葡萄園餐廳 (Closed)

澳門一日遊，決定以美味葡國餐結束，本來諗住去酒吧街逛吓，但去到後居然發覺冇咩嘢啱食，沿路見到呢間餐廳，雖然一個人都冇，但服務員哥哥實在太欣勤，所以決定幫襯，並由經理介紹以下菜式:自製麵包：夠熱但未必啱所有人口味，但個蕃咖牛油就做得唔錯．葡式烤乳豬炒飯：今日我哋講過，去完賭場，羸就食乳豬，輸就食豬扒包，皇天不負有心人，我哋一定要食乳豬．乳豬皮估唔到咁脆，啲肉都好夠味，但最估唔到係個炒飯，好乾身，配埋啲葡國香腸一齊炒，好惹味．紐西蘭烤羊扒：好夠羊味配埋有味粉既薯條，個個都話正　忌廉馬介休薯蓉：一路都覺得啲葡國鹹魚好鹹，但呢個薯蓉超好味，啲馬介休居然有鮮味，啲薯蓉又香又滑，一定要試　　我哋仲叫左客蒜蓉包嚟點薯蓉添非洲雞：又一個值得推介既美食，少少辣，但皮脆肉嫩，仲可以加辣添可能落雨關係，冇咩人，好夠情調，我哋可以晚晚傾計，渡過一個開心晚上!!