坤記餐室

Open Now

Now Closed

坤記比我第一個印象就係「寸」！我哋一行12人訂咗8點鐘，約7點半我哋已經到咗，我見到佢樓下有2張6人吉枱，咪入去同櫃面個女人講我哋訂咗8點而家有冇位呀？點知櫃面果一男一女，你一句我一句咁話：「8點？你訂咗8點而家咁早黎，緊係冇位啦，8點鬆D你哋先好黎呀，唔好以為訂咗8點就8點比到枱你哋呀。」真係激氣！！至於食物方面綜合各人意見，有以下評價馬介休球 – 球中心比較多西芹, 不喜歡吃葡腸奄列 – 比較鹹燒豬柳 – 惹味, 但偏鹹燒沙甸魚 – 好味, 不太乾西洋臘腸炒飯 – 好味煏牛尾 – 不錯蒜蓉炒青瓜 – 好味吉列豬扒 – 好鹹另外叫咗六個包，其中有兩個個底烘燶咗，但係都照比客人食叫咗三.四次佢哋比清水都唔啋你, 後來叫汽水就好快回應其實我7月果時試過附近果間富仕葡式美食，相比之下我覺得富仕好味得多。但係今次人多，而富仕地方細，所以先至揀坤記。因為受到不禮貌對待，而食物又一般，所以下次唔會再去坤記。