山度士葡式餐廳

Open Now

Now Closed

睇住本旅遊手冊，我地一行4人入到呢間餐廳，睇下餐牌已經覺得唔對路，服務態度極差，d野食超貴。我們有感呢間野出名，貴得嚟好食就算啦！好彩我地都係先叫左條魚(佢話係招牌菜)同埋海鮮飯。人地檯檯都係圓形大包，佢就俾左2片薄EE既法包我地，凍冰冰。果條魚【腥到痺】，又無味又唔熱，超難食。個海鮮飯係入得口既，但係成舊水，唔值lor~ 唔覺好食，響澳門事但搵間葡式餐廳都一定好食過佢。我地都有試過行番出門口，對照一下本旅遊手冊，到底係咪我地入錯左餐廳，答案當然係無入錯，因為我地直頭係見到圖中果個老細坐左響度。唔明點解老細響度，d伙計既服務態度都咁衰。食完呢兩個超難食既垃圾後，急急埋單走人，寧願去過另一間醫肚。埋完單出去既時間，依然係好多人排隊，好多都係香港人，又係好似我地咁拎住本旅遊手冊，我地好想叫佢地唔好入去食，唔好俾人搵笨，但最終怕俾人打，放棄左呢個念頭。唯有響呢度講出心聲，千祈唔好去呢間山度士葡式餐廳呀！

睇完食評之後去試一試, 入到餐廳真係好full, 好彩飯市剛開始, 唔係太多人, 和男友2人好快就有位喇 ...我地點左:1) 菜salad - 冇咩特別, 但由於我地冇點菜類, 算係可以減少油膩感 ...2) 網友推介菜 - 燒乳豬, 味道確實麻麻, 冇肉汁但係皮脆同埋伴菜薯條好好味3) 炒蜆 - 味道都係一般, 同hk食到的冇咩分別4) 燒沙甸魚 - 呢個值得推介, 好香口, 肉質滑有鮮味... good5) 值得一讚既係佢既啤酒包裝, 餐廳冇冷氣, 支beer係用個發泡膠"筒"包實, 飲到最後一啖都係凍冰冰的 有驚喜6) 每枱付送熱既面包, 好味但太大了, 每個大過塊面呀! 熱熱的好好味, 但由於食得太多所以 ... 食唔晒d main dish餐廳菜式碟頭較大, 是次2人行實在叫得太多了 食極都好似食唔晒咁 ... 有d浪費食完飯去出面既花園坐低嘆番支beer ... 人生一樂也, 呢度係食feel多, 建議秋涼/ 冬天時間光顧較佳 ... 整體上不過不失, 但唔會考慮再光顧了 ...

一行七人, 地下一層沒有大台, 侍應領眾人上二樓. 紅白小格的桌布, 藤制吊扇, 牆上吊了小幅掛畫, 裝修別緻, 甚有歐州小店風情. 大伙安頓好, 侍應拿來餐牌, 然後就靠邊站著等我們下單. 朋友問可否先給幾杯開水, 侍應語帶嚴肅地說所有飲品都得下單買. 個人頗不能接受No free drink 的館子, 吃飯喝水, 這是餐飲最基本的要求吧? 不是說我要省這十多二十塊錢, 但飲品單上唯一的純水飲料就只有進口礦泉水, 蒸溜水也沒有. 這種對食客的自由的剝削也太過份了吧. 還好友人不嫌礦泉水, 否則我可要據理力爭去喝自家的飲料了. 菜點的不多, 算是小試牛刀. 來澳門掃街, 當然要常留三分之飢才行:1. 雜菜湯: 幸好我沒點, 三位吃湯的朋友都半途投降. 難吃的東西只消看就可以.2. 麵包: 焗得暖暖的, 很好吃. 3. 蒜蓉炒蜆: 非常差, 蜆不新鮮, 我吃了三只也有臭味. 全體投降.4. 八爪魚沙律: 八爪魚粒撈香菜和橄欖油. 八爪魚粒新鮮彈牙, 整個菜感覺得清新. 5. 葡國雞: 我不知道正宗的葡國雞應該是什麼味道, 但無論如何雪雞的味道都太重了. 6. 燒排骨: 肉燒得很乾, 塗

八月廿五日(星期日)一連兩日的澳門之旅終於到了!一來可以同老公仔食到/玩到澳門之餘!也標誌著peak season正式結束了!同老公仔由上環到氹仔差不多用了一個小時呢!再傳車到酒店checkin,換船票還有入會!再搭的士氹仔,因為上次已經吃了好吃的誠昌,今次都不知道吃什麼好了!唯有邊行邊想呢!行到官也街又熱又哂,唯有是但到一間食肆吃!到了山度士,我記得曾經有雜誌提過,應該不會很差呢!一進店,很多人,幸好,不用等位,上了樓上,但是,環境很差呢!!!地上很污糟呢!我們坐了一個死角位!一個位很難出入!我相信有坐過的朋友,都會記得-.-!!!!好了吧,如果真的好吃,不會mind的呢!叫了一個紅酒燴牛尾:不是太有紅酒味!......但牛尾炆得不錯呢!雖然很多骨呢!....而葡式咖哩雞也很特別呢!葡汁有別於別的店子,有自己的風格!而雞也很入味..幸好牛尾有飯......可以用來撈汁呢!不錯!不過,真的要好好改善一下環境呢..................

也等我寫寫澳門的食肆吧。在澳門吃葡菜，我的選擇不是法蘭度、公雞又或是海港，而是這裡。只是一間小店，全店只得廿多個位，但供應的葡菜是正宗又美味的。先來一壺Sangria，這裡的紅酒成份高，加上鮮果，又凍又爽，是夏日之選。下酒小吃方面，必吃的是燒葡式香腸，烤得香口，吃起來鹹香，帶點生羶味。邊咬烤香腸，邊喝Sangria，一樂也。菜色方面，叫這裡的烤乳豬、燒沙甸魚、焗鴨飯及炸馬介休餅，總不會失望。尤其是烤乳豬，烤得皮脆肉嫩是基本條件，而調味做得很好，一定要放棄刀叉，出手去吃才滋味。炸馬介休餅外脆內軟腍。馬介休在鮮味及口感上，當然不能跟我們的新鮮魚相比，但吃葡菜不吃此味，好像是欠缺了什麼似的。而這裡吃到的，跟在里斯本街頭吃到的沒有兩樣。另外這裡的焗鴨飯是又香又乾身，也是必吃之菜色。葡籍老闆很好傾的，而看四周的葡籍鄉里，來這裡吃，錯不到那裡。預算是每人二百左右，應該可吃得飽飽的了。

行完永利、MGM，始終覺得沒甚特別，情況像你行完 IFC 再行 Element ...四點多入威尼斯人，一來此行係為了睇波，二來也想早一點氹仔食晚餐，行了一會兒，便走到了官也街覓食了，朋友們推介了山度士葡國餐廳，當然要一試吧，但鄰近的誠昌看來更受歡迎，店外滿滿是人群，下次再來時必試!一行二人食葡菜，遇上一個大問題，菜點得不多，馬介休、乳豬通通想食，但最後只點了燒羊脾(MOP$90)、燒雞半隻(MOP$98)、兩支果汁(MOP$12@)，還有那餐前的麵包，已經是超重量級的晚餐了 燒羊脾看來是過了火一點，但那羊的肉質及羶味仍能保持，尚可! 至於半隻燒雞，有點令我喜出望外，外皮脆肉質滑，絕對是高水準之作，很好!此店裝修滿有葡式風味，但價錢略貴，如果到澳門食葡菜，我仍然推崇黑沙的法蘭度餐廳呢

來到仔玩，玩下玩下玩到三四點，個肚有ｄ餓，但官也街呢度冇乜野食，賣杏仁餅就鬼咁多，見本書介紹呢間就食囉。我地點左一個燒豬同忌廉馬介休。個燒豬係推介，但唔脆，又肥，仲有好多薯條，食唔晒。個馬介休係仔裝，好似焗魚腸咁，都幾好味，唔鹹，但份量又太多，食到頂住個肚。雖然我地食到好飽，但係要付出代價。呢度既菜式都要９０幾蚊，唔算平，而且冇水飲，乾到想死，叫一枝葡萄牙汽水都貴過人。但係間舖真係幾有葡萄牙feel，睇葡文電視台，掛晒ｄ葡萄牙波既紀念品，老細一定係足球迷，可惜ｄ侍應態度麻麻，類似香港茶餐廳的水平。好彩我咁都撞到個奧地利家庭，原來個爸爸在澳門科技大學做researcher，所以成家過左來，個女仲學中文添。雖然講講下好想講法文，但總算用德文溝通到。

生日當日同老公過澳門慶祝，晚上揀左呢間餐廳食飯。我地叫左兩個青菜湯，一個燴牛肉，同一個燒乳豬。青菜湯味道不錯，燴牛肉稍"un"，燒乳豬很入味可惜乳豬皮並不是聽人說的"脆卜卜"而是超"un"，我老公一啖都咬唔到！埋單$215，我就覺得唔值。

原來你都係受到咁既待遇呀!我都係呀!D野又難食,招呼又差,我都唔明果本旅遊雜誌會介紹哩間不知所謂既店鋪,係咪有COMMISSION分架?

聖誕節去了《山度士》食葡國菜，睇完雜誌見推介乳豬就叫了乳豬吃，點知勁多油，又肥又好難食，九唔答八配ｄ番炸既著條，我地見每桌都有麵包送，唯獨我地果桌沒有，我地都無要求佢比，送比你都無益，佢地搵個好污穢不堪既大袋載住，跟住就取去用微波爐丁熱ｄ包再比客人食，個個服務員黑口黑面，服務態度非常之差！連水都無杯，又貴又唔好食！唔會再幫襯！

爸爸介紹山度士餐廳俾我地佢話食完包你話正叫左燒乳豬薯條,咖哩蟹...最好味既就係燒乳豬薯條個皮超級脆,有肉汁,一d都唔鞋又大份. 4個人分一個就岩岩好了燒乳豬薯條係一定要叫既!!!

蒲入門口感覺都算乾淨企理. 但無咩服務態度, 啲待應只係好大聲咁叫我地上樓上. 菜式選擇不多, 以肉類為主, 我點佐三個餸, 燒春雞, 海鮮飯, 同埋羊仔柳...無咩特別, 感覺味道一般, 無必要特登山長水遠走入去食...相比起其他地方, 我覺得呢間既價錢貴, 有啲覺得搵笨.

2007年9月澳門飲食誌(2)：因為只有二人，不敢叫太多食物，所以只叫了一客焗鴨飯和飲品，焗鴨飯的焗鴨很，融入飯中，味道很香，但這客飯兩個人吃份量頗多。另外，一支500ml樽裝水要$10，頗貴。老闆看來是葡萄牙球迷，店內「展出」不少紀念品，他們亦樂意讓我們拍照呢。

4月5日晚上去山度士，入到去人山人海，以為好彩訂了位，原來係不幸的開始！，叫了燒乳豬，炒雜菜，炆牛仔肉，葡國雞和四個湯，除了炆牛仔肉是微熱的外，其他菜送來時已是全凍！跟葡國雞的飯更是冷飯，像在飯煲中放了隔夜的那種！問侍應可否反熱那些乳豬，因又凍又肥的話實在難食，轉頭再送來時，乳豬依舊是凍的，伴碟的薯條卻反炸了！結果四佰個大洋一肚氣！飽曬！！

因為唔係我叫食物, 所以唔知多唔多選擇, 我地叫左燒魚(一碟4條+2大舊薯仔), 都幾好, 但如果唔食得腥的話就唔好試啦!<br /><br />咖哩蚧, 殼已經整裂左, 好易食, 都夠味, 唔太辣。<br /><br />炒蜆, 我覺得係最好味既! 無沙, 又香!<br /><br />海鮮炒飯, 我個人覺得唔好味, 太濕, 唔知食乜咁<br /><br />炒薯仔條, 加洋蔥, 普通, 無乜特別<br /><br />整體都可以啦! 但因為開左2支紅酒, 所以就好貴(以澳門價)! 9個人食要$780-<br /><br />地方都幾有特色, 唔係新, 不過舊得黎好有味道, 好懷舊.