Video
Read full review
2017-07-08
13200 views
住左澳門幾年，成日都會食自助餐，因為真係柢過香港好多，咁巴黎人開左咁耐都冇試過，其他酒店又冇優惠咪試下囉，點知。。老公一路食一路話就算買一送一都唔會再黎。首先，價錢係平嘅，咁啱2位一位半價埋單$660，即係$330一位。第一次聽到澳門餐廳好似香港餐廳咁分2場6點及8點，咁我就book6點。由入場到埋單都係要不停排隊，5點9去到，已經要排長龍入去，心諗都有位啦…咪行陣先入囉，6點3度冇左條龍得番幾個流動人口慢慢入，但望入去每個食物區都要排隊。張枱墊，有好多積，應該係之前啲人食蝦染到嘅。。。但咁大間酒店，冇諗過會咁污糟，叫人換，2個侍應應左就算。有個阿姐黎倒水，叫佢換，佢答我係咁㗎啦～隔離枱位先生睇唔過眼就搭咀話，換過張有幾難。。。先換過張冇咁多積嘅枱墊。最最最頂唔順，打開張餐紙。。。有人用過嘅。。。有一刻，覺得自己係咪食緊酒店餐廳。算，食野。。。每樣食品都要排隊，燒龍蝦仔，煎鵝肝，長腳蟹，片皮鴨。。。都要排，所以冇食；就算食嘅普通野，炸魚塊，炒菇，等等，都要插入條隊攞。。。真係好辛苦。就算攞到返位，都唔太好食，乳豬有蘇味，澳門真係少見。其他酒店自助餐飲品不算多款都任飲嘅，但呢度只可以當餐
首先，價錢係平嘅，咁啱2位一位半價埋單$660，即係$330一位。
第一次聽到澳門餐廳好似香港餐廳咁分2場6點及8點，咁我就book6點。由入場到埋單都係要不停排隊，5點9去到，已經要排長龍入去，心諗都有位啦…咪行陣先入囉，6點3度冇左條龍得番幾個流動人口慢慢入，但望入去每個食物區都要排隊。
張枱墊，有好多積，應該係之前啲人食蝦染到嘅。。。但咁大間酒店，冇諗過會咁污糟，叫人換，2個侍應應左就算。有個阿姐黎倒水，叫佢換，佢答我係咁㗎啦～隔離枱位先生睇唔過眼就搭咀話，換過張有幾難。。。先換過張冇咁多積嘅枱墊。
最最最頂唔順，打開張餐紙。。。有人用過嘅。。。有一刻，覺得自己係咪食緊酒店餐廳。
算，食野。。。每樣食品都要排隊，燒龍蝦仔，煎鵝肝，長腳蟹，片皮鴨。。。都要排，所以冇食；就算食嘅普通野，炸魚塊，炒菇，等等，都要插入條隊攞。。。真係好辛苦。就算攞到返位，都唔太好食，乳豬有蘇味，澳門真係少見。
其他酒店自助餐飲品不算多款都任飲嘅，但呢度只可以當餐飲咁叫，或者自助式只有latte一款。
可能因為要排隊，好多人一攞就成碟夾走，而且多人，好嘈。。。
所以。。。真係唔會再去㗎啦～
Post
