葡富軒

Open Now

Now Closed

今日嚟到澳門，食咗一間超高質嘅葡國餐廳，真係好彩有朋友帶路先會識，餐廳位於氹仔舊城區，裝修其實都幾得意，員工嘅服務態度亦都好好，所以真係食咗一餐好開心嘅飯！首先一定要叫個手工乳豬鹹派，好香牛油味，有啲中西合璧嘅感覺，精選芝士&冷肉拼盤都好出色，一大班人叫一個嚟分享就啱晒！主菜要咗炒豬肉配葡蜆伴馬鈴薯，呢個味道都唔錯，但係我就比較鍾意葡式經典椰汁非洲雞配白米飯，非洲雞真係超嫩！甜點就要咗火焰橙酒班戟，呢個記住一定要攞定手機出嚟打卡！另外就係個朱古力蛋糕 ，超濃郁，我勁鍾意！