下味道咯！最經典就係依家出左個芝士焗龍蝦伊麵：哇，咁大個人吃過最難吃噶一次龍蝦伊麵，龍蝦得個龍蝦殼，伊麵一人份量，龍蝦完全吃唔到有肉，好難得吃到一構肉仔，但D肉霉到吐蕃出黎！D湯係呢餐飯當中吃得最OK噶野總體黎講，100分滿分，呢餐飯有20分難吃到爆

位置搭小巴都方便去到，野食味道一般，係唔怕太鹹，出餐算快，但侍應比較少，叫野食都幾次先叫到😓有枱都無人執位清潔俾客先坐，咖喱雞唔錯，意粉無味，羊肉炒飯有啲lon，羊架有啲難咬，應該煮耐咗。本身無咩食野優惠，要去呢間食晚飯記得要預先book位，因為walk in未必即時有，同埋可能有機會要等30分鐘以上。

第三次去澳門，但第一次食葡菜。因為有澳門朋友帶路，話呢間阿利咖哩屋性價比好高。原本book左六點半，但係賭場玩輪盤玩到唔願走，搞到七點半先到。一去到見到出面枱坐晒人，心諗大獲啦。不過原來入面仲有好多枱，安排我地坐樓上，而樓上位得幾張枱，每張枱都分得好開，可以好放鬆甘傾計。其實全日已經食左好多餐，但難得一次食葡菜四個人叫左六個菜同一搾紅酒Sangria。呢個西洋菜炒蜆好好味，蜆算有肉同無沙，蒜蓉味好出。我地四個都好滿意，因為d蜆汁都好多同好濃味，我朋友當湯甘飲左兩啖。四個人叫一搾Sangria岩岩好，但我同另一個朋友唔係甘飲得酒，所以同waitress 講要溝淡味d。最後結果係對飲酒既朋友黎講太淡，對唔飲酒既朋友黎講又太重紅酒味。但其實一搾好多同好多水果粒，每個人都可以飲到3個細杯。因為有朋友每餐都要有菜，所以叫左三文魚沙律，份量岩岩好，個汁好開胃。咖哩雞係我地問waitress ，佢推薦俾我地既。好濃味，勁岩送飯。每人兩啖飯一件雞岩岩好。但唔係話好特別，因為好多地方都食到類似。我地坐低見到芝士焗龍蝦麵就好想食，數完公數袋同望左個價錢：Ok Wor 唔貴，我地食得起。呢個好好味，每人都分

正宗抵食湖景葡菜 - 亞利咖哩屋來到澳門當然吃葡菜，今次試了網上食評近乎全讚的亞利咖哩屋，地址在西灣，室外露天座位面向觀光塔湖景，環境一流。細看餐牌，所有食物價錢均相宜，一般食物$40-$70已有交易，最愛佢食物不太大碟，就算兩個人來也可多吃幾款，最後一行13人點了近廿多碟食物，樣樣都很美味，介紹覺得最出眾與大家分享。先來兩Jug Sangria，酒味香甜濃郁，調得很不錯燒牛仔骨醃得入味，烤得香口肉嫩多汁，美味燒墨魚香軟，送酒一流；蝦咖哩洋葱味濃郁，微辣冶味葡式凍豬耳爽脆有咬口，那濃郁的洋葱香醋沙律汁是靈魂，美味烤沙鯭超大條，魚靚鮮甜肉夠實淨，大大條才$200，夠十多人分享葡式煮蜆牛油味濃，蜆肥有酒香，正愛吃橄欖可一試佢個黑水欖，$23，幽香馥郁，正貨。這兒連蔬菜都很美味，椰菜及西蘭花都新鮮爽脆要試佢地既西班牙海鮮炒飯，飯煮得煙韌分明，海鮮足料人人讚但非洲雞個汁偏淡無乜特別烤原隻鮮魷過了火；蒜蓉包切得薄又細令人唔多滿足。最後埋單位位才$250，飲飽食醉大滿足，亦祝女主角小妮子快高長大，聽教聽話，生日快樂，放假再來玩！袁連人生酒庫FB：smallsmallsmalllin

這餐廳已不是第一次惠顧，但這次中秋節有煙花比賽，對面岸又可以看到煙花，就來試一下，一行8人食晚餐，邊食邊看煙花，又抵食又好味。牛油味重，但不算特別好味。這個湯超鮮甜，有蝦，魷魚，青口....好足料，唯獨是湯飯但沒有飯，只在餸中勉強弄到幾粒，我要自行加個白飯落湯才有些飯的影踪白酒煮，酒味不灷濃，不算特別美味，但可以接受，但因也鮮味，但太細只，無肉食。蘑菇龍利魚，無特別，龍利魚又不是特別鮮甜，而且那白汁弄到魚皮也得淋。將薯仔切粒炸到脆卜卜，但完全沒有油淋淋的感覺，炒得很汗身，好正。$140一渣，不算太便直，味道還可以，但㖥沺备各略為生果款太少，只有蘋果及兩片燈橙及檸檬。薯絲馬介休，薯仔絲好脆，夾上洋蔥，雞蛋有少少淋淋脆脆的口感，很好味，不過$128就略為貴這裏的咖哩很好味，香辣得來不會太椰子味，汁很濃，而且牛肋骨得香牛味，而且有肉又淋，不像別的有時吃得好肥的膏，又無肉，牛又雪到完全沒有味道，建議多叫一碗飯來撈汁炸蝦小食，香口，蝦爽口，但沒有蝦味，用來餸酒也可以今次的燒豬脾失色了些，因為皮唔夠脆及香，而且肉唔多蒜蓉包太薄，烘得好脆，但好乾，完全沒有包的口感

到了晚餐時間希望找一些地點上不太嘈雜和風景怡人的餐廳，立時想起以前在西灣遊覽時看到在湖邊的一排餐廳，就選了其中一間最多人選擇的餐廳「亞利咖哩屋」。地點上「亞利咖哩屋」是在西灣的湖畔，地點上比較「偏僻」，「偏僻」的意思是很少的公共巴士路經此地，在新馬路附近只能有一部9號的巴士來到這地，要在民國馬路/西灣湖站下車，而在媽閣廟附近就有6B、9或是28B號去到「民國馬路」這個站，當然還有在北區舊區這一部16號來這同一個站，而這些巴士的客量都是細一些而多數時間都比較多人，所以來到這地都要花上一番的功夫。之前食完午餐就慢慢行到這店，就順手訂了同日晚上七時半，眼見訂位的簿已經寫得密密麻麻，不過最後都成功訂到位，然後就去看同夜的表演了。看完表演再坐穿梭巴士回到新麗華酒店，時間還未到七時，所以就慢慢行過來，由海邊行過來可以看到澳門的夜景，晚上的旅遊塔在燈光的配合下特別美麗，在涼風的伴隨下不太辛苦用了十多二十分鐘都來到了目的地，沒有想像中這樣遠。來到時見到門外的位置已經坐滿了客人，心中訂了位可能都要等一陣，但原來餐廳入面已經留了坐，可以在有冷氣的情況下進餐。店內的佈置簡單，都是一般西餐廳的格局，顏色的配襯

黎到澳門必定食番餐葡國菜,而亞利咖哩屋出名抵食又好食，但係餐廳地點比較偏僻，不過可能位置咁唔就腳我地先可以食到咁抵食既葡國餐。行左大半個鐘有多先到達餐廳，我地大約差唔多5:30pm到達餐廳，所以冇咩人，但就要7:00pm交枱。忌廉湯 $28，湯好濃郁而且好熱，似剛剛煲滾，麵包都暖暖地，點埋湯仲好味咖哩牛腩(跟飯)，好似大約70幾蚊，但我覺得一般，牛筋仲多過牛腩，牛腩都唔夠淋同唔夠入味。好因為嗌左個咖哩牛腩點可以唔嗌個蒜蓉包，焗得好脆卜卜呀葡國焗鴨飯好似大約都係70幾蚊，唔好睇佢個面頭冇咩料得個飯，但個底有腸仔同鴨肉，我覺得呢個好味呀。葡國燒豬手 $108豬手好大份，上枱時我都嚇一跳。咁既價錢食個豬手真係超抵，我睇其它葡國餐廳燒豬手起碼都要200百幾蚊起。真係好抵食呀，而且個皮燒到脆卜卜，肉又唔會太乾身，仲係熱辣辣架，必食呢隻蒜蓉蝦超大隻，同手掌差唔多，啖啖蝦肉，撈埋d汁食到lam lam脷不過呢個係時價，大約100蚊。今次黎澳門終於可食到葡國餐，真係食飽飽又滿足地番香港啦。

今次找來這間亞利咖喱屋，多得朋友推介，他說這間是一間好味又便宜的葡國菜因為比較多人，所以我們提前打電話預約。地點比較不方便，因為很少巴士會經過西灣我們在媽閣廟那邊下車，步行也需要15分鐘，後來望過附近的巴士路牌，9號及16號也會經過這裡。餐廳對面就是旅遊塔，景色很美室外的位置不多，所以我們坐在室內。到達餐廳的時間是六點半，已經坐了幾張檯因為想食的食物太多，我們叫了待應介紹給我們。咖喱牛腩: 我是不會特別點選食咖喱，既然來到這間咖喱屋當然要品嚐。咖喱非常惹味，不會太辣，咖喱與牛腩非常絕配除了牛腩點咖喱，我們也把薯條點咖喱，味道可口，比起點茄汁更要好吃必吃之選 燒豬手: 皮脆，肉質一流，燒得剛剛好，我們也把豬手點咖喱，還是第一次有這個食法。咖喱海鮮: 這個咖喱和咖喱牛腩那個不同，各有各特色，我覺得這個比較像黃咖哩當然我平時不吃咖哩，如果講味道，一定不及咖喱牛腩的咖喱 葡式時蔬: 蔬菜很甜馬介休炒飯:馬介休不咸，比起咸魚雞粒炒飯，這個更香口而且飯很軟熟，口感不錯。非洲雞: 這個是餐廳推介，當然有一定的水準雞肉很滑，醬汁惹味，不自覺也會食多了 這篇食評我好似提及了三次咖喱牛腩好味道，絕對

今次不足一個月又來澳門玩！每次都會看Open Rice作參考，而自己每次都必食葡國菜，所以今次選了這一間，因為食評評價幾高，結果，沒有失望！由於我們五點就駕到，所以不用等位。

餐廳的菜式價格不貴，露天座位還能看到澳門旅遊塔，大概就跟看著巴黎鐵塔吃飯一樣醉人。點了咖喱牛尾，牛尾炆得剛軟稔，筋位仍是彈力質感，未能離骨。我較喜歡煮得入味的咖喱薯仔，還有配白飯，但米飯偏乾硬。香煎馬介休馬介休其實是鹹魚，是鱈魚經鹽醃製而成，除了有咸香的鱈魚味，這道菜未算特別。面層的炸蒜頭帶苦澀，不是心目中的金香可口的香脆蒜頭。甜點點了芒果慕斯，這個只是一般。亞利咖喱屋可能就如店名，咖喱做得較出色，其他菜式只是一般，不會有很大意外，如前來坐於戶外座位，欣賞澳門旅遊塔夜景也算不錯。

♥ 澳門美食 ♥ 仿如置身於「葡萄牙」之澳門家庭飲食遊哈哈~好耐沒寫過旅遊篇了, 今次就同大家介紹下最近夏沫經常去的澳門~^^~除了工作需要, 其實夏沫的家人及蝦子餅都經常來澳門但就未試過一家人一起去玩~^^~出發當日還非常好彩被 Upgrade 到貴賓房, 呵呵~So Lucky~當日夏沫是後JOIN的, 所以一到步就去了 GALAXY 找家人剛好遇到表演呢~^^~夏沫很喜歡D縮小或特大的東西~見到這個模型都欣賞了很耐先肯走, 哈哈~嘩~見到羅信記呀~當然要映返張相啦~哈哈~姐夫一到訂了台, 說這間「亞利咖喱屋 Ali Curry House」好味又抵食地方雖然遠了點, 要坐的士來, 但附近環境很優美啊~餐廳位於西灣民國大馬路4K號地下 +853 2855 5865在露天茶座, 可以飽覽無敵海景, 景色好優美對面是旅遊高塔, 環境好靚~夏沫也是第一次來, 所以未點美食前, 趁天未黑就衝出去映旅遊高塔, 嘻嘻餐廳外還有勁靚的葡式建築, 粉紅色的啊~超靚~唔捨得走~這間好像是私人物業, 叫怡和大屋 (希望資料沒錯吧~^^~)夏沫在這裡拍了很久, 好彩冇人趕者~嘻嘻~~難得蝦子餅映到幾張唔

復活節拉大隊過澳門盡情hea玩一日, 純影相、掃街食好嘢! 由經常出trip到澳門既靓女搞手plan rundown, 帶大家食出香港 , 而晚餐就揀選左有靓靓海景睇既“亞利咖喱屋”。“亞利咖喱屋”位於西灣湖邊馬路對面, 沿途有唔少簡樸既中式老房及華麗葡式建築既禮賓府。 是晚天公造美, 我地坐係露天茶座用餐, 對住旅遊高塔, 好有懷舊feel啊!大家翻翻餐牌, 樣樣都好想食, 一於每人揀一款菜式, 唔夠再加…1. 葡式海鮮飯 : 其實係湯飯, 雖然d海鮮材料唔算多, 但蕃茄既天然酸味加埋海鮮既精華之後, 味道可口。2. 咖喱魚 : 魚肉滑溜, 咖喱汁顏色深, 香氣濃。3. 血鴨 : 鴨肉嫩滑唔羶, 濃厚卻唔膩口。4. 葡國雞 : 雞肉嫩滑, 汁色偏黑濃醇, 香料重。5. 炸馬介休 : 似炸薯球, 外表炸得鬆脆, 內裏軟綿綿。6. 燒牛肋骨 : 肉質細嫩鬆軟。7. 炭燒豬頸肉 : 嫩滑爽口。8. 沙嗲串燒 : 有椰香, 花生味濃郁, 雞肉、豬肉串非常惹味!9. 澳門炒米 : 呢碟炒米又几好食, 有火腿絲、青椒絲、椰菜絲、洋蔥絲、蝦仁等等配料。10. 蒜蓉包 : 夠脆