咖喱文II

Open Now

Now Closed

📍#咖哩文II📍Ga Lei Wen II #GaLeiWen 🇲🇴澳門氹仔舊城區消防局前地3號地下🇲🇴 G/F, 3 Largo dos Bombeiros, Vila de Taipa, Macau🌐澳門#MFJ澳門 #MFJ澳門菜#MFJ_Macau #MFJ_MacauFood人均消費: HKD47味道: 👅👅👅賣相: 👀👀👀價格: 💰💰環境: 🌹🌹服務: 性價比: ⭐️⭐️回頭率: 🔆🔆揾個地方hea下食少少野，次次都想試既咖哩文，都有少少失望😞🆗咖哩崩沙腩麵🍜HKD38HKD38一碗價錢係可以接受，但真係只夠zip牙縫其實係牛腩湯底加咖哩汁，味道好濃都唔太差，但牛腩得4舊少到爆，亦唔似係崩沙腩😅👎🏻油菜🥬HKD25個油菜先O晒嘴，HKD25先得3條都唔知有無，加蠔油仲要加錢😑試唔試都無乜所謂

大名鼎鼎，橡筋般嘅崩沙腩，咬極都咬不開，簡直係經典美食。大家一定要來試聞名中外橡筋崩沙腩包保你食完永世都記得我教你，可以試吓呢啲牙力，從來未試過金銀嘅崩沙腩，食落去有橡膠一般嘅感覺，相信全世界都唔可以係第二個地方搵到呢一種崩沙腩，大家唔試吓就走寶，一定要黎試吓，介紹俾介紹自己的朋友，包保佢哋永世記得你咁好介紹，仲有淨咖喱魚蛋＄70，食完包你㷫烚烚總之係超級好經典，大家唔嚟試吓就走寶包你食過返尋味正呀

貴得離譜。我覺得我被騙了。我是台灣來的女生。我只點了咖哩魚蛋1份有10顆。要價70港幣！！！！沒什特別好吃的。還不如我在香港銅鑼灣路邊吃的小攤只要12元港幣吧!!!!!收了我72元港幣（含外帶+2元），我付港幣100元，她找我澳門幣28元。還賺了我匯差。我感覺。。。我真的想投訴澳門旅遊局。我是2016年11月7日下午3點到的。。。。。太糟了。千萬不要來吃。

星期一晏晝揾嘢食，幾間想食0既一係就星期一冇開，一係就未開門，因為未食早餐0既關係有啲肚餓，所以就入咗去食。一望餐牌，啲嘢都幾貴，我叫咗個崩沙腩麵，嚟到發現好細碗，幾啖食晒，個咖哩係幾香，但係我碗麵得一舊腩，其餘都係啲腩皮咁0既嘢，咁樣收35蚊完全唔值，同行有小朋友唔食辣，叫咗碗魚蛋麵，又係得幾啖同三粒魚蛋，亦冇特別，食過一次可以唔洗再去，如果好鍾意食咖哩0既話都可以一試，如果唔係其實可以食其他嘢

去到氹仔唔知食乜好, 本來想去隔離間嘢食, 點知滿晒, 望吓咖哩文入面都有幾枱人喺度, 段估唔會太差掛, 於是走入去試。  一坐底見餐牌唔知食乜好, 見到有個佢哋個崩沙腩好似好巴閉咁, 於是叫一個試吓, 又見到有個叫"全餐", 問個服務員全餐有乜嘢, 佢話有啲鷄翼、薯仔、魚旦咁乜都有啲, 我哋諗 要成MOP110咁貴, 應該唔會太差掛, 於是有叫黎試吓。 另外叫咗1支維他麥精同1支可樂。個淨崩沙什腩送到上枱, 得好細碟 , 數埋都唔知有無10件, 個味道係唔錯, 不過啲牛腩唔夠林,好硬吓, 非常失望, 個人覺得完全唔值130元。到個"全餐"送到黎仲失望, 只係得2隻鷄中翼、翼尖、2粒魚旦、幾片魚片、幾片灼魷魚同幾件薯仔, 細細碟既所謂"全餐", 份量少之餘, 味道亦普通, 仲要有啲係白灼既, 即係無味, 咁都收110大元, 我覺得有啲過件, 中伏。6個人食咗$260元埋單，並唔係因為抵食，係因為啲嘢實在太貴又唔好食，唔想再叫其他嘢, 急急埋單走人去第二度食過。

本來冇諗住幫襯既 係坐車時個的士佬講到崩沙好好食 講到天上有地下無 一定要試我而家極懷疑鋪頭貼滿哂周刊廣告 滿心歡喜試到好野價錢都幾貴唔知70定80蚊 食完翅既我地唔係好餓就2個人SHARE一碟飯真係唔知好彩定唔好彩碟飯真心係細碟 啲腩得幾舊....仲要有一舊係薑口感好硬 個咖喱汁亦好普通唔好彩係真係一D都唔好食 仲要貴好彩係碟飯勁細 唔好食都可以兩份一人幾啖 清左佢 唔洗嘥野

要算明窗的帳，給這店五個贊。它的所謂咖哩牛腩河，是杰達達的蠔油加辣油，完完全全沒半點咖哩味，牛腩筯完全無肉味，粉碎濕濕，湯黑死咸，盛惠$32。更氣是那淨魷魚薯仔，薯仔不夠，魚蛋拉夫上陣，結局是三件不腍的薯仔，三粒魚蛋和幾片味如嚼臘的魷魚，全是淥熟加一pat 蠔油辣油，盛惠$100，其件頭之輕其價錢之貴其味道之劣，經典。

全店以湯粉麵為主, 無其他特色小食2人去各order了$32一碗崩沙面, $30一碗牛腩面試試, 面質極差,硬到少d牙力都食唔到, 份量亦少,所謂咖喱只不過有一堆深啡色汁+一大堆辣油, 完全冇興趣影相, 想即刻走人牛腩似煲完湯咁, 既硬亦"鞋", $10一碗也過份 仲特登去食, 失望到暈! 完全唔係做生意咁款, 無賣點

繼續推介在澳門的飲飲食食﹗那天我們到了澳門的氹仔，試試傳說中很好吃的咖哩文﹗其實澳門好多小街鋪都話自己咖哩乜，咖哩勿，不過呢間咖哩文比較出名，有不少旅遊書也會推介﹗穩陣起見，我地兩個只點了一個咖哩牛腩魷魚麵試試﹗由於假期關係，座無虛席呢﹗魷魚是普通水魷，毫無特別﹗麵底仲要又硬又o鞋，似未熟似的﹗係個咖哩牛腩算入味，但也是普通水準而矣﹗名大於實，不會再來﹗

個fd生日,,所以同埋另一個fd正日黎澳門玩..去完威尼斯人,,我地就行去官也街搵野食,,次次黎都好早,,冇乜野食..拎住本指南睇介紹ge食店..就決定食呢間..我地3個人嗌左魷魚麵同牛腩麵(各$22),,一黎到就聞到香香ge咖哩味,,份量唔算多..個人覺得魷魚麵麻麻地,,牛腩麵就好食,,d湯底堅係正,,可能加埋牛腩汁,,零舍唔同d..真係想飲晒d湯..@@不過3個人係唔夠食ge..我地都要留番個肚食其他野同埋每個人最低消費係$15..我地比左$45,,佢真係冇找..XD

呢間嘢完全唔得, 完全無特色, 廿幾蚊一碗崩沙面, 得兩件崩沙一件牛根, 仲要硬到少d牙力都食唔到, 面既份量好少, 得大概半個公仔面咁大把, d咖哩就普通都無咩可以字可以形容, 尊登去食就一定失望! 嗰度真係太過家庭feel, 入到去d人掛住睇電視, 完全唔係做生意咁款, 所以呢喥係無賣點

在澳門工作好幾天, 第一天下船到工作地點附近吃吃去. 這店位於官也街對開一個僻靜的角落, 悠閒寧靜, 正好讓我整理一下思緒.我喜歡咖哩, 喜愛不同類型的咖哩. 吃過很多如印度, 馬來西亞, 印尼, 尼泊爾, 甚至港式我都喜愛, 而這裡卻又別樹一格.咖哩崩沙腩飯 -- 咖哩介乎尼泊爾香料咖哩與東南亞的椰香咖哩之間, 比起港式咖哩, 汁偏濃而深色.我想這是近緬甸咖哩, 有南亞風格, 但加入了港澳元素似的.然而可能因為時間尚早, 崩沙腩香肥但未夠淋, 牛筋爽邊有嚼勁, 汁香濃而辣味足, 不錯!不過如不太吃辣的朋友, 建議小心選辣的程度, 不要逞強.

又係要搵咖喱食~呢間野特別在於有崩沙腩, 不過偏貴, 所以冇特別去試~咖喱夠哂辣, 但係牛腩唔算諗, 有咬頭~但係可惜食慣香港牛腩, 所以會覺得冇咁好食~但係原來好多人(相信係當地人)係叫咖喱撈米來食的~下次一定要試呢樣~

享受FB$100即日來回澳門船飛突發去澳門行動開始落雨O向氹仔唔知食咩好, 突然望左本書兩眼, 好啦~ 近近地就一試啦~平均$20一碗單拼麵, 初時唔知點ORDER好, 但一心諗住食少少, 之後再食其他野, 所以只係每人ORDER一碗麵魷魚粗麵, 一上枱完全唔覺佢係咖喱, 因為大家可以參考下D相, 個咖喱汁唔似平時食O個D ma, 仲以為佢無料到添 我要中辣ma, 一食, 嘩~~~ 都ok辣嫁wor, 雖然個樣唔似, 但原來唔係嫁!!! 所以大家下次order要小心, 當然我食得辣所以冇問題, 不過都要邊食邊飲汽水!!! 但我覺得都有d貴, 因為佢其實好細碗嫁, 而且d配料又好少~~~~~ umm......不過都好味o既牛腩米, 好入味, 配埋d米粉好吸味呀.....perfect match, 不過都係細碗同好少配料~~~見到其他local客仔佢地係order淨配料然後再order淨麵share o黎食~~~ 不過唔平嫁, 淨配料平均$56一碗, 而且亦都唔算太大碗 淨麵就好似$12一碗~~~ 不過lee度有樣野幾好, 佢會問你要幾辣, 所以唔洗擔心, 一定o岩口味o既...

兩個月前，我到澳門想試下咖喱，就去了咖喱文，這是我第一次在澳門就試食咖喱，我們一同共五人同行，我們order了五碗小辣的咖喱牛腩，我自問好吃得辣，通常去食咖喱我都一定叫大辣，不過同行有媽媽，欣所以便遷就她叫小辣，四碗足足等了半過鐘都未到，我便向仕應快些，她們不但態度差，而且好似唔休做咁，成廿幾元碗生，貴又貴過人，大約40分鐘後，終於有一碗到，首先我的呀姨第一個吃，她說嘩…辣到唔食得，D 牛腩重硬到吃唔倒，我起初以為呀姨吃唔倒辣，之後到我的到，我吃了一只口後發覺跟本唔係人食的，亦懷疑該店仕應玩野，無理由小辣都會辣得咁利害，而且牛腩亦大力用牙都唔開，跟本就一件牛腩都食唔倒，為免再浪費時間去換另一碗，便叫仕應拿一點清湯淋上上，結果又話要收錢，每碗兩元，嘩…興到爆！辣到都食唔倒，無辦法啦，結果加錢叫了碗湯，湯來到，好似在酒樓飲茶食點心的細碗一樣，另外我先生同我朋友成碗都無食到，餓住個肚走，(這間不知所謂咖喱文)以後都唔會再去，直頭毀壞澳門的聲譽，重嚇到我的家人話以後都唔食澳門D 咖喱。以上是我一個真人真事的經歷，希望各位網友唔好仲蕉。4-3-2008