度小月

Open Now

Now Closed

度小月一向都好有名，上次去台灣太多人等唔到，今次黎到澳門百老匯大街終於品嚐到。祖傳滷肉飯（大）$28白飯同滷肉既比例很好，唔會只係食到滷肉，濃味但係唔會死鹹。滷肉比較瘦，主要靠味道黎伴飯，鍾意食肥滷肉同油膩感既朋友可能會覺得失望。本人就比較喜歡瘦滷肉，口感無咁膩。推介。蚵仔酥$68酥酥脆脆，外面炸得好脆，又不會成口粉。仲食到蚵仔既水度，不會乾巴巴。沾胡椒粉黎食，好味。炙烤胡椒肉調過味既豬肉，上面灑了點胡椒，單食已經好有味。可以再點醋，配上蒜片同蔥，口感更豐富更分明。擔仔麵（大）$28賣相精美，價錢不貴，係油麵、滷肉同蝦既組合。蝦唔會梅，好味道。呢個麵黎到係必試項目!度小月價錢不會太貴，鍾意傳統台南菜既朋友，去到澳門切勿錯過。