南屏雅敘

Open Now

Now Closed

30-10-2010一早被大家的蛋治食評及相片吸引, 是次到澳門行行食食, 落船後立即 shuttle 過來食 lunch. 火腿奄列:「厚泵泵」的蛋煎得唔油, 水份剛好, 食落蛋香強勁, 質地鬆軟, 加埋火腿的微鹹, 正 蛋治烘底: 麵包輕輕烘過, 餡料就同樣「厚泵泵」, 同樣蛋香強勁及鬆軟, 濕潤度及鹹味亦剛好, 又真係幾好食, 絕對唔係「厚就大晒0架啦」的貨色, 喜歡食蛋的話絕對值得試試. 由於蛋治及奄列都係 share 食的, 朋友唔夠飽 , 要加一份油多頂頂肚: 烘得唔太夠, 牛油幾鹹, 份量亦好多, 但因為多士唔太夠熱, 牛油溶唔晒, 感覺一般而已.飲品叫了「地們咖啡」, 即 "with milk" 嗰隻: 幾怕有酸味的咖啡, 所以茶記 style 的一向唔多飲, 但呢度的完全唔酸又唔澀, 夠濃又香滑, 幾喜歡. 試埋朋友的奶茶, 茶味唔係「複雜」的味道, 但都幾香亦無澀味, 唔落糖飲都唔成問題, 質地亦算滑溜, 不錯喎.食物很不錯, 環境就一貫澳門茶記 / 冰室的舊式及衛生一般, 不過 2 人喺閣樓有超闊卡位坐, 都幾舒服的; 阿姐們亦幾友善, 印象不錯.每人

行了一陣有些肚餓，看見一間舊舊感覺的餐廳，兩話不說就入去食食美食了。聽友人說這間聽的沙翁非常好食的，但想叫的時間發覺已經賣晒了，心情立即一沉了，沒有辦法，只有試試這間店的厚厚蛋治了。雞蛋文治($9) : 來到的時間真係嚇了一嚇，雞蛋文治中間的雞蛋是非常厚，是非常非常之厚，真係落重本做的，中間的雞蛋有成寸幾二寸，食了一口充滿了蛋味，雖然這樣厚但不會沒有蛋味，但份量真係非常大，食一件已經飽了一半，食完之後....晚飯都可以不食了....................蛋撻 ($3.5) 非常鬆化和酥化的，外表的皮非常鬆，酥皮都食得非常好，中間的蛋又是滑滑有蛋味的。非常支持這一些的懷舊的餐室，一定會再來。

3日2夜之macau trip第一食站是榮暉的,但東主外遊休息6天,即刻轉軚去南屏雅敘,時近5點,出爐包包所剩無幾,柯打了2杯凍唂咕,一份西多,唂咕即刻到,100%濃度coco,西多就...等了10多分鐘,不過旅遊嘛,唔趕時間亦唔會催人.等了十多分鐘,消滅西多時間是...3分鐘.好薄的西多...係未macau興中間無涵呢,西多解剖後無jam or peanut butter 喎 埋單成為31大元 too much la,比錢個個覺得囉!

今次一早出發就係黎買件蛋治食,夏日炎炎搭巴士係新馬路落,再慢行去南屏雅敘,一邊影下澳門橫街窄巷,不消10分鐘就到,同上一次黎o既分別好大,可能一早o既關係,成間鋪都坐滿人,伙記都比我上次黎o既多,仲見住好多新鮮出爐o既麵包,蛋球同蛋撻等......但無影響我只食蛋治o既決心。同樓面落左order 之後,見到旁邊張桌有個吉位就坐住等啦,有個阿姐仲好客氣咁問我要唔要杯茶飲下先,我笑笑口咁婉拒了,不過係澳門都係第一次見到咁好o既服務態度,呢個point 足夠我次次都黎光顧你地,等左5分鐘左右收銀見我個蛋治仲未出,特別叫多次廚房跟跟,說時遲那時快,收銀一吹單就有xd。因為之後仲要去第2度,外賣帶走係門口影張相先xd,一樣咁厚,一樣新鮮熱辣,一樣咁足料,食落有蛋汁,麵包比上次更加鬆軟,可能因為我第一時間食啦xd,我諗真係食幾多次都百食不厭,其實佢仲有好多野想試下,希望下次同朋友黎,可以食多d 野啦,一個人食量有限xd

每到舊格局冰室,也很興奮,如果食物又好吃的話,就更加留下深刻印象!我的target並不是為那厚蛋治、湯通粉,而係香港吃不到/少機會吃到的東西。蛋球,非常有蛋香!!而且完全沒有油益味!因為行到熱晒,又要飲凍檸樂解渴。再買走了芝士香腸包,麵包比港式茶記的「傳統」麵包軟,沒有重揼揼的麵粉頭感。Ok吖!不過那葡腸確實咸左D囉。提子牛油切餅,很乾旱,唔好食。建議坐底吃吃其他特色野,因為有氣氛之餘,店員也很友善。

係中國百貨付近o既南屏雅敘一直都未有時間去試,因為佢無夜市,所以去前都怕無開特登打個電話去問問,叫左個蛋治先,由營地大街行去約5-10分鐘左右一去到已經無曬蛋撻果d 賣,我地o既蛋治亦都整好熱辣辣,絕對係新鮮整出黎,但可惜無帶相機,所以無幫佢影相!真係成寸厚o既蛋配兩塊塗左牛油o既麵包,食落雖然無蛋汁,但都夠滑帶一點鹽味及胡椒味,食完一啖絕對唔會想停,我覺得比香港澳牛有過之而無不及

影完荷花周身汗, 即刻去食返個豐富lunch! 2個人叫左"鹹餐" 波蛋一隻, 火腿一片, 麵包一片, 火腿通粉, 凍奶茶~ 波蛋好味, 火腿通粉既火腿好厚好多, 奶茶就細杯左d, 可能飲慣香港茶記果d大大杯 波羅冰 好失望, 好似飲緊波羅+冰水咁 西多 勁大片牛油, 西多炸到金黃色, 正! 蛋治 黎南屏當然唔可以唔叫蛋治啦, 成寸厚既蛋, 加埋軟軟既麵包, 好食!

南屏雅敘係我每次去澳門都會去既茶餐廳'因為我好中2佢個名'入面既風格又好有懷舊氣息'好中2果種感覺'而我最中2飲佢既熱奶茶 '茶味岩岩好'野食就係蛋治'中間舊蛋真係超級厚'仲好juice'而且我dfd仲同我講究樣好特別既野'原來如果你坐樓上'佢地係唔會寫單比下面+'只會叫落去'當埋單既時候我地又唔會聽到佢地叫價錢'咁係因為佢地布獨特既報數方法'比如$7.5....佢地係叫 禮拜 '那'住' ....一個星期7日'so禮拜者係7 那住d野你用5隻手指+ma' so那住者係5'好特別既一樣野'令我真係每次都想去'

Ordered the spicy fish breakfast set. It came with the noodle with spicy sadeen fish, egg and ham. The milk tea was not bad. Interesting local cafe. The charges was more expensive than HK

睇openrice d食評講得好好,,, 又o係椰子雪糕附近, 所以順便去食,,食左南屏三文治, 好普通je, 係厚, 但唔係話好好味,同一般蛋治差唔多, 唔需要特登去食!!!

去澳門前響Openrice見到南屏雅敘嘅食評, 睇見佢嘅招牌作 - 南屏三文治啲相, 就決定到澳門時一定要試吓 (本人為茶餐廳fans, 尤好三文治) 在澳門的小街內穿梭, 卒之揾到南屏雅敘, 佢嘅格局及內裏裝修都好有「花樣年華」feel, 令我回憶起小時候外公帶我去屋邨茶餐廳食至愛西多士同紅荳冰嘅情境, 不過一入到去就有小小後悔, 因為煙霧迷漫, 裏面多枱均坐着街坊同老人家, 有不少正在食煙, 我先醒起身在澳門, 食肆並無禁煙, 唯有快快叫嘢食, 希望可盡快離開。南屏三文治見到份三文治真係好開心, 一見佢就唔知點解想起屋企嘅床褥，佢內涵豐富包括大量雞蛋仲有火腿同义燒，由於係新鮮熱棘整嘅, 雖然材料普通, 但都幾好食。熱咖啡及奶茶始終同香港茶餐廳嘅水準有一定距離，試過澳門好多間茶餐廰，基本上都係味淡及不夠香濃。下次來澳門將會試吓其他茶餐廰, 不過只會試吓佢地嘅招牌菜, 其他食品相信無香港嘅水準。

首先阿姐落單都好混亂,問完又問!食左鮮牛肉通粉,牛肉同通粉都好難食!!!!义燒蛋治一般,無想像中好食!咖啡一般!不過有野睇,阿姐好大聲駡水吧慢,水吧又駡阿姐慢,搞到D單亂哂!眼見好多食客都望住佢地笑!!!!!!!

前幾日同朋友落澳門玩,,第一站就係黎呢度食早餐. 我經朋友介紹呢間ge三文治唔錯.就黎試下,,我就叫左個南屏文治同杯凍蛋茶凍奶茶無咩特別,值得一讚ge係個南屏文治,,蛋好厚,咬落佢有不少蛋汁,內有差燒同火腿.正!!最後打包左個蛋球..一般般好味.. 不過都好特別。

差燒蛋治..每次去我都會叫的,,蛋層好厚!!!咬落去有小小未熟蛋汁.. 真係好正,,..再+多杯凍奶茶,,下午茶ge極品阿,, 2樣野+埋20幾文..唔貴~!.底食..! 仲有戈度ge蛋球2.5$一個,,好底好食,,未食過要試下!!

去澳門0既第一擊之前兩次都嫌遠同食得太飽冇黎到。今次決定先由尾食起。南屏文冶-WA，好厚。食落去，驚喜，因為望落個包干爭爭，估唔到咬落咁JUICY。 同埋蛋味更重，仲好味過HK 0既XX 牛奶公司。下次黎必定再食，不過會食返叉蛋 算(平3蚊，同埋仲挾) 沙翁 -凍冰冰，普普通通，冇咩驚喜。