櫻川壽司

Open Now

Now Closed

【澳門】【櫻川壽司】今次又做過江龍，同皮蛋哥以及林洪哥走咗去澳門深度閒逛。行行吓去咗三盞燈，肚餓又要諗食乜，澳門菜、葡國菜就成日都食，不如反其道而行試吓日本菜。又真係好少機會喺澳門食日本菜，見到呢間好似唔錯就試一試佢。入到去就見到佢哋原來近兩年都入圍 iFood 嘅「我最喜愛餐廳」裡面嘅「我最愛日本菜」，估唔到佢哋咁勁喎。餐廳走木系風格，好日式，坐得好舒服。舒舒服服就上 $128 嘅「和牛海膽魚籽可頌」，好特別嘅組合，好味。跟住試 $138 嘅「泡菜魚雜鍋物」，估唔到可以咁配搭，魚雜加埋泡菜，辣辣哋，完全唔腥，口感又豐富。之後到 $118 嘅「秋蟹馬糞海膽丼」係起大閘蟹膏同拆肉出嚟，加埋赤醋飯做出嚟，鮮美豐盈，屬於水準之作喎。跟住試幾款模倣墨西哥卷做法嘅 Taco，佢個底係脆炸紫菜同埋赤醋飯，好特別。我哋試咗 $38 嘅「雜錦魚生」、$42 嘅「帆立貝甜蝦」、$32 嘅「吉列棒棒蝦」同 $32 嘅「芒果三文魚」，可以話係各有千秋，總體而言性價比幾高。。。（地址：澳門三盞燈光復街2b號三龍閣地下C座）#1amfoodie #foodie #hkfoodie #thatfoodiethin