Video
Telephone
96646939
Opening Hours
Today
11:00 - 21:00
Mon - Sun
11:00 - 21:00
Above information is for reference only. Please check details with the restaurant.
Recommended Dishes
真材實料無花假，粉線軟硬適中略帶煙韌，口感順滑，各式風味地道，足料湯底，佢嘅金湯酸菜魚米線、麻辣拌麵，仲有口水雞、凉拌土豆絲都值得一試，係粉嶺最好食嘅米線，會繼續幫襯。
continue reading
店面衛生差都算啦，啲筷子用紙市一擦係黃色用水浸一浸，杯水會好多塵飄係上面叫左碗米線，食食下見到碗野有「問題」，同店員講，佢地好似見慣大場面好冷靜….話煮過碗比我。邊仲食得落呀….我地即刻走人，佢都好順攤咁比我地走（申利：只係岩岩食左幾啖，唔係食到尾先唔比錢走人）
continue reading
第一次幫襯,外賣咗兩碗米線,份量同質素就各人要求唔同,不願置評.不過外賣安排真係要好好改善,而家做米線嘅店舖用上下格一兜過嘅外賣盒已經好普遍,佢哋嘅外賣係兩碗米線,分開四碗入一袋,中間冇用卡紙墊底,裝湯嘅外賣盒一來凹曬,仲要蓋冚唔實,本身個湯已經唔係多,倒瀉埋返嚟真係嘥鬼氣.
continue reading
佢岩岩開業時已經幫襯過米線，間中食一兩次，最近減肥少食咗，今日經過見佢推咗個酸菜魚飯餐，就買一個酸菜魚飯+口水雞外賣拎走。返去打開見到個盒咁細已經有啲O咀，然後食埋仲加O咀，首先魚片有六塊，然後配菜係一啖芽菜，然後係幾條蔥加一塊細細腐皮，同埋勁少佢所謂自家制嘅酸菜，少到係我食兩啖已經無哂，如果你係男士我估你要自己煎多兩隻旦黎餸白飯，$58唔包飲品，呢個份量同質素真係令人失望，但老實講味道唔差，同巴X仔個味道差不多但份量真心差太遠。口水雞就無特別，肉質實淨，無雪味，調味正正常常。今餐午餐58+38+外賣餐具費=$99，抵唔抵食真係見人見智，我而家煎埋兩隻旦黎餸埋碗白飯先。
continue reading
自從食過一次麻吉之後，呢度就變成我飯堂，不過平時我都係買外賣返屋企食居多。但今日街上面成三十幾度，又熱又曬又肚餓，都係決定坐係入面堂食。晏晝三點幾去，人會少啲，坐得都舒服唔會話覺得好熱。今日想食啲再重口味少少嘅嘢就嗌咗水煮魚米線小辣，因為米線份量太足又唔想食得太飽，通常我會嗌少米，而太熱嘅關係就加咗罐zero，總數$65。入面會有少少炸醬、芽菜、韭菜、腐皮，再加上魚片同米線。湯入口麻香味好正，但又唔會油唔會令你口渴，夾少少米線加塊魚片配埋啲湯一齊食好惹味 魚片無骨，滑嫩唔會腥，處理得好好而且份量都算多，食完都會覺得好滿足好夠飽，呢個價錢再加呢種出品真係好超值值得一提嘅係店員都係後生女，佢哋態度好好亦好好禮貌，值得比多啲支持呢間餐廳
continue reading