最香餅家

Open Now

Now Closed

到澳門旅遊，不少人都會買杏仁餅做手信，而我覺得最好吃的就是最香餅家的杏仁餅，我已多次回購。這次買了一盒，馳名粒粒杏仁餅（ 20個鐘）和一盒最香三寶。為什麼我喜歡最香的粒粒杏仁餅？因為這家的杏仁餅有炭燒的香味，杏仁味天然，不會像某些店的杏仁餅，吃到的只是杏仁精油的味道，而且這店的杏仁餅質感鬆脆，餅裏面的杏仁粒很多，口感很好。這次還買了最香三寶，盒子內的杏仁餅共有三個，除了粒粒杏仁餅，還有肉心杏仁餅和蛋黃肉心杏仁餅。不過，在吃過之後，覺得肉心杏仁餅和蛋黃肉心杏仁餅不及粒粒杏仁餅好吃。因為肉心杏仁餅裏面的肉是肥豬肉，我不愛吃肥豬肉，覺得口感比較油膩，至於蛋黃肉心杏仁餅，雖然多了蛋黃，但還是覺得比較油膩。不過，這其實和個人喜好有關，喜歡食肉心的，還是可以一試。這店逢星期三休息，想去買杏仁餅的，不要在星期三前往。

個個都話最香 杏仁餅之前都無買過買得最多係鉅記 因為最多選擇 一次過買晒 唔使煩於是去左最香試下有幾吸引舖頭排左5，6個人 要攞籌 等入舖頭普頭細細 好在唔算多人 唔使排好耐買左杏仁餅 個人覺得唔係幾啱口味 第一口已覺得粉末粗糙 唔幼滑 仲有個底全部都好燶 可能呢d就係人們口中最愛既碳燒味 仲食到有d椰絲向入面核桃餅（以為核桃餅係圓型一塊個d 一打開 原來同杏仁餅一樣 我想要既應該係核桃‘’酥‘’先啱）核桃餅就麻麻 一樣粉末粗糙 見唔到核桃肉 應該係磨成粉狀壓制成餅）只可以話口味口感人人不同試過先知唔啱自己口味唔覺得講到人人吹捧到好正好得咁😆但可買來試下 做對比

2024/11/23 星期六下午到店，店面不大，客人不多，要外間等候，進店後朋友幾個爽快購物各買$2xx離店。但回想由在門口被“惜字如金”地指示等候, 到付款離開，由外到內的店員都個個黑口黑面，不耐煩的樣子，有必要嗎？打開門口做生意，客人是被‘’恩錫‘’購物嗎？不是要什麼好招呼，只是基本的待客禮貌都沒有。

食過咁多間杏仁餅，我覺得最好食係最香。疫情後闊別咗五年無去馬交，今次入境後第一時間飯都唔食住殺去最香先，免得晏去要排大隊。一去到原來擴充咗，依稀記得之前得一個舖位，而家擴充埋隔離舖位，一邊整餅，一邊賣餅。依家要攞飛等叫飛入舖，所以對面超市有好多人企晒響度等叫number每張飛限買60個杏仁餅（十個或廿個為一盒）收MOP/HKD Cash, 支付寶、信用卡❨$200以上❩食完記得飲涼茶，杏仁餅好熱氣，但真係好好食。交通：最近巴士站"大馬路／華僑" （M134） 或"內港碼頭" （M137）內港碼頭行入去唔使上大斜舒服d

五年前黎澳門經常買最香杏仁餅，當時有人龍要排隊，不過唔難買到。。。尋日係氹仔食完早餐，晏晝搭車過嚟買，發現依家已經變哂，店舖裝潢靚咗，要輪籌號，又要限買。。。1. 等攞籌號等咗15分鐘2. 要輪200個籌3. 每日只會派500個籌4. 怕過龍 企左兩個鐘5. 每人每籌號限買60件餅味道比五年前係差左少少，不過都明白因為太過多人，好難全部人手製作。不過對比其他澳門出產嘅杏仁餅（eg 晃記/鉅記) 的而且確個炭燒杏仁味嗰個香味係出好多嘅，同埋冇咁甜不過就真係要搞一大輪功夫先買到啦，值唔值得就見仁見智啦

好多社交平台推薦🔥最近去澳門真係好多人排隊😓完全唔值得排‼️‼️首先以最出名既杏仁餅為名既【最香餅家】，味道係好普通，去澳門手信街任何一間買都差唔多，唔值得排一個鐘⏰我亦買咗盒蛋卷，係超級難食😡無下次！

//24 08 23 晴天🌞16:45 澳門 夜呣街最香餅家/ 杏仁餅不是澳門特產？ /「杏仁餅」相信大家都唔陌生，因為係澳門最有名氣嘅手信。但如果我話你知，「杏仁餅」並唔係由澳門發明，你哋又信唔信呢💁🏻‍♀️？「杏仁餅」——— 歷史可追溯到1918年，據說上世紀初，香山縣（現叫中山市）有一個書香世家，正巧適逢母親嘅壽辰🎂，需要好好招待一班到賀嘅親友。身為孝順兒女，緊係想處理得盡善盡美，但可惜家道日漸中落，根本再無多餘嘅錢能夠隨便揮霍💸。正當大家惆悵嘅時候💭，有位嚟自順德嘅婢女，利用綠豆粉及糖醃豬肉片，透過烘烤，製成大量香噴噴嘅「綠豆餅」。當老夫人同一眾親友品嘗過後，個個都讚不絕口😋。因為餅形貌似杏仁，略帶杏香，所以就成為「杏仁餅」嘅雛形。（但餅裏面完全無杏仁嘅成份）/喺二十世紀上半葉，有中山人移民到澳門，就將中山整餅嘅技術一同引入澳門，並於清平巷開設首間餅店。其後，再經過歷年嚟嘅不斷改良、創新，最終「杏仁餅」就正式成為澳門最出名嘅手信啦🎁！#信不信由你系列-BB杏仁餅 HKD$18 x3塊————————————————————————炭燒純手工杏仁餅 入口鬆香綿密 濃郁綠豆香味甜度

疫情之後，第一次去澳門，目標只有一個，去買最香杏仁餅，印象中要去到紅窗門街，再上斜路，盲中中，問下人，終於去到，但原來係摸門釘，因為逢星期三，休息！好彩，我住一晚，明天再去，話開11:00am,本人10:30am去到，目測有30多人排隊，之後，等到派籌，D人又擾攘一輪之後，終於拎到籌！之後，係正門有號碼先可入，只要留意一下，便可入去，只有杏仁餅限買，其他，自已隨便買，杏仁餅夠鬆化，唔會太甜，或者好乾，合桃酥，好香蛋味，鬆化！其他什餅，都好食！要排隊下次都會🦵🦵🦵！

離開澳門🇲🇴前諗唔到買咩手信，原來 ‘最香餅家 ’嘅杏仁餅非常出名之外仲要同我地間酒店只係一街距離，唔係唔買嘛😙😙～～～最香杏仁餅～～～標榜全澳門唯一一間仲係用炭爐製作嘅杏仁餅，我見佢舖頭有兩間一邊係作零售用，另一邊用炭爐製造杏仁餅，經過時會聞到好香嘅炭爐味🥳🥳過到去嘅時間係下午2:30已經見到對面街排隊起碼30個人以上😢😢，以人流管制形式每次放10個入去，大約等咗半個鐘就到我哋啦😀😀各人嘅目標非常明確，入到去直接排隊買杏仁餅，我就揀咗個套餐三盒$238每盒20片😛😛最怕食到啲好硬嘅杏仁餅，呢款軟硬適中，亦唔會食到碎濕濕，重點係佢嘅杏仁碎真係肉眼所能見大大粒😋😋，好彩嘅話當中會有原粒杏仁添🤤🤤，每件都有滿滿嘅杏仁香🤭🤭送比人起碼都多個話題，唔會咁普通啦！🥳🥳

去台灣，人人都會帶鳳梨酥回來做伴手禮 (也就是手信)；來到澳門，人人會帶回來的手信 (也就是伴手禮) ，就是杏仁餅。當然，大部份人都會喜歡好幾間全澳門，甚至連香港都有分店的大型品牌店的出品。不過，喜歡「捐窿捐罅」的香港人一定會有別的隱世品牌既。也是好多年前了，位於司打口那一頭的《最香餅家》被網民大力推介。而是次遊澳門，我最愛那位於紅街市的杏仁餅店結業了，所以，就有了尋訪《最香餅家》的念頭了。跟地圖走就好易找到，而實際上，這一條夜呣街絕對是夠隱世的。新新酒店，司打口這一頭，絕對是一街之隔，對遊客來說，是這麼近、那麼遠的一個國度。好啦，按地圖指示來到夜呣街了。起初都好擔心是否走錯路，因為成條街的確是什麼都沒有。但，當我行入少少，我的嗅覺話了俾我知，我沒有找錯地方。因為，我已經聞到飄來的杏仁餅香。我看見店子了，是一間充滿人氣的餅店。而且，這店是傳統的工場連店為一體的杏仁餅小店，一切的杏仁餅，都是即場在店製的。來到，店姐姐忙著招呼排隊的客人，店師傅就不停地炸餅，所以在遠遠都能夠聞到杏仁餅的香。店子自稱《最香餅家》，絕對是名符其實啊。許多來者都似乎是老顧客了，大都是一大包、一大包地買走。而我來，

不少到澳門旅遊的人，都會買杏仁餅，可是，現在澳門很多著名的店，杏仁餅都是在中山等地大量生產的，並不是炭燒的，而這家的杏仁餅，是在店內炭燒的，買餅的時候就可以看到員工在店內製餅，所以很多人專程去買。這次我買了兩盒炭燒杏仁餅，看到店內兼賣零食，我就買了一包薑和一包檸檬，但原來這些零食不是店家自製的。杏仁餅的確好食，味道和口感都好，零食卻不行，薑很鹹，檸檬比較硬，味道也一般。下次再去，除了炭燒杏仁餅，還想買這店有名的鹹蛋黃肉心杏仁餅，這次因為已售罄所以買不到。

亂世中透透氣，出走澳門，朋友带我地黎呢到買手信，唔係佢带路真係唔識黎。見到這種老鋪很懷念，全人手制，鋪頭香噴噴，有炭燒味，試食完一試難忘，大手購入，價錢雖不比大廠平，但小鋪人手制的食品買小見小，要多多支持，買咗粒粒杏仁餅，返到公司請同事食，個個大讚，爭住揾地址，請人食野最緊要大家欣賞，下次一定會再黎支持。

噚日(27-7-2019 Sat）晏晝，大哥拎一大袋澳門手信嚟，包括佢話大嫂同事介紹可能只有澳門人知，杏仁餅最好食嘅呢間，咁我哋試吓啦。一盒15件嘅炭燒杏仁餅，同樣有杏仁粒嘅，佢最大分別係，炒過嘅杏仁粒留有濃濃嘅鹹焦香味，杏仁餅口感鬆化。評分係:味道:3分 環境:3分 服務:3分 衞生:3分 抵食:3分 OK

每次去到澳門，除了飲飲食食之外，買些拌手禮回家分享一下是常識吧。最香的肉心杏仁餅，一直是長輩的至愛。現時，澳門杏仁餅店星羅棋佈，但有在做肉心的店家不多。猶記得上次來到大概排了半個多月小時，幸好今天來到的時候沒什麼人在排隊，可能不是假期的關係，可以快速完成購買程序。長輩收到手信自然滿心歡喜，一盒10個的肉心杏仁餅，就立即拆開來吃。吃過之後，評價是大不如前⋯⋯我拿一個吃，發現肉心沒有那種甘香，也不是肉心應有爽爽的口感...失望了。

到澳門買手信，這間是必然的！最好食的是這間杏仁餅！ 粒粒杏仁餅我媽媽的最愛的是杏仁餅，仲要有好多粒粒杏仁！好鬆化好美味！現場見師傅即場製作杏仁餅！好厲害又快手喔紫菜肉鬆鳳凰卷這是我的最愛，好正的！香脆又多肉鬆！我喜歡鳳凰卷的蛋香又脆口，卷得好靚！蟠桃肉男朋友最愛的，話小時候食過好懷念！可惜比較甜一點！一包25小包，肉好滿滿軟軟的！我們見還有很多選擇，包括有涼果、其他酥及卷物等等，可以滿足客人的需求！