波爾圖

Open Now

Now Closed

同成班朋友十幾個人澳門兩日遊，夜晚睇不能說的秘密嘅音樂劇，下晝到咗澳門，有朋友介紹呢間葡國菜話幾好食，我哋下晝又無乜特別嘢做，就五點幾去食，未有好多人，輕鬆有位坐。咁多人當然嗌好多嘢share啦，我哋叫咗脆炸馬介休球、茨絲炒馬介休、麵包焗葡國雞、焗鴨飯、葡式乳豬釀飯、葡式燒銀雪魚、香草燒羊鞍、咖喱雜菜煲。基本上太多碟都食得好忙馬介休球係葡國菜經典，外脆內軟，食到薯蓉之餘亦食到馬介休。茨絲炒馬介休雖然係簡單嘅馬介休炒蛋薯仔絲，但食落好香口。乳豬釀飯嘅皮都做得好脆，肥肥嘅豬油好滿足，但都有瘦嘅部份，唔會成舊都係肥膏。葡國菜主要味道都會比較鹹，但食完呢餐都唔算話好口渴，食完去睇音樂劇，好滿足。

食過5，6次架啦～放便就腳呢個炒中蝦每次都必食既，又香又辣，好惹味食到停唔到口，呢到係2份黎架~白酒煮蜆，我覺得今次差左少少，白酒味太濃，有點苦味~血鴨，酸酸地好開胃，鴨味濃唔韌，好味，葡式乳豬飯，好味，豬好香好冧，皮脆肉嫩，飯吸收左乳豬油既香，正羊架，又係必食既有羊騷味，啱啱好,麵包糠包住芥辣黎焗，香香脆脆，好有層次，好食焗鴨飯，好一般，飯係乾身既，但係會實的的黐埋一舊，鴨肉係飯入面，焗到又乾又鞋，唔好食榴槤同芒果千層，榴槤迷必試，好好味，又香又軟，好好味，芒果正常唔太香芒果味焦糖燉蛋布甸，啱我口味，香濃滑 呢～每次又係必食既滿足

久仰呢間OpenRice 長期頭幾位嘅萄國餐廳， 趁今次平日黎澳門應該無咁多人就walk in 試下， 果然無令我失望，點了個萄式乳豬釀飯， 乳豬皮好脆， 肉質鮮美又夠哂入味， 值得番食😋另外， 呢個馬介休薯蓉撻係我心水item, 值得推介👍

昨天澳門一日遊， 與朋友下午睇狂電派和 吃自助餐， 晚上到官也街逛一逛，順路買手信。 之後經過波爾圖，即興入去吃葡國菜。 我們點了麵包焗葡國雞$83， 馬介休炒西蘭花$58， 脆炸馬介休球$48， 葡式乳豬釀飯$178。葡式乳豬釀飯～ 外皮脆卜卜，肉質嫩滑， 份量都幾多，四個人食唔曬， 可能因為我們不是太肚餓吧！麵包焗葡國雞～ 包皮鬆脆， 點葡國汁吃好好味。 雞肉大概有四件， 剛剛好四個人每人一件。脆炸馬介休球～ 食不到馬介休的鹹香味， 反而好重薯仔味，比較像炸薯仔球。馬介休炒西蘭花～ 馬介休鹹鹹地炒西蘭花幾好味。一場到澳門一定要食下葡國餐， 看見波爾圖的好評也不少， 所以來試一試。

同妹妹帶兩老來澳門遊玩當然要帶佢哋嚟試下葡國菜平時食開另一間 今次都係聽成日嚟澳門嘅朋友介紹 決定試吓呢一間波爾圖好彩我哋訂咗11點半嘅位 因為12點左右已經好多人要等位😌-見到好多都好想食 最後嗌咗炸芝士 麵包焗葡國雞 焗鴨飯 葡式乳豬釀飯 同埋馬介休炒椰菜-必食麵包焗葡國雞外脆內軟啊真啊！好食到我地全家清晒！炸芝士本身以為係芝士波波點知真係成個薯餅型嘅芝士 好香濃葡式乳豬釀飯乳豬皮好脆 但略嫌厚味道好香口 我個人口味就覺得有啲太油只能夠一個起兩個止🤔不過其實都值得一試既比較一般既焗鴨飯可能始終焗飯既關係 個口感偏硬同乾加上味道較淡 只靠入面既鴨絲調味奈個個鴨絲又實係原味道所以其實成個飯都冇乜味馬介休炒椰菜食完油既野冇碟菜中和下真係好馬介休落得好足 仲見到有啲魚片添

夜晚過到氹仔 好多都山晒門見到佢未收就入去試下啦叫左2樣野 一個牛扒一個pizza個牛扒完全吾得好難咬 好鞋Pizza一般佢仲送左2個馬介休撻難食到食唔落口好奇怪既味不過價錢好平 服務好好就真既

食完好耐都對呢餐意猶未盡，係值得去食的葡餐～攜媽咪過大海搵食，喺官也街附近睇咗唔少同類型葡國菜館，最終選擇行入呢間位於地堡街嘅小店😜第一眼吸引我嘅係道門啊🤣兩個人嗌咗三道菜，沙律、葡式乳豬釀飯及白酒蛤蜊意粉。沙律不過不失，但廣東人食飯一定要有菜~葡式乳豬釀飯 上檯個賣相已經好吸引，令人食指大動雖名為釀飯但只係乳豬鋪於飯面，米飯粒粒金黃香氣撲鼻，食落亦十分香口😋乳豬皮薄且脆，皮肉間未見脂肪因而不覺肥膩；肉質嫩滑有少許乳香，甚是喜愛！白酒蛤蜊意粉 蛤蜊十分清甜亦唔會有沙，白酒汁清香之餘完全吸收咗蛤蜊之甜味，大讚美中不足係意粉未能很好地吸收醬汁，有些許寡淡甚至格格不入。

澳門值得一試既葡國菜餐廳同老婆💏慶祝13週年拍拖紀念👫澳門🇲🇴吃喝玩樂之旅來到最後一站，就返香港🇭🇰我地大約7點來到餐廳但冇book位， 碰碰運氣睇有冇得食，冇就回港先搵食。佢講8點鐘來睇睇後補位，有位就比我地入去啦，咁我地為有行下等8點到試下後補啦。8點前我地再到睇睇，有位比我地，可以食埋先返香港一場來到當然一定叫乳豬釀飯🐖，再叫左焗蟹蓋🦀，同麵包焗葡國雞🐔加多果菜。 乳豬釀飯好好食，但食吾曬，因為食兩件乳豬會覺得有D溜同可能我地食曬成個麵包焗葡國雞先，D釀飯都好香口，令人回味麵包葡國雞都好食個麵包好脆，同葡汁一齊食，一流個焗蟹蓋都整得吾錯🦀個菜就相對地一般啦作為澳門🇲🇴葡國菜，揀佢黎食係不錯

1月黎左個澳門2日1夜短trip👻除左入賭場做賭神之外，就緊係密密食啦😋第一日我地就即試葡國菜！我地前2日book左枱食lunch，去到1點都要等10分鐘先入得👀不過食物質素都值得等下！1.葡式乳豬釀飯🐷$178呢個真係完美推介呀！乳豬皮同肉比例適中，食落啖啖肉，好嫩口，皮就好鬆脆😋葡國飯唔吸油，所以食到葡式香料同飯質，應該用左少少茄汁炒，好開胃😝每人食2件就岩岩好，唔會太油膩👍🏻2. 麵包焗葡國雞 $88 呢個勁抵食呀！個包係實心有饀，切開唔會好易爛哂碎哂，入面d雞大約有6件左右，包又可以點咖喱汁😋不過略嫌汁太少呀😖3.芝士馬介休球🧀岩岩炸起，但炸得唔油，仲好爽口，薯蓉好軟熟好香，一切開馬介休味好出，唔會比薯蓉遮蔽哂😛

中午來到澳門，因搭錯車來到這區，反正想吃葡菜，就選了這間最多人收藏的餐廳，來試試吧。菜都上得很快，可能不少材料都是事先煮好的吧。🔸檸檬白酒炒蜆$98: 蜆新鮮, 煮得剛熟, 火喉控制得好👍🏻, 檸檬味🍋突出, 湯直接喝就較咸, 拌蜆吃還可😛, 算幾惹味, 偶爾有少少沙🙊。.🔸葡式乳豬釀飯$178: 餐廳的推介菜, 但卻令人失望😐, 乳豬🐖皮脆, 肉嫩但偏鹹😣, 所謂的釀飯只是將飯放在底😱, 飯頗乾且沒什麼味道, 像隔夜飯, 食之無味😵。.⭐️值得讚是有免費水🥛供應，葡菜餐廳比較少有。.

今日（17/12）跟家父與太座試行港珠澳大橋，以澳門為終站，趁機品嚐一下葡國菜。之前在OpenRice 找到這間波爾圖，已在一星期前訂了位。準時十二時半到達，餐廳已九成入座（幸好訂了位），點了乳豬釀飯，檸檬白洒煮蜆，炸馬介休球，血鴨及馬介休炒椰菜。煮蜆冇沙有鮮味，大小適中；乳豬酥脆，炒飯底略嫌太乾，飯粒有點硬；馬介休球外脆內軟，血鴨出色，好香及入味，炒椰菜有驚喜，咸香清甜兼備。之後再點葡撻及焦糖布丁，前者賣相並不吸引，但香滑流心，布丁焦糖面略厚，不過很香滑及有雲厘拿香味。是一間值得推薦，價廉物美的餐廳。

一家四口去澳門旅行，當然係openrice搵下有乜好食葡國菜， 搜索後Est. de Comida Portuguesa "Porto" 見佢第二高收藏，於是專程一試， 叫咗葡式乳豬燴飯， 乳豬本應都ok、夠熱、但係唔知點解佢葡式會落咗孜然粉，令到隻豬同D飯好鹹，好多味精，食完飲咗好多水都搞唔掂。燒牛仔骨，冇牛味不特止，仲係好un，用把餐刀切好耐先切得開。其餘炒菜，芝士焗軟殼蟹，味道一般全部好咸 可以不試，沒有特色的葡國菜，太失望，浪費一個旅行晚餐，唯一服務尚算可以，價錢尚算合理。

去左澳門幾日都係食中菜或西餐，終於係走之前搵到時間食葡國菜啦~😋我地揀左呢間係官也街隔離地堡街既呢間波爾圖，貪佢多人推介，應該都唔會差得去邊掛。我地11點零到準備食中午，佢11點半開門，我地做左佢今日第一枱客人。入到去餐廳入面發現佢地方唔大，四四正正的擺佈，我地被安排坐係靠牆的四人枱，都幾闊落。佢既裝修都唔係新既，有D 90年代風味😂不過環境都係乾淨既，咁就冇咩所謂啦。我地見餐牌入面的套餐唔算好啱食，所以就散叫左我地想食既野 – 都係不外乎個幾樣，就係炸馬介休球、乳豬🐷焗飯，男友鍾意食蜆，所以揀左個檸檬白酒煮蜆，同埋呻左個菜，兩個人食都好夠了。先叫左飲品，男友點左個澳門啤酒試下，佢話都幾有麥味，都叫正正常常。先來左個炸馬介休球，我地兩個都好期待~ 一來我地冇食早餐，所以特別肚餓! 佢係剛剛炸好所以好熱，但食入口又唔會好油，有D似焗薯波，但又好香! 而且一咬落去D薯仔好軟熟好香，馬介休味會食入口之後出黎，唔會太濃但又會提升到個薯香味! 加上佢細細粒可以一口食，正!😍之後黎既檸檬🍋白酒煮蜆都好好! 難得唔係以忌廉去煮為主，清清地仲啱我食! 個檸檬味唔係好重，但剛好可以去左海鮮既腥味。而且蜆

兩個人中午黎都波爾圖食Lunch 地方環境比較逼，帶住3個月bb 同bb車一齊 逼到車都開唔到 手抱住個b食成餐飯。叫咗個檸檬白酒炒蜆，特色焗軟殻蟹，麵包葡國雞同馬介休炒椰菜。蜆嘅分量非常多 肉質鮮甜好食 食唔太出檸檬味但白酒味非常香 略嫌芫荽太多有少少搶咗個汁嘅味道。而個軟殼蟹焗完都依然有脆嘅感覺 非常香口，麵包葡國雞嘅份量都非常多 麵包非常鬆化脆身 用嚟點汁食一流 雞肉嫩滑 可惜就係比較多骨，馬介休炒椰菜偏鹹少少 但椰菜非常爽口好味。買單價錢唔算貴 絕對值得黎一試 但一定要避開繁忙時間因為好多人排隊 而且啲面比較細 想舒舒服服咁坐低慢慢嘆餐飯就唔係太適合喺度食飯啦

港珠澳大橋開通了,就試吓搭金巴去澳門！去到澳門就打電話訂定今晚三位八點!未夠八點我哋就去到,已經見到門口有好多人等緊,好彩有訂位！有我最鍾意坐的角落頭位！唔使同人迫！每次黎都必點的豬耳沙律，醋味酸酸的很開胃!燒沙甸魚面頭的蒜蓉很香！馬介休球入面都冇馬介休，只係有好多薯蓉，下次唔點每次必點的血鴨，唔知係咪今次夜左黎，所以鴨很淋，薯仔都很淋，很好味！每次必點的焗骨飯，夠大碟！豬扒份量又多！很好味！太飽了都沒有試甜品，下次再試！