渢竹自助餐 (Under Renovation)

威尼斯人套票送呢度的自助午餐，雖然係咁，一啲都唔欺場，超得！自助餐最緊要食物補得快，佢絕對做得到，我哋由十一時坐到一時半，啲食物一樣咁多！食咗兩日，食物有少少變化，推介如下：瑤柱扒西蘭花，好好味的瑤柱，唔會得個「獻」汁，好味過外面自己單點的！三文魚，好新鮮！面包布甸，我老公食咗超多，佢話十分極之好食，但我冇食到，太飽！炒蟹，一直都有好多供應，大大隻蟹鉗，我係怕麻煩，如果唔係一定唔只食一隻！露筍炒帶子，帶子好夠味，又大隻！甜品都好出色，我建議大家攞啲生果，如木瓜、火龍果之類，再淋啲朱古力醬，佢啲朱古力醬好有朱古力味！咁就當自己食咗朱古力火鍋，哈！藍莓芝士餅真才實料，都好得！比較差的是蜜桃雪糕，太甜。