興記咖啡室

Open Now

Now Closed

星期日用咗成個鐘才找到這間店，去到先發現原來係休星期日架第二日我哋死心不息再去多次，嘩! 好嘢，終於有得試喇。奶茶茶味唔夠濃好豆冰味道適中 熱辣辣雞扒飽 - 飽皮香脆，雞肉夠味咖哩角 - 唔太辣，皮脆香口牛肉通粉 - 濃味湯底像羅宋湯

12點到達澳門威尼斯人渡假村，影完相參觀完之後真係太肚餓喇，實在忍唔住，近近地目到有間興記就二話不說入去坐低！我叫左豬扒包$15，男友叫左雞扒意粉$24，實在太肚餓喇～豬扒包一上，本身已經切開左兩份，我即刻拎左一件黎食，豬扒唔太乾，好ｊｕｉｃｙ，個包又脆脆地，唔錯！不過好似細舊左Ｄ男友叫果個意粉到左，我見到都流哂口水，又食左少少，Ｄ味道好適中，茄汁配合得好好味，都係第一次咁樣食！好想學下整....因為實在太正！

記得之前食過一間好風味o既牛尾湯通粉, (不過都幾年前啦~) 但依家搵唔番o個間~~~ 不過就睇到旅遊書介紹lee間都好出名而且味道又好味o黎代替, 咁o岩o向附近搵啖食, 當然要入去試一試啦~ 入到o黎見到多數人都係食意粉或者湯通粉, 我地一心諗住食牛尾通ma, 當然專心一意咁order通粉!!!佢普通冇額外加料o既通粉就有分大同細size o既...我地就決定加料: 腸仔同煎蛋: $22o黎到覺得份量偏細, 因為$22咁細碗完全係香港價wor, 但我地身處澳門ma 不過唔理啦~食左先講啦~~!!! 粉通一粒粒咁, 唔會煮到過lum, 而且湯入面仲有少少著仔粒同牛肉粒, 湯味道亦好鮮味 配料其實就冇咩好講啦~ average味道啦~ haha!!! 大家應該唔會expect 腸仔同煎蛋可以化腐朽為神奇!!! 下次都仲想試下佢d意粉, 我見其他食客都食得好滋味, 而且客人源源不絕咁, 仲有好多電話order, 對佢應該有信心保證

尋日過大海，行完威尼斯就過黎食晏，餐廳位置係手信街尾，問左幾個人先搵到。餐廳好舊，坐位唔多，我地上左樓上坐，叫左牛脯牛尾湯通同豬扒牛尾湯通，兩杯檸茶。等左好耐，其他人叫飯意粉都有得食，老板娘話通粉要煲耐D，乜唔係加湯煲熱咪得囉，奇！講返食物，湯底同罐頭牛尾湯分別唔大，牛腩碎濕濕得幾舊，豬扒味道OK，通粉係坑通，不過我覺得過霖，一碟咁既通粉賣$27，值唔值見仁見智，叫做見識過算啦。

食完個唔係太得既"魚翅"撈麵後, 個肚仲有少少位, 就過黎呢度飲返杯奶茶, 食個包舊式冰室既格局, 睇見都開心, 一水之隔既本港買少見少, 黎到氹仔反而輕易搵到坐低即點奶茶, 習慣嗌"茶走", 不過原來馬交既"茶走"同港式既原來有別~齋飲茶有D寡, 叫埋個煙肉蛋三文治同辣魚包點綴下哈哈, 原來呢間既茶走係連奶都唔會落, 純粹茶+煉奶, 色水分明搞勻呷一啖, 感覺好有趣, 奶味同茶味唔太溝得埋, 不過唔難飲, 有一種若即若離既感覺心機之作, 每塊煙肉都略煎過, 不太油, 但脆口.只有舊式冰室先會有既小食~開頭以為用餐包, 原來係用上豬仔包, 包微微烘過, 餡料微辣, 不過食食落有種次熱交融既感覺........冰室果然係我既至愛

澳門雖然細, 但巴士路線唔太清晰, 又多大街小巷, 所以有d地方都比較難搵, 兼且好多司機又唔識路, 所以我想同大家分享一下兩日一夜行程, 當中包括最新蒲點及出名平民美食, 務求用最少錢就可以獲得奢華享受及最大滿足…Day 1. 早上9:05 船TurboJet (某網站優惠價來回船票 $188) --> 澳門碼頭穿梭巴士到君悅酒店 (某信用咭水舞間B區門票2張+豪華套房一晚連早餐 $1878) --> 穿梭巴士到氹仔官也街 lunch@興記+莫義記+shopping --> 回酒店欣賞全城熱賣水舞間+龍騰 --> 穿梭巴士到碼頭再轉星際酒店車 --> dinner@葡萄園 --> 美高梅等賭場 --> 的士到沙梨頭宵夜@六記+權記 --> 回酒店Day 2. 晚上8:30船君悅豪華早餐 --> 新濠天地賭場 --> 穿梭巴士到新麗華酒店附近 lunch@葉熾記 --> 大三巴附近 shopping --> tea@瑪嘉烈 --> 十六蒲參觀 MJ 展 --> 英皇酒店 di

來到氹仔多次都沒有發覺有這一間的店鋪，但友人說這一間店的牛尾通粉是非常好的，抱住這樣的心情來試一試了。來到的時間已經到了一時多，店內充滿了學生和客人，不過還有一張卡位的吉位，坐下了立即看了一陣餐牌就叫了餐蛋牛尾通粉、牛腩牛尾通粉、什扒意粉和牛尾湯。餐蛋牛尾通粉和牛腩牛尾通粉 (@$21)，初初不明白為什麼這裡的通粉一定是什麼什麼牛尾通粉，原來這裡的通粉是用牛尾做湯底，和一般的餐廳用的底十分之唔同，你可以看到湯底是有一些紅蘿蔔和一些牛尾粒的，飲一飲它的湯是有一些牛尾湯味，雖然未至於在香港自己煮牛尾湯時十分濃的感覺，但是有一種清清的牛香味浸出來的，加上這裡的通粉是用坑通的不是用滑通的，有時真不明白其實兩者的價錢是差不多的但是香港全部的餐廳都是用滑通的，但是味道坑通真是好過滑通多多聲，比較易入味和大粒一些的，牛尾湯和坑通真是十分好的配合，而這裡的牛腩都十分之稔和入味，清清地食下通粉不失是一種好的選擇。什扒意粉($29) 聽說這裡的什扒意粉也是十分出名的，當然都叫來試一下，來到時發現份量好多，有餐肉、火腿、腸仔、豬扒和一隻蛋，又是童叟無欺的食品，試一試意粉都是十分之好，有一些茄汁加在上面，微酸

旅程第二天的早晨..選擇左呢間外觀較有特式既餐廳..其實入到去感覺不太好..有D奇怪= ="不過食落又真係唔差..食左個雞扒茹汁意粉..雖然係乾到不行..但味道尚可..再來是牛尾通粉..味道略鹹..最唔鍾意係全部散叫..不過算了吧..澳門其實間間都係咁..有D連水都無..

必食雜扒撈茄通, 個汁較得好好味, 撈通香港好少有得食, 所以每次到澳門都必到這裡來回味一番.

蛋意粉MOP12 - 太陽蛋，蛋黃混合美味茄汁意粉，蛋白滑滑，正！以往只吃白汁意，這裡的茄汁意粉使我改變了。哈！朋友的豬扒包 MOP14 - O.K., 麵包GOOD, 豬扒so,so... 因試了少少我的茄汁意粉，她說下次一定改吃什扒意而放棄豬扒包，或者加個Jam包咖啡 MOP8 - 覺得淡味！

25-10-2009由於要留肚食榴槤雪糕及葡撻, lunch 喺氹仔決定食 light 一點, 睇了 small jj 的食評對牛尾湯通粉好有興趣, 又試試.先試試朋友的雞扒包: 賣相不錯, 包身烘得頗鬆脆, 雞扒就認真唔掂, 又乾又嚡又無味的 我食雞蛋牛尾通: 湯底賣相好清, 有粒粒紅蘿蔔, 西芹及牛尾肉, 飲落住家 feel 又帶點甜味, 好飲喎 通粉係坑紋通粉, 淥得彈牙, 索滿牛尾湯底, 朋友唔鍾意食通粉都話「幾好食」, 我就直程覺得好正 雞蛋邊位煎得脆身, 但蛋黃全熟, 又硬又乾 凍熱奶茶就麻麻, 熱的滑身但味道單調, 凍的愈飲愈稀又太甜, 還是港式好.環境係我喜歡的典型舊式冰室格局, 澳門周街都有, 喺香港就買少見少了.每人放低約 $30, 喜歡食通粉又喜歡住家味的, 值得試試.P.S. 食物 4 分及笑面係 for 牛尾通的, 其他值 2 分...

最鐘意食紅汁意粉, 呢間只賣紅汁意粉既舖頭當然係澳門之旅既第一站!黎到既時候係lunch既中段時間, 成間舖頭都係人. 連門口都有好多人係到等緊外賣. 等左一陣見到樓上有人食完行落黎, 即刻上去坐左之前個個人既位呀. 本來以為二樓會大D, 原來同樓下差唔多, 都係得十幾個位左右, 唔怪得要等咁耐.見到餐牌上面除左紅汁之外就只有咖哩汁. 沿路上黎都見到好多人點. 不過第一次黎梗係要食佢地既招牌茄汁燴意粉啦. 我哋點左個雞扒燴意粉加蛋同埋豬扒燴意粉. 野飲我本來諗住點奶茶的喇, 不過我見到隔離枱有人點咸柑桔, 見到好似幾特別咁所以又跟住人哋點. 不過我覺得杯野一上枱既時候太濃, 基本上可以飲左一半之後再沖水再飲. 不過味道真係幾好喎. 帶少少甘甘地又幾開胃咁. 我試過就咁食嗰D柑桔, 嘩, 真係超咸, 連平時咁鐘意食呢D乾果既我都頂唔順, 食左半塊就放棄左喇.等左一陣主角燴意粉終於出場. 意粉真係好茄汁, 條條都比D茄汁包實晒咁, 仲要無咩油, 好似屋企媽咪煮嗰D咁. 好有家既感覺. 不過塊豬扒就唔係好得, 煎得有少少過左頭, 好油, 加上塊豬扒鬼死咁薄無咩咬口. 反正一碟既大既份量我食唔

aug 17, 09,放棄了酒店包咗嘅早餐..........3人嚟呢度自費,叫咗 : 1) 凍檸水 2) 凍華田 3) 熱華田鮮奶-明顯比正常嘅華田淺色,只喺滑d,但華田自然-1/2 4) 沙丹雞扒炒意粉-隻蛋1上到枱,令我10分失望,因已好似熟晒咁,又薄身喎-幸好"吉"落去還有少量蛋汁流出嚟-底下還有1片火腿同雞扒-雞扒肉質正常啦-意粉就明顯1早淥腍咗,再+茄醬去炒,所以喜歡食有咬口意粉嘅我,又點會滿足呢~~~~ 5) 餐腸牛尾通-還是呢個最對味-清淡嘅顏色,但自家味道10足

友人以前食過ok,may 30, 09同我哋4人嚟食早餐,叫咗 : 1) 凍維他奶 x 2 2) 凍啡 x 2-少有咁見到糖水另外+,可以自己控制甜度-友人話夠咖啡味 3) 煙肉太陽蛋牛尾通 4) 餐腸牛尾通 5) 腸蛋牛尾通-如果沒講明太陽蛋,就會2邊到煎吓,但幸好中心切開,仲會滲出蛋汁-無諗過牛尾湯底咁清,但咁又唔代表唔夠味喎,有股牛味隨隨而出,另仲+有紅蘿蔔-不錯,有些少驚喜

我最喜歡嘅始終係佢嘅意粉, 因為係用好好味嘅茄汁炒過. 係澳門早餐一定食佢!!佢地嘅牛尾通, 豬扒包亦十分不俗. 不過奶茶就no good 啦...試過係香港旺角勝利道見到一間茶餐廳, 全店人都食茄汁意粉, 以為終於係香港搵到最愛啦!! 唔駛吓吓過澳門, 點知..... 唉!! 無得比, 信我!還是覺得你最好!! 興記!!佢好串ka, 假期未必開門.