沙利文餐廳

Open Now

Now Closed

今日晨早同朋友急急塔船過澳門，去葡韻攪掂正經事就開飯，我指定要葡國菜，但果邊間間都未開 ，請教的士大哥，佢就車左我來呢間老店 送的包包，暖暖地，唔硬，唔錯馬介休球，好傳統的食物，有少許咸紅豆豬手，朋友點，好多紅豆，豬手野味 ，但入面腸仔超咸 非洲雞，唔少辣，好好味士多啤梨奶昔夠凍同滑雜果賓治朋友話夠足料多生果同有雞尾酒味木槺布丁，都ok,有點硬，似雪糕

匆匆忙忙決定過黎澳門…所以無做過d咩既research....原本去開葡韻果邊辦事…諗住係埋果邊食野…點知間間都成12點先開門 …由於朋友指明一場黎到要食葡國菜…唯有麻煩的士大佬介紹…結果就黎左呢間老字號…

睇旅遊書介紹，好似好唔錯，就去試試喇!6點半左右到，已有4-5枱客…我地坐低已見枱面有支礦泉水，標價$30，而且每一枱吉枱都有，我亦見有客係飲呢支礦泉水。再者，我地一坐低，侍應一放低餐牌就即刻走咗，我地睇左都5分鐘，一滴水都無人攞俾我地，令我地覺得呢度係無免費水供應 (我都食過啲餐廳係只有礦泉水供應)，於是我地就order咗1.炸馬介休 2.焗蒲國雞，同一支礦泉水。 但坐多陣我就覺好奇怪喇，有枱客走入嚟食飯，落單並指明唔要支水，跟住侍應竟然幫佢地倒免費嘅水。跟住我問個侍應係咪有水供應，佢竟然答我: “你要求我地先俾”，仲話“其實飲礦泉水仲健康喇”。我即刻O晒咀，心諗自己無問，唯有無奈接受。點知有另一枱客入嚟 (明顯係香港人)，阿姐即刻急急腳放低支礦泉水同餐牌，枱客見支水盛惠$30，同我同一反應，即刻O咀，跟住落單時，仲問侍應阿姐點解支水咁貴，阿姐即刻使盡3吋不爛之舌，又話支水係葡國入口，又有礦物質，又尼樣好，果樣好，絕口不提有免費水供應，尼枱客其後同我一樣唯有無奈接受。其後，一啲唔係相熟嘅客亦如是......我想講如果從服務質素嚟講，已經完全唔合格，入嚟坐咗咁耐都可以無水招呼，成班阿姐

生日MACAU 遊~冇做research 周街搵食就"靚"左野行完大巴又唔識路搵食~本身想蕩去賭場會WIFI~OPENRICE一下睇下有咩好食~點知頂唔順~男友行過見到招牌話「沙利文」好野來架..咁就費事搵啦綜觀而言, 食物環境是not bad的...但作為一個生日飯來說,我有D燥呢度環境未算美輪美奐..感覺咪有點像香港的花園餐廳LOL...生日飯!?ummm..可以再fine d lol..葡國菜選擇唔算話太多~價錢偏貴..(係我覺得唔worth哥隻貴)..2個人食..都唔知揀咩好..最後點左非洲雞同沙利文炒米非洲雞- not bad..好似咖哩炒蟹,但唔是蟹是炸雞...同我印象中既非洲雞有點出入..一客有半隻..分4件上..但2個人我都覺得too much之後都已經唔知點咩好~於是點了沙利文炒米~男友話..用得招牌名..should be好野..好~咁就點啦.中左伏..原來是星洲炒米/_\,其實個味同D料佢真係冇問題, 我當星洲炒米咁食姐嘛...但個問題是..個粉米成舊幾水..我接受唔到...間餐廳過條小馬路就是一間酒店, 男友說沙利文出名是好野時~我起初都有思疑過餐廳是唔是und

開展2日1夜的澳門之旅,下船後想吃萄國菜,飯伴帶我到沙利文, 說他很久沒有吃過了.我們2人點了:1. 蝦多士 - 最快上菜的小吃, 整個多士炸得很鬆脆, 有一點"入口即溶"的感覺, 而放在上面的蝦也很大隻。2. 非洲雞 - 我們點了少辣...不過等左好耐(差唔多半小時) 先上菜, 其實見到個野食個樣我覺得唔好食架...不過食落反而先喜歡個sauce, 幾特別既味道, 而且因為叫左少辣我地覺得個辣度岩岩好! 同埋隻雞都幾鮮味~~果然係招牌菜3. 蒜蓉炒雜菜 - 同我地想像中既出入好大: 首先"綠色"既菜真係得2條..反而番茄、洋蔥、青紅椒就佔左60% 雖然都算係好味既, 不過好似同我想食既野有D出入咁囉....最後食完既戰果....哈哈!

這個星期天，朋友突然興起的想到澳門走一趟，於是晨早走到上環信德中心去買船票出發。回程的時間我們選了晚上八時多，由於我們都想先吃一餐葡國菜才回港去，所以便於六時多便來這裡吃個早一點的晚餐。在澳門的葡國餐館當然很多，但記憶中多年前來過沙利文這裡的味道也不錯，所以這次再來回味一番。我們到達的時候，餐廳已有接近半滿，由於不想坐在近門口的餐檯，於是我們便被安排到了閣樓用餐。因為下午時我們已吃過不少小食，所以我們這個晚餐也不點太多食物，以免浪費。看了看餐牌後，我們選了一碗薯茸青菜湯，一份煎龍脷柳及半隻焗葡國雞。餐前送上的小餐包，吃來外皮帶點煙韌的口感，富有麵粉香，剩吃已經不錯，但用來點葡國雞的汁也是一絕。我自己第一次喝薯茸青菜湯就是在沙利文這裡，這個薯茸青菜湯質感較稠，喝起來有薯茸的感覺跟味道，而且內裡還有很多的青菜絲及葡式臘腸粒，口感豐富之餘，臘腸粒的鹹香也充實了湯的味道。煎龍脷柳只是一般而已，煎過的龍脷柳只有一片檸檬作調味，幸好煎得皮微脆而肉還算嫩滑。焗葡國雞最後才上檯，內裡除了半隻雞之外，還有頗多的薯仔，一點葡國肉腸片及一點黑水欖。雞肉焗過很仍然嫩滑，也有點雞味，應該不是用上雪藏的貨色。葡汁

凍雞沙律 ~ 好唔新鮮嘅生菜，雞肉好完全無味 !!炒馬介休 ~ 乜味都無，只有洋蔥味 !!燒牛肋骨 ~ =煎無味牛仔骨 !!!葡國雞煲 ~ 淡而無味, 最差係雞無雞味, 亦無葡汁味, 雞就'林'到爛囉!!!馬介休炒椰菜 ~ =白烚椰菜, 家政堂學生炒得好味過佢!!!蕃茄燴牛肉飯 ~ 大排檔好味過多多倍

回想小時候, 真的很愛到沙利文吃飯, 我最愛他的湯, 但近年來很少去了, 因為質量一次比一次差, 今天是女兒的生日, 於是又勇敢的去沙利文試一次~坐下不久送上的麵包, 熱烘烘的, 但皮有點不夠脆, 軟軟的... 是"翻叮"的原因嗎?接著是前菜馬介休球, 很大一顆, 但要找到馬介休還真考眼力和"舌力", 像是薯球多一點~ 但老實講, 外皮還蠻鬆蠻脆的~再來青菜~ 脆脆甜甜, 不錯, 只是等了很~~~久才來而已~ 主角牛扒來了, 失望之中的失望, 不要說女兒咬不咬得動, 就連我用刀都切得很辛苦, 最後吃不了的比吃了的還多, 真的... 最後最後要投訴一下, 拿蛋糕去時, 他沒說要收"蛋糕費"的~ 但最後竟然收了$100 但金兒生日, 還是... 不要吵... 算了吧

餐廳位置不太起眼 明明就在眼前還找了半天進去之後人還可以 waiter不錯 不停的給加水完了一天了確實很渴...之前就沖著葡國雞來的 果然很好吃 半份葡國雞的雞肉也很多但是裏面的雞蛋邊角都糊了吃起來有點硬 而且整鍋都像是做好一段時間的 但是味道還是很不錯.馬介休球也非常好吃 下次有機會再去還會再吃的.還點了一個牛肉炒粉 味道一般 我不吃牛肉 只吃了炒粉和青菜 炒粉的味道一般 炒焦的地方脆脆的還可以餐前包味道也可以

每次到澳門都要吃葡國菜, 上次吃過九如坊, 這次打算試試木糠布甸好有名的沙利文星期天7點-8點的沙利文並不是太多人, 起碼我沒有訂位也可以. 坦白說, 沙利文的食物不是不好吃, 但我就沒有再試一次的打算.... 面對新式葡國菜餐廳的挑戰, 老牌店鋪如沙利文該如何應對? 這個問題好值得深思...

服務認真一流食物方面，認真唔錯，不過價錢貴了少少1) 非洲雞，辣辣地，幾好味。因太飽食唔晒，打包回香港，明天叮熱食，都是一流的2) 招牌粉麵，像星洲粉米味，值得一試3) 木"康"布丁，此個好好食，真的要一試。不過貴了少少

食物選擇．木槺布甸 ($50.6)．炒雜菜 ($71.5)‧燒美國牛肋骨 ($126.5)‧馬介休炒飯 ($129.8)．葡國雞半隻 ($139.7)環境．粉紅色的牆、木的裝修、葡萄牙風格的瓷磚和古樸的吊燈都十分討好．可惜由於澳門食肆未有全面禁煙，所以被迫一邊吃飯一邊吃二手煙，就算食物有多美味都會大打折扣。既然餐廳有兩層為什麼不分開吸煙區和非吸煙區？服務．侍應親切有禮，也會經常替人客加茶．結帳時侍應會問「覺得食物如何」味道‧炒雜菜很細碟，而且沒有我喜歡的蘑菇/草菇，賣$70很貴．牛肋骨有兩「大」塊，但可以吃進肚的肉其實很少，配菜的薯條炸得幾好，香脆但不會太油膩和燶．馬介休炒飯味道不錯．葡國雞的汁很香濃，配菜除了薯仔外還有雞蛋和煙肉，雞很滑，但全部都太大件，有點難進食，也難和別人share．木槺布甸很大件，夠兩至三人吃，味道可以其他．沒有set dinner，一定要a la carte

前天與五位同事（其中兩位是長者婆婆）去沙利文吃下午茶餐，選擇它只因地點就腳。一入去坐低，隨口問吓有冇下午茶餐，那位阿叔侍應即一句Dud堆嚟：「無，全部散叫！」。若果不是有兩位長者婆婆在座，我一定即時起身拉人走。終於叫了炸馬拉盞粒、沙利文炒飯、西洋燴雞意粉，和清炒雜菜。首先沙利文炒飯：和和暖，無Mud料。西洋燴雞意粉：D意粉軟林林、發發脹、個汁一Pat嘢。至於個清炒雜菜就只有幾條椰菜，其餘就是洋葱加青椒絲，炒堆一細細碟。最後只得碟六粒仔既炸馬拉盞粒過得去，大家好像無食過嘢，卻盛惠300元。個個吃到一肚氣，以後都唔會再去！

難得同BF過大海玩, 好想試下正宗葡菜..出發前已經睇定晒d美食指南, 看到介紹沙利文好像很有名有歷史, 所以抵達之後就立即來試試看...到達的時候, 已經是晚上10點了, 他們說收11點, 不過仍招呼我們進去...點了半隻非洲雞 ($120)及一客炸馬介休球 ($48)...白飯 ($13)才剛落單, 食物已送到, 前後不夠5分鐘@@非洲雞跟我一向吃過的有分別, 醬料很稀而且不夠入味...最重要是不夠熱, 我立即想到是否因為趕收工, 求其叮熱給我算數...炸馬介休球, 共有6舊...但我們卻吃不出是馬介休, 只吃得出是炸薯仔@@ 雖然味道很香口, 但如個用半百元去吃炸薯仔, 我寧可去m記吃薯條算罷...服務也ok, 不停為你加水...但是總括來說$200元吃了一頓微波爐叮叮晚餐, 而且不夠熱, 心中真的有點不快...我們也不會是阻人收工的人, 埋單走人才10:40, 所以我想食物起碼可以再弄熱一點吧?!

聽講這餐廳很出名,跟朋友便去試, 叫了一個豬扒意粉,味道很鹹,追問經理,他說正式葡國食物就是這樣,只是我們不慣,從來在其他葡國餐廳都沒有試過這麼鹹,相信不是一般人可接受的鹹,不知道是他死雞撐飯蓋,還是其他餐廳不夠正式............