世記咖啡

Open Now

Now Closed

早前買左package 去澳門玩，於是開始爬文睇下有無好西食啦，見到好多人都推呢一間世記咖啡，難得過大海點都要抽空去試一試。先叫左佢出名嘅凍瓦煲咖啡，由於天氣實在係太熱，真係唔可能試佢嘅熱咖啡。凍咖啡味道夠濃，加上佢係成枝雪入雪櫃而唔係加冰，所以凍咖啡飲到尾都唔會覺得淡晒。另外叫左花生奶油方塊，$25好足料，醬料俾得好大方，完全可蓋過晒入面嘅厚吐司粒粒。吐司切成一粒粒用叉食真係好方便，個紙袋又夠厚，好多醬都唔怕個紙袋會穿。雖然係肥仔野但都好值得！