新鴻發咖啡美食

Open Now

Now Closed

去到馬交搵馬交文，個個都鍾意排新鴻發，唔通我又鍾意排咩？我去開嗰間係寶翠分店（船澳街寶翠花園利明閣），第一：相對冇咁淪陷、擠提感覺相對較少、第二：地方大啲舒服啲、第三：食物質素一樣早餐時間陀地居多，來一個乾炒雞扒通熱身一下、冇錯、唔需要等到11點後供應、早餐都有、鑊氣依舊十足、濃濃豉油味瀰漫着茅台的醬香（你當我是浮誇吧、笑）、用上脹卜卜有坑紋的通心粉，充滿誠意，意猶未盡再來一個豬扒炒蛋加芝士菠蘿包、鹹甜互相衝擊，加上溶化了的卡夫芝士、比起一星期最少五日食蛋白、番茄、希臘乳酪，我今次真係身體健康、下一站鏡湖醫院唔該（笑）