興記咖啡室

Open Now

Now Closed

第一次黎食，見到朋友放上網介紹，就同屋企人試下食早餐。雖然唔似香港有餐，但散叫也可以。茄汁通粉真唔錯，配雞扒，火腿，蛋都唔錯。爸叫左杯即磨咖啡，都覺得唔錯。茄汁牛腩意粉也可以一試。

事隔三年去澳門🇲🇴，為嘅就係去睇演唱會🎶所以就去左附近嘅官也街醫飽個肚先😋官也街間間都排長龍，就去左呢間唔使等位嘅快快食.🥪豬扒煎蛋包 (MOP32)咁耐冇去澳門🇲🇴，就點都要食個豬扒包比啲儀式感自己先🤣件豬扒唔係好大塊，啱啱好同個包差唔多大細🐖個包係外脆內軟個種，外層有啲似法包🥖，會食到成檯都係包脆🫢整體味道ok，係懷舊嘅味道👅對比附近嘅打卡豬扒包，性價比都幾ok💰.📍 興記咖啡室 (氹仔舊城區)氹仔舊城區柯打蘇沙街18號地舖

星期天去了官也街，旅客也太多了吧！原本想吃豬扒包，但看排隊的人太多了，不知道需要等多夠才可以吃到，馬上決定放棄。直往興記，希望沒有那麼多人排隊，慶好我們前面只有兩組人，很快便到我們了！我們分別點了雜扒意粉和腸蛋意粉。我超級喜歡它們家的煎蛋，但下單時忘記說要太陽蛋。幸好上菜的時候是流心煎蛋，好好味！蛋白邊是脆脆的，而蛋黃是流心。它們家的燴意粉和燴通粉也是很出色。意粉比通粉健康，所以選了意粉，喜歡多汁的那一定要點通粉，因為蕃茄醬會燴到通粉裡面，會保留更多的蕃茄醬。另外，它們家的豬扒應該用了之後的做法，很鬆軟，好入味。豬扒比雞扒出色多了。一份雜扒意粉 份量很大，47塊錢，真的比腸蛋意粉 CP值高了！下次可以再試試牛尾湯通粉。

每次去澳門旅遊都必定要嚟食佢地嘅蕃茄撈通粉。興記咖啡室係一間好有懷舊情懷嘅餐廳，全店上下都保留住尤如幾十年前舊冰室嘅風味。朋友今次第一次嚟，佢都唔明白點解我要帶佢嚟食一間貌似咁普通嘅茶記佢地嘅可樂一直都係玻璃樽裝，響香港嘅話可以飲到玻璃樽裝可樂嘅店舖唔算太多。支裝可樂的確好飲過罐裝同膠樽裝。我每次都會嚟食嘅茄汁撈通粉煎蛋、腸仔或者雞扒都係常叫嘅配搭。今次唔想食太飽就無叫雞扒。真係好好味，個汁應該係響鑊度撈炒過再上碟，個汁半乾咁沾滿響每粒通粉上面，食過返尋味朋友點咗個牛尾湯魚通，我飲咗兩啖佢個牛尾湯，有少少似用牛腩煲出嚟嘅中式羅餸湯，都好好味希望店家繼續保存住呢個味道同水準，我下次澳門澳遊都會再返嚟食

星期日早上，原先打算過來官也街喜萬年吃早餐，殊不知休息，未知是新春假期休息？還是每逢星期日休息呢！模門釘後，見到興記就決定入去揾食。興記地點當眼，就在莫義記隔離，所以這個舖位唔休做。由於筆者相當肚餓，門外環境都忘了拍照，就直入走進店舖。早上未到十時，地下樓層已坐滿，店員叫到樓上雅座。筆者反而覺得樂得清靜，正！豬扒是這裡的招牌項目，由於相當肚餓，所以決定今餐來個豐富早餐。看著牆上圖文並茂，其實已經無用再看餐牌，已心中有數。番茄豬扒撈通粉$38~微䁔的通粉，沾滿滿的茄汁，酸酸甜甜味道，小朋友和番茄控必定大愛。看見鄰坐的小朋友也是吃著這個，咀嚼那通粉模樣，相當可愛。豬扒有兩塊之多，夠分量而且入味，腍身。作為茶餐廳，其實點奶茶會比咖啡出色，可是筆者獨愛齋啡，這裡也算中規中矩。其實在澳門茶餐廳來說$52算是一個很貴的早餐，但用午餐的角度來說，在香港是合理價錢。後記:在收銀處結賬時，詢問老闆娘如何坐巴士往返酒店，老闆娘不厭其煩地指引路向，詳細解釋，這樣的人情味，已令到剛才的豬扒更入味。

網上介紹呢間咖啡室既牛尾通係好食既，不過因為我唔食牛，唯有試攻其他野食。黎到澳門除左葡撻必食之外，仲有就係一定要食豬扒包。我就係興記見到有雞扒包，一於試下。今次嗌左雞扒包($26)同凍奶茶($15)！嗌完五分鐘左右野食就上枱。先試凍奶茶。凍奶茶都成$15 一杯，飲落好淡，茶味較重，簡單啲講其實就係唔好飲🤣 個人認為免試。黎到主角雞扒包，其實個份量黎講唔算大，如果男人／大食啲既淨係食個包一定唔夠飽。不過呢個雞扒包既包咬落好脆，應該就有烘過，個包係好食既。雞扒唔算好厚但真係幾好食，不過留意塊雞扒係有骨既，唔好以為啖啖肉呀🤣今次對興記既飲品都幾失望，性價比又唔算高，下次未必會再黎食。不過興記既雞扒包都可以一試！

趁著假日，我們一行3人由香港到澳門旅遊，為的是尋找地道澳門美食。我們沒有任何計劃的行程，只想去到邊食到邊。走著走著，我們走進了舊城區的一間冰室。餐廳的環境雖然較狹窄，但氣氛充滿懷舊感。食物方面，我們點了豬扒意粉、雞扒牛尾通及雜扒意粉。☝🏻豬扒意粉外表看似普通硬的豬扒，但吃下去幾軟，幾入味，意粉亦因有番茄醬，酸酸甜甜，幾開胃☝🏻雞扒牛尾通粉湯底較清，雞扒反而無豬扒軟，仲有少許硬☝🏻雜扒意粉意粉同樣是番茄意粉，煎蛋不是全熟，流出來的蛋汁令意粉更香，唯雜扒的肉較鹹整體而言，興記咖啡室充滿懷舊感，食物不俗，可以一試。

每次去到澳門都必食呢間地道茶記雖然佢冇靚裝修但味道就一流雙腸雙蛋意粉同通粉都係推介之作兩樣都好有味，醬汁既味道已經同d麵二合為一諗起都配上支裝可樂真係好正，價錢相宜絕對值得一試

由細食到大的興記，吃的是味道，也是情懷！曾試過走遍全氹仔，還是走回這裡吃個腿蛋撈亂通，反正腦海裡就是記掛著這個味！這裡的茄汁是店家自己研製的，甜甜的還帶有洋蔥味，個人非常喜歡！輕巧一點可以吃個細牛尾(即牛尾湯通),白湯的牛尾通不是很多地方可吃到，很簡單卻很住家！小時候還有蛋撻和小蛋糕，這些情懷的味道，大概是老了也不會忘記的，氹仔興記，撈通撈出了氹仔人的一個時代，雖然不是什麼豪華的食物，卻成了我們的集體回憶！

今次去澳門住係氹仔果邊，一直諗緊早餐就去官也街食。其實官也街有好多餐廳都好似唔錯，我本身想試喜蓮咖啡麵食，可惜佢嘅位置比較遠，唔想母親大人行咁遠，所以轉左去興記。我地叫左3個牛尾通同1個腸蛋意粉。雖然牛尾通啲相睇落去好似平平無奇，不過湯底真係好鮮甜，而且聞到好濃郁嘅牛尾香味，同通粉簡直係絕妙嘅配搭！我食晒通粉之後連湯都飲晒！不過講真，配料略嫌少左啲，牛尾粒唔多見到，最多一兩粒。至於意粉，我覺得蕃茄味道比較淡，唔似出面啲快餐店落咁多茄膏，所以我都幾中意。雞蛋牛尾通腸蛋意粉豬扒牛尾通 ＆ 腿腸牛尾通

去完銀河 UA 睇早場， 散步去官也街食 lunch。去了老牌茶記興記，點了煙肉蛋包、雞扒意粉及牛尾湯通。食物質素比以前差了好多，以前真係好好食，志在懷舊，味道及衛生只是一般。回憶往往是最好的，其實澳門好多老牌茶餐廳最珍貴的是人情味，可惜隨著澳門社會急速發展已經逐漸消失。綜合評價: 環境>食物>員工*綜合性價比: 正常, (可以, 但這個價錢坊間有很多選擇)*性價比1. 抵!(不代表平)超乎想像的驚喜(嘩! 無論怎樣一定要再來! 抵啊)2.  Wow! 物超所值(幾好啊!唔錯,有機會一定再來)3. 正常, (可以, 但這個價錢坊間有很多選擇)4. 物次價高(都不是太差, 但這個價錢坊間有質量更好的)5. 有比較大的改善空間(填胞肚算, 失望)

本來想去第二間食茄牛通，但係點知人哋初十先開市。見呢間茄汁會意粉好似幾得意，就即管去試吓。讚：雜扒通／意粉最抵食：一碟先$45，有豬扒、雞扒、火腿、腸仔 ＆ 午餐肉、還要加隻荷包蛋。抵。奶茶：好香好濃地方：真係超靚超懷舊，應該係香港冇乜幾多剩。飲品全部都無糖。每張枱都有枝糖水，要幾甜，自己加。彈：塊豬扒係勁多梳打粉醃，超軟同冇味。其他冇乜特別。 通粉：有啲starchy...服務：茶餐廳服務。最緊要快，千祈唔好慢。嚟呢間食環境多個食味道。

氹仔區工作的檸檬，這天與同事開車到舊城區用膳。時已5:45pm，也不知是午餐下午茶還是晚餐，餐牌上營業時間只到5時，幸好還能入座用餐，店內依然人頭湧湧。老茶室的水吧是店內靈魂，也許已達關店時間，茶膽啡膽已用完吧。這天的凍鴛鴦，咖啡的味道本已不濃，仍能搶蓋茶味。十分淡常被取笑喜歡在茶餐廳點公仔面，同為出前一丁，外面吃到的總比自己煮的多一分火候。（平常也沒有很常煮）賣相並不滿分的豬扒公有兩塊有骨豬扒，豬扒均勻入味，煎香而不會過老。我想在澳門任何地方吃豬扒包豬扒公都會好吃的。這天，忽然想來一客西多。這一片西多中實在不太美觀，雖然香味撲鼻而來，但多士的厚度與我印象中的法蘭西多士實在有段距離，賣相不誘人，而且因為過薄而無法做到外脆內軟的效果。小小失望。希望興記不要成為澳門又一間因服務大量遊客而犧牲高水準的食店。改天一定要到新鴻發一解大大份西多相思之苦！

到澳門一天, 在氹仔打算去喜蓮食個牛尾湯公仔麵, 但可惜沒有開。於是就在官也街附近蕩蕩, 看到有個招牌同樣寫著牛尾湯通, 於是便來試試。初時見門口擠滿人, 沒有人龍就只有叫進店中人數, 然後慢慢安排。不論次序是否完全正確, 整件事上都有點亂。餐廳也有近8張中形大小圓枱, 但都是擠滿每一個位。同樣要了一個牛尾湯公仔麵, 可是來時一看到這個湯是白色的, 心下一怔。但因餐廳人士竄來轉去, 一下子找不到對口單位, 於是便嚐一口看看, 又發覺有點點牛味。再加上一些骨碎及牛尾件, 相信是沒有攪錯的了。不過這個吃下, 骨尾湯風味真的沒有多少。表面只有零星薯仔及紅蘿蔔小粒, 比喜蓮的還差上很遠。最後亦點上了一個雞扒麵, 麵湯真的跟那個不明的牛尾白湯不同, 似是普通雞湯樣子。公仔麵還是不怎麼樣, 算是有彈性。不過雞扒卻是有味, 相信在煎之前是有醃過的, 底味不錯。加上煎香惹味, 及皮下油香, 縱使入了湯, 味道也不差。總而言之, 餐廳的牛尾湯通真的不太敢想像, 但是雞扒卻是出乎意料之外的好。

  慶祝阿妹生日，嚟咗澳門一日遊，上次帶佢嚟食午歺係企喺大利嗰度曬住食豬扒飽，又冇得坐更冇手揸嘢飲，今次想帶佢去喜蓮，但唔係太識路又落魚，所以揀咗好易揾嘅興記。  星期五約一點，一去到樓下full晒，好彩阿姐話樓上有位，深色木枱膠櫈，枱面乾爽，舊色冰室牆身，嘢食好快到。  牛尾湯通粉加蛋，夠熱，通粉唔係茶歺廳早歺嗰d煮到淋哂咁，好好味，牛尾只有一粒。$22  豬扒多士，好吃但比想像中細，所以賣$18（人地豬扒飽大d但賣$30呢）  茄汁蛋通粉，第一次食冇湯底嘅通粉，即係茄汁意粉変咗通粉，但唔熱$22  一凍一熱鹹桔蜜，好正。$14/$11