Video
Read full review
2008-10-22
101 views
收工叫埋另一個同事去宵夜，嚟到呢間出名食米通鯪魚球嘅粥麵舖，夜晚都仲好旺，有唔少人幫襯，我哋叫咗： 滷水鳳爪大腸：滷水味好濃好香，鳳爪入味，睇個樣好硬，但係食落其實好稔兼好入味，大腸整得好稔，但仍然好有咬口，完全唔會有羶味或者內臟味道。 黑椒牛柳絲炒麪：好夠鑊氣！黑椒味好濃，麪又好脆，有啲似肉絲炒麪咁嘅質地，麪炒得唔油膩，牛柳絲亦唔靱，配菜有洋蔥同埋青紅燈籠椒。 米通鯪魚球：主角果然係最後現身，由坐低即叫到上菜要二十分鐘有多，但好嘢係值得等嘅，佢當然係即炸啦，用米通做脆皮幾創新，咬落好脆，入面充滿魚味，外脆內軟，好精彩！好快就掃光晒！ 蜆芥醬就一般嘢，都 ok 嘅！今日又上多一課：原來米通係可以咁用嘅！
收工叫埋另一個同事去宵夜，嚟到呢間出名食米通鯪魚球嘅粥麵舖，夜晚都仲好旺，有唔少人幫襯，我哋叫咗：
滷水鳳爪大腸：滷水味好濃好香，鳳爪入味，睇個樣好硬，但係食落其實好稔兼好入味，大腸整得好稔，但仍然好有咬口，完全唔會有羶味或者內臟味道。
黑椒牛柳絲炒麪：好夠鑊氣！黑椒味好濃，麪又好脆，有啲似肉絲炒麪咁嘅質地，麪炒得唔油膩，牛柳絲亦唔靱，配菜有洋蔥同埋青紅燈籠椒。
米通鯪魚球：主角果然係最後現身，由坐低即叫到上菜要二十分鐘有多，但好嘢係值得等嘅，佢當然係即炸啦，用米通做脆皮幾創新，咬落好脆，入面充滿魚味，外脆內軟，好精彩！好快就掃光晒！ 蜆芥醬就一般嘢，都 ok 嘅！
今日又上多一課：原來米通係可以咁用嘅！
Post
