Video
Read full review
2016-10-01
396 views
其實兩個人去食韓燒都係一個唔錯嘅選擇，今晚我同朋友幫襯呢間有名嘅韓燒店，就係鍾意佢有二人套餐，唔使擔心散叫食物份量太多而食唔到太多款式。先講餐廳環境，因為呢間店係新開張，所以餐廳環境好乾淨，座位寬趟又舒適，每張枱都有一個燒烤爐同抽氣管。喺燒緊嘢食嘅時候，抽氣管可以將所有油煙抽走，令頭髮同件衫唔會吸到油煙味，比起其他韓燒店好得多！嘢食方面，我哋叫咗一份$698牛肉二人餐，有牛扒、牛護心肉、蝦、菠蘿、蘑菇、仲有一個湯同一份牛肉壽司，食物嘅份量適中，夠晒兩個人食。前菜就有五款，唔夠食可以無限添加，唔使額外俾錢。最特別嘅地方，我覺得係燒烤爐旁邊放滿蛋漿，當一路燒嘢食嘅時候，爐溫就可以整熟旁邊嘅蛋漿，蛋漿內有泡菜，食起嚟有口感，微辣中帶蛋香，仲好飽肚添！食燒肉嘅時候，係由店員幫我地燒，好貼心呀！店員建議將燒好嘅牛肉擺放喺爐邊一陣，等啲油分溜走，先再食咁就冇咁油膩。如果食燒肉時鍾意配生菜包住一齊食，其實可以問店員攞生菜，都係唔使加錢嘅(因為店員唔會主動提供生菜）。套餐內有牛護心肉，我都係第一次食。店員話呢款牛肉非常珍貴，因為每隻牛身上只有好少嘅份量。試完果然名不虛傳，因為牛味濃，肉質比較嫩滑。至於
先講餐廳環境，因為呢間店係新開張，所以餐廳環境好乾淨，座位寬趟又舒適，每張枱都有一個燒烤爐同抽氣管。喺燒緊嘢食嘅時候，抽氣管可以將所有油煙抽走，令頭髮同件衫唔會吸到油煙味，比起其他韓燒店好得多！
嘢食方面，我哋叫咗一份$698牛肉二人餐，有牛扒、牛護心肉、蝦、菠蘿、蘑菇、仲有一個湯同一份牛肉壽司，食物嘅份量適中，夠晒兩個人食。前菜就有五款，唔夠食可以無限添加，唔使額外俾錢。
最特別嘅地方，我覺得係燒烤爐旁邊放滿蛋漿，當一路燒嘢食嘅時候，爐溫就可以整熟旁邊嘅蛋漿，蛋漿內有泡菜，食起嚟有口感，微辣中帶蛋香，仲好飽肚添！
食燒肉嘅時候，係由店員幫我地燒，好貼心呀！店員建議將燒好嘅牛肉擺放喺爐邊一陣，等啲油分溜走，先再食咁就冇咁油膩。如果食燒肉時鍾意配生菜包住一齊食，其實可以問店員攞生菜，都係唔使加錢嘅(因為店員唔會主動提供生菜）。
套餐內有牛護心肉，我都係第一次食。店員話呢款牛肉非常珍貴，因為每隻牛身上只有好少嘅份量。試完果然名不虛傳，因為牛味濃，肉質比較嫩滑。
至於牛肉壽司，都係值得推介。店員用火槍火炙生牛肉，唔洗幾秒，生牛肉壽司就變成熟牛肉壽司了，配合甜甜地嘅燒汁食，好味道！
Post
