皇家葡萄餚

Open Now

Now Closed

第一次食葡國菜自助餐，選擇貴精不貴多不過出奇地冇大眾喜愛嘅炸馬介休球，呢一點反而有啲驚訝…有啲菜式確實係偏鹹，究竟係廚師嘅口味太重，定係葡國菜本身係好鹹呢？🤔 太鹹嘅餸菜，已經破壞咗再想去添嘅動力… 為求食客食得開心啲，同埋有可能會介紹俾朋友，建議廚師可以留意吓調味服務方便，樓面和廚房的員工都好有禮貌!

今日由於工作嘅關係所以去咗澳門📍Tromba Rija 皇家葡萄餚南灣澳門旅遊塔會展娛樂中心地下大堂餐廳裝修設計糅合了中國和葡萄牙建築特色的獨特風格；屋頂是斜面的“金”字屋頂，用木構橫樑支撐著兩邊；牆身分別是紅色的磚牆配以拱門，牆壁另一邊塗成葡萄牙最常用的藍，形成強烈對比。我們選擇了室內座位，倚窗而坐，配合落地玻璃可看到窗外海景，適合 chill 住 high tea餐廳另設户外座位，可以盡覽美麗氹仔橋🌁海景，讓食客可以邊吹海風，邊嘆下午茶，寫意至極。我們點選一鹹一甜的小食：🍽️ 脆炸馬介休球🍽 士多啤梨鮮忌廉蛋糕一顆顆橄欖狀的油炸開胃小點，就是葡國菜中大名鼎鼎的馬介休球；新鮮炸、熱辣辣、鹹香鹹香好嘢味😋士多啤梨🍓饀配以鮮忌廉，加上輕、軟、滑的海棉蛋糕🍰，甜酸交融；碟邊伴上士多啤梨、藍莓、蝶豆花和糖霜造型裝式，形成極豐富視覺及味覺享受。🍹飲品方面我們點選了蘋果汁，buy one get one free😊今次每人平均消費$70

跟妹妹坐艇過大海，去馬交，當然要食葡菜。正常澳門葡菜餐館散點三碟大約六舊有找。我倆有選擇困難症，不想為點菜而費煞思量，左諗右諗，為求一次嚐盡多款美食，最終選擇自助晚餐，也是六舊有找。  提前在旅行網站購買套票，包上塔和晚餐。    六點左右來到，在小圓枱就座後，職員先呈上硬崛崛餐包。使勁才可掰開一小角，外層乾爭爭，中間筋度高，要出出力咬。很快就放棄十字包包，去自助區看看有什麼好東西。 沙律  有自己撈，也有餐廳預製的。 香橙燒乳豬     在船上的電視影片介紹這個葡式燒乳豬，所以很期待。不單是額外配橙肉切片，原來乳豬香草醃料也混有橙核。果然影跟片中介紹一樣，橙的清新可去除乳豬的油膩。乳豬真的肉少而多膏，橙的確提昇了乳豬的味道。還有葡國雞   葡萄牙係無葡國雞嫁!    不過這是澳門名物，一定要食。 大件雞胸肉無骨，滑滑唔鞋口。白酒香蒜檸檬汁炒蜆         特地等待廚師剛煮好的炒蜆，保證新鮮。以湯碗盛載，有蜆也有白酒香蒜湯。  新鮮煮好的蜆肉就是美味。食蜆要有儀態，餘下的蜆殼，整齊地排好，方便職員收碟。 馬介休        一般餐廳几十個大洋只得几件，現在任食，抵左。  這個混有

男朋友特別訂座慶祝生日，未出發已經見到不少好評，非常期待！餐廳環境優美，更可以觀賞西灣湖景，無論係約會抑是和朋友家人見面都係一個好選擇。自助餐餐點雖然沒有很多選擇，但每碟都是廚師精心炮製，侍應服務很好，不停refill 食物，特別推介炸馬介休球及八爪魚飯。特別感謝餐廳準備的蛋糕，吃到濃濃的人情味！強烈推介，我們會再來的😊

餐具好靚，環境都好吸引，有OUTDOOR 同INDOOR, 可惜落雨，如果唔係我地會坐outdoor.食物唔算多款，始終唔係酒店，不過喺旅遊塔下，有海景，大落地玻璃，樓底高，葡式裝修，又係另一種風味，好有旅行嘅感覺，人唔多，service 都好好嚟到澳門當然要食葡撻，buffet 嘅葡撻會細一啲，而且唔係熱辣辣，所以就遜咗啲，有蝦，係冷盆，都幾彈牙同大隻。每人埋單要4百幾，其實性價比唔算高，不過去澳門我多數look 咭，因為標價係葡幣，折算返港幣會有幾個％off，好似今次每人407葡幣，對返唔使HKD400

放假二日同媽咪近近地過嚟澳門拍吓拖，除了去咗觀光塔睇吓澳門夜景，就落咗樓下揀咗呢間葡國餐廳試試。環境不錯，也有戶外座位可以邊食邊欣賞氹仔橋既夜景先嚟一個外脆內軟既法式包，搽點牛油，已經好好味!馬介休炒薯仔絲脆脆的薯仔線配上馬介休，正葡國雞侍應介紹話係正宗葡國廚師煮，就試試同係氹仔果邊食有咩唔同，但出嚟效果有點失望，味道冇咩特別，冇椰香味反而帶點咖哩味，搞到我都唔知係咖哩雞還是葡國雞。馬介休炒椰菜馬介休味道較淡，有點油膩

地點位於澳門旅遊塔之下，而且係露天，位置絕對係最佳嘅觀賞煙花地點，好啱食住自助餐來睇一年一度嘅煙花節盛事。唔單止咁，現場仲有Live Band添架!入場前會先派發手帶以及「龍蝦換領卷」，憑卷可以換取半隻龍蝦架！ 場內有多款美食，不論冷盤、熱盤、小食、甜品等，多不勝數。你要叫我數，我都未必可以一一數出來！不過最有印象就係乳豬仔，我地見住廚師完隻燒好拎出來切，再擺盤架！味道亦算唔錯。中規中矩。不過講到甜品呢，我就好有印象，真係幾吸引！好啱我呢啲鍾意食甜品嘅人。而且款式都唔少，其實仲有葡撻添架，不過我無影到咁解～場內仲有現場即燒即烤嘅生蠔、牛肉、豬肉、扇具及魚添架!  

真係如果只得3、5個朋友嘅話，呢個Buffet算係一個值得推介嘅選擇，總好過只係叫得幾味餸，又或者叫到成檯嘢嘥曬。品種雖然唔算多，質素中上， 有各種香港平時好少食嘅葡菜菜式，馬介休有多種煮法，仲有燒乳豬，葡萄牙火腿、芝士，紅白酒任飲，環境相當好（ 真係好），$333無加一（ 平），又無乜人（靜），三幾個朋友吹下水， 對食物質數唔洗極度追求嘅話，值得一試！（註）不過“旅遊塔”呢個位真係隔涉咗啲，如果你由外港碼頭直接嚟嘅話，千祈唔好走去排長龍搭的士，喺的士站最前嗰度有巴士站，六蚊雞去到門口，又快又舒服！

老公生日，過大海慶祝。而老公想食葡國菜，有明確的目標，搵餐廳的難度就大大降低。最終找到這家葡菜自助餐，不但可控制成本，也可享用更多款式的葡式美食。在旅遊網站預訂自助午餐，還有澳門觀光塔門票，一個價錢，二種享受，抵！按時到達澳門旅遊塔，在這家葡國特色餐廳入座後，已急不及待，看看有什麼葡菜好東西。因為平日，客人較少，環境真不錯。倚窗而座，可欣賞風景。但美食比風景更有吸引力！提前了解自助餐單，大魚大肉未必有，著名的葡菜就肯定有，也有未曾見過的葡菜。    水果部　比較喜歡菠蘿，菠蘿有消化酵素，幫助處理接下來的美食。 沙律及多款冷盤小食 香口前菜    炸馬介休伴薯蓉  一般的澳門葡菜餐廳，炸馬介休是蛋形的啡色物體。這份只是淡黃色，感覺不太熱氣。而且較扁身，方便下刀。    咖哩角　没有辣味的咖哩角，優點是不太硬不太乾，總之感覺不熱氣。　酥皮焗吞拿魚　　酥皮油潤十足，酥皮不會變碎。吞拿魚肉依然濕潤。這件柔軟的焗吞拿魚酥皮，食完一件又要再添了！ 香蒜燒鹹鱈魚配新薯  終於看到馬介休真身～有肉有皮有骨有鰭。　鹹鱈魚＝馬介休，西方的鹹魚。馬介休肉質不算太硬，魚味較淡。而新薯的作用，就是為了中和鹹鱈魚

一行十人一日天澳門遊，本地朋友訂左枱食葡菜。平時唔會去旅遊點餐廳食。感覺貴，食景點。今趟，本地人訂，應靠得住。餐廳係旅遊塔內，睇完笨豬跳，去開餐。（服務員會好主動擺位，待你映相）前菜：鮮焗麵包，紅菜頭沙律，牛油果沙律。主菜：精彩了~葡式乳豬（分到三大碟，皮脆肉嫩，仲有鮮炸薯片）鷹咀豆牛尾肚（超入味），蕃茄牛尾（唔係用茄汁，食到蕃茄味），馬咖休薯絲（炸馬咖休薯蓉，再加炸薯絲係面）海鮮飯（海鮮味全溶入了湯同飯裏頭，蝦蚧就冇乜味了。但個飯超正）。可惜，冇位食甜品環境好正。原來個自助餐都好精彩，MOP 360上下一個人，好葡式。見到甜品好葡好葡，仲有條美腿。要介紹下。請看圖：（你想食的葡菜有哂，你諗唔到都有）（甜品~焗蛋白。。。）睇下條腿。。。以後唔駛去飛象，木偶啦。朋友話，下次同我地去食本地葡菜（即本地葡人菜？？？期待）

1. 釀蟹蓋 有蟹肉有蟹膏但係原來係冷盤，只係用嚟點麵包點多士嘅醬多啲囉。。。不過，味道係好食既！2. 馬介休沙律只有三舊好細嘅馬介休球，然後係一般沙律有既菜。。。。。不過，味道都係唔錯既！3. 海鮮拼盤龍蝦！大蝦！生蠔！青口！大蜆 ！蟹鉗！蟹蓋！，海鮮大雜燴！呢個dish食到我哋Lam Lam 喇😛4. 葡國燒雞好搞笑見到雞有兩款，一個係葡國雞一個係非洲雞！一心諗住非洲雞會燒到乾曬，就i點葡國雞啦！點知睇少咗隻字係葡國「燒」雞！！有驚喜！燒得唔乾都幾好食！但呢個菜略嫌 普普通通不過不失！5. 葡國燴豬手又好搞笑！以為葡國豬手就會好似德國豬手咁樣笑得又香又脆，點知好似成煲豬手湯咁，味道真係好似飲湯食湯渣咁。。。。裏面啲豆有幾好食嘅。。6. 比利時朱古力心太軟全晚既驚喜！我一向超鍾意食心態但係呢一個葡國餐廳嘅比利時朱古力心太軟，個外層十分之薄！一切開裏便嘅濃郁朱古力心用晒出嚟，係激筍嘅朱古力醬少少份嘅感覺同味道都冇！！一定要過嚟試！包你一試難忘！！7. 唔知乜嘢木糠布甸你齋睇個樣，就算食埋落口都唔知呢個原來係木糠布甸。。。味道普普通通就只係好似食咗一大啖忌廉咁樣！8. 蘋果批正正常常一個

這家來自葡萄牙的葡菜主打自助餐，但原來也有提供單點的，和朋友們12月聚會就揀了呢度，為慶祝聖誕拉開序幕。先送上麵包，熱辣辣外脆內軟 。葡菜點乳豬係常識吧？擺盆放多幾片橙成件事立刻唔同左，肥嘢變清新，得左! 味道方面，皮脆肉嫩，不錯。炒蜆賣相也很佳呢~味道一樣讚，蜆新鮮，而且頗大一碟，好。馬介休又是另一道必點的葡菜，啖啖肉，中間還夾著應該是波菜吧，吃起來就不會咁膩。他們有一道八爪魚沙律，由於太好味掛住食忘了影相，哈....甜品點了心太軟及雲呢拿布丁，布丁比略甜，可能較適合葡人口味...總的來說，這家葡萄牙菜無論是自助餐或單點也很不錯，推介給各位。

次次去馬交都食自助餐，今次找個特別的葡式自助餐，果然有驚喜！一次過試到好多葡國美食！環境十分優美寧靜，坐在窗邊望橋景👍坐下後有自家製面包送，凍左個服務員主動問是否需要翻熱凍海鮮：有生蠔（新鮮！），蝦同青口葡國美食：沙甸魚薯蓉，烤乳豬（很好吃！），芝士馬介休焗薯塊，檸檬香草蜆，烤牛肉，焗馬介休撻，焗菠菜馬介休雲吞，香蒜欖碎，焗馬介休薄餅，焗鴨飯，乾火腿，芝士，沙律⋯好多好多甜品：朱古力摩絲，木槺布甸，肉桂蛋白球，杏仁批，焗蛋黃，百里香甜飯等質素和服務都得好，服務員會留意顧客是否需要收碟除自助餐，也可單點菜式，用埋open rice 券有85折！Highly recommend !!!

是次澳門遊以睇煙花為主，所以打算在旅遊塔邊食邊睇~ 旅遊塔有3個選擇，全都是自助餐: 旋轉餐廳/ 葡式/ 露天廣場BBQ。看過澳門老陳Blog的介紹，決定一試這間以正宗葡菜為主題的buffet。餐廳不算大，食物亦只是有一張大枱。慶幸枱不多，空間頗為寬闊。Book位的時候已剩下outdoor，但是次為了看煙花，其實outdoor更好 浦坐下，店員隨即送上餐包~ 想不到自助餐也有餐包呢！麵包烘得暖暖的，外脆內軟，很有心思！位置景觀不錯，可以遠眺西灣橋~旁邊就是評判坐的位置食物款式貴精不貴多、款式獨特，很多菜式在平常的葡菜餐廳也未見過。烤馬介休球吃不少，這次是小妹第一次見馬介休本尊。馬介休切件鋪上粟米麵包糠來炸，放些芫荽。魚肉結實，味道還可以，但不是人人愛吃。西班牙的風乾火腿聽得多，但葡國的風乾火腿還真是第一次吃~火腿帶點油份、淡淡咸香，味道不會太搶，單獨吃比配芝士/麵包什麼的更好吃~ 細細塊的，多吃幾塊也可以！牛排嫩滑多汁，黑椒香草輕輕把牛排襯托。但我更愛烤乳豬！ 外皮烤得香脆可口，一小層脂肪包著鬆軟的豬肉，令人百吃不厭！除了葡式腸仔，還有一些聞所未聞的小吃~麵包腸是葡式熏香腸，以麵粉、豬