Video
Read full review
2018-05-30
326 views
去到澳門，人生路不熟，除咗靠google map，其次要投靠既梗係openrice，話晒都係覓食指南。澳門黎講我就覺得葡撻係不得不吃既，但吃邊一間呢？search到呢一間熱門又啱方向，就去咗正值佛誕紅日，唔少人係街上走。天氣有30幾度既日子，面對住只有室外位既呢到，仍然見到啲人一個接一個咁排隊同紛紛喺度搵位置，諗住佢一定好好味，因此都帶有點期望。（後尾都有留意到其實餐廳好少清楚室外既桌椅）佢既經營模式係先排隊付錢後攞貨，然後自己搵位坐。 咁作為新食客黎講，唔知道原來佢喺呢個經營模式，就諗住去攞完嘢食之後俾錢啦。點知企係葡撻架既阿姨態度極差我一行到過去，諗住睇下有無貼住價錢/問下幾錢之際，佢伸手想要張單，我先知道係要比咗錢先。（有段小插曲：我諗住難得黎到澳門openrice熱門餐廳，就諗住影相寫食評。佢個樣勁衰咁加揮手拒絕，有必要咁無禮貌嗎？）咁我轉個頭就去收銀買野食，諗住「算，都係硬食一次」就買咗個葡撻，都要$10一個架，因為同行既朋友唔食，最後都只係買咗一個試試佢。我拎住張單去比葡撻個阿姨，其實佢都無認真睇張單，一野就夾咗兩個比我，然後我同佢講：我買咗一個咋。佢隨即將兩個葡撻既袋掉埋
正值佛誕紅日，唔少人係街上走。天氣有30幾度既日子，面對住只有室外位既呢到，仍然見到啲人一個接一個咁排隊同紛紛喺度搵位置，諗住佢一定好好味，因此都帶有點期望。（後尾都有留意到其實餐廳好少清楚室外既桌椅）
佢既經營模式係先排隊付錢後攞貨，然後自己搵位坐。 咁作為新食客黎講，唔知道原來佢喺呢個經營模式，就諗住去攞完嘢食之後俾錢啦。點知企係葡撻架既阿姨態度極差我一行到過去，諗住睇下有無貼住價錢/問下幾錢之際，佢伸手想要張單，我先知道係要比咗錢先。
（有段小插曲：我諗住難得黎到澳門openrice熱門餐廳，就諗住影相寫食評。佢個樣勁衰咁加揮手拒絕，有必要咁無禮貌嗎？）
咁我轉個頭就去收銀買野食，諗住「算，都係硬食一次」就買咗個葡撻，都要$10一個架，因為同行既朋友唔食，最後都只係買咗一個試試佢。我拎住張單去比葡撻個阿姨，其實佢都無認真睇張單，一野就夾咗兩個比我，然後我同佢講：我買咗一個咋。佢隨即將兩個葡撻既袋掉埋一邊，個樣勁不屑咁重新夾過比我WHAT？？？？？態度有無得再衰啲？？？？？
咁我諗住，哎，好味出咗名既餐廳係串啲掛，咁就試下佢有幾好味Well，佢係一個酥皮葡撻。有適當既烘焙痕跡，實在係普通不過！心諗 有咩特別啊？我真係十萬個問號，呢間餐廳一定係風水好先做得咁掂惟一好既位係佢真係新鮮出爐，熱到食唔到。更可以建議，甚至係負評既位係你食完一定會成手油，因為佢既紙袋極！薄！
Post
