皇冠小館

Open Now

Now Closed

星期六晚上同屋企人嚟左呢度食晚飯,上次嚟已是五年前的事,是我們無意中發現這間舖,那時的價錢好平好抵食,現在所有的都加晒價,還幾貴添呀,我們坐下,那個仕應不停的推介我們食水蟹粥及其它食品,我們五個人叫了半窩水蟹粥,兩碟蝦子撈麵,一碟雲吞撈麵,一碟菜遠牛肉飯,先來蝦子撈麵,真係幾好味既,d麵好爽口,好彈牙,都好多蝦子呀,38元一碟,其實不算大碟,都幾貴跟住來的雲吞撈麵,好普通,冇咩特別,但都要42元,好貴.再過一陣菜遠牛肉飯都來了,呢個都幾好味,d牛肉好淋,因媽咪要食飯所以叫了一個飯給她吃,都幾大碟,好似20幾元,這個價錢就ok,最後來的水蟹粥半窩都幾大呀,但要120元真係幾貴,一窩要240元,d粥好綿,好有蟹味,d蟹都好鮮甜,有五碗左右,食到好飽的一餐,不過相比以前就真係貴左好多.可能是出了名的關係,所以價錢亦相對提高了好多.