亞馬交餐廳

Open Now

Now Closed

見其他網友對這間野的好評，所以充滿期待，卻非常失望而歸...... 平時我都只是openrice 讀者，但從未試過食得咁唔開心，唔寫出黎都唔得！我們預訂好了萄國雞和咖喱蟹。晚上七點到達餐廳。可是，我們足足呆等到八點才有第一碟菜萄國雞吃，我和我的女友已餓到、悶到沒有心情了。更差的是，我們吃完萄國雞，連白飯也吃光了，還是望不到我們的咖喱蟹的蹤影（我見第二台已經來了好幾碟菜了），幾經催促，咖喱蟹才到，期間個店員不停咁吹噓自己間舖頭係澳門幾出名，令我這些呆等的客人，更加反感！再談食物，我很疑惑，為何萄國雞的味道和平時在香港吃的咖喱雞這麼相似，而且我們都認為萄國雞和咖喱蟹是同一味道，同樣是很strong 的味道，只是咖喱蟹比較辣一點，我的意見係只需要點其中一道菜就可以了！講到衛生，係我地呆等周圍望的時候，見到有一兩隻小強(蟑螂）係台底行過，個店員一見到，馬上用佢純熟的腳法踩死隻小強，再用腳掃落櫃底，我女朋友畀佢嚇到之後個十分鐘，一粒聲都無出過，而我們剛剛在官也街買了手信，真的很擔心有小強會趴進我們的手信袋內...... (真係好後悔個陣無走，走左大家就可以見唔到呢個食評了) 順帶一提，店內有一隻

葡國雞--------------好正葡式炒蜆-------------正焗馬介休-------------吾正海鮮雜會-------------OK豬仔包---------------正但樓上廚房煮食時,樓好大煙,眼水標埋出黎.價錢都幾底.不過幾個人去食比較好.D好大碟.如果吾食茴茜就慘D.(任何菜式都有大量)可以一試!!

我成日去Macau, 不過上次先第一次去阿馬交食野, 雖然間鋪好細, 但係d野就幾好味呀! 仲有佢地有連皮牛尾, 我個次一聽都嚇親, 有皮既牛尾都未聽過, 諗住d皮都未必食得到, 嘩, 原來好好食ga!!!

今次是我第一次去澳門玩，咁我朋友都未去過，所以去之前上網搵左好多資料。呢間餐廳係我地所搵既資料之中一致獲得好評，所以我地第一晚就去左仔搵呢間餐廳。呢間餐廳位於官也街旁的橫街，如果唔係之前搵左資料都未必識去。餐廳樓上是廚房，樓下可容納20個人。我地六點鐘去到諗住book位先，點知去到的時候已經俾人book晒位，好彩我地得兩個人，勉強可以坐一張二人。Book位既時候，個阿姐不厭其煩解釋我地對所有菜式的提問。佢仲極力推介焗葡國雞($88)，話第一次去就一定要試，結果我地叫左半隻焗葡國雞同埋一個咖哩蟹($10/兩)，隻蟹仲係要特登去街市買。阿姐話D野食好大碟，叫兩碟已經夠晒飽，果然老實。之後我地七點鐘再返去間餐廳度已經坐滿晒人。我地叫左一樽水果酒($50)加七喜，支水果酒係老闆自己釀製，用三種烈酒加水果而成，很容易入口，亦都很容易飲醉，我地都唔係飲得之人，所以叫左兩罐七喜溝酒飲。但我地未上菜前飲左唔夠兩杯就已經面紅耳赤。等左十零二十分鐘就有野食，首先係焗葡國雞，真係好大碟，一上香味撲面而來，買相同香港平時食開既好唔同，食落口一D辣味都無，最唔食得辣既我。跟住就係咖哩蟹，一樣好大碟，D汁有小小辣

佢地既咖哩蟹超好食咖哩好特別有d似沙爹但係食落辣之餘亦好甜架~送飯正好~~~~~

前2日同一位朋友去左澳門, 買完紐結糖問果度d阿姐有邊間餐廳好食, 阿姐就介紹左呢間比我地喇.入到去間野好家庭feel, 得4,5張台, 得一個嬸嬸做侍應.見到餐牌d野食價錢都幾貴, 起碼成$70以上一個菜, 我們叫左沙甸魚($66/3條), 葡國雞($88/半隻)同一個葡式耶菜(大約$30).雖然貴但d菜一拿埋來嚇死我地, 大碟到....4個人都夠食...沙甸魚條條都好肥, 好香.葡國雞有薯仔同雞蛋一齊焗, d汁撈飯一流.呢餐食得好飽, 下次都係一大班人先好來食.

我都係香港人,係近三四年內.每次到澳門時我一家大細都一定會去吃晚飯,第一次去都係因為旅遊書介紹.店鋪不大,約20個位,service方面只得一個幫手樓面,勝在夠親切,厨師是兩仔爺,非常健談,媽媽在後支援(在喱三四年內,從來沒見過她真人現身).食物味道一流,以這樣價錢有如此美食,抵!!最好有一大班人去,可以嘗試多一些款式(記得先book位).再者,我介紹比其他人,他們都讚口不絕.其中一個還將食餘的萄國雞汁打包返香港添！！下個星期日我又約咗十幾個friends過(馬交)喇！唔！諗起都流哂口水！！Yummy！！

我第一次去澳門去咗呢間餐廳食嘢....啲嘢的確係唔錯,我同男朋友叫咗個焗葡國雞同另外一款唔記得焗咩,但兩個都好好味....有機會一定會再去呀!

有一天在澳門乙水仔,忽然下大雨,我進了此餐廳避下兼進餐.叫了半隻血雞及一個海鮮雜燴,每個大概$90,在澳門算貴.例湯慘著陣陣清香,血雞汁做得很入味非灶常有特色,海鮮雜燴不但落足料,而且非常鮮味!每逢有朋友過澳門必定推介之選!不過這家店只得很少座位,因此緊記要book位.那兒有很多很可愛的毛公仔,還有一位很年輕,衣著樸素的女侍,廚房在樓上.很家庭式私房菜的格局.

我是香港人,有一次到了澳門旅行, 經書本介紹下去了這一間餐廳. 我們兩個人, 叫了一個焗馬介尤(大約$80), 和1/4隻葡國雞(約$40), 已經很飽. 但未損我們對食物的印象, 我們不知道真正的葡菜是怎樣, 但比起那些大街大巷的葡國餐廳, 非常美味和特別, 色香味無一缺少, 而且服務都尚算週到, 必會再試, 未試過的更加不可不試.