Video
Read full review
2019-07-08
2525 views
今日揀咗係Ritz-Carlton Cafe食晚餐，今晚嘅主題Surf n Turf襯晒由港珠澳大橋過去澳門，正正就係喺水上行車⋯呢一餐飯可以稱得上搭埋車過澳門都值得食一餐飯，喺香港用咁嘅價錢我真係搵唔到咁樣嘅質素同埋環境！頭盤我試咗三文魚他他，做得非常之好；三文魚說裏面夾雜左啲青瓜同埋酸忌廉，口感非常清新開胃，加上迷你炸薯格格俾咗一個爽脆嘅口感。主菜我就揀咗加拿大牛肋肉配波士頓龍蝦，龍蝦不過不失，隻鉗開咗一半好方便咁攞出黎食，蝦身用蒜蓉牛油輕輕帶出鮮味；加牛出名鮮嫩肉味重，呢兩件牛肋肉煮得恰到好處，鮮嫩多汁鬆化唔油膩，配以黑椒汁又或者泰式辣汁非常好食！House Red亦係Dry同Body比較厚身嘅一個配搭，非常有能力併配咁Heavy嘅加拿大牛肋肉，至於Side嘅鴨肝就可以話係正常合格收貨，個人認為如果剪得脆啲會吸引啲。甜品方面就係朱古力蛋糕，朱古力味香濃但係比較甜；反而自家製嘅雲呢拿雪糕就真係食唔出雲呢拿味道，呢個實在有改進嘅空間，因為最簡單嘅連雲呢拿子都見唔到，又真係講唔過佢係Ritz-Carlton自己整嘅⋯
呢一餐飯可以稱得上搭埋車過澳門都值得食一餐飯，喺香港用咁嘅價錢我真係搵唔到咁樣嘅質素同埋環境！
頭盤我試咗三文魚他他，做得非常之好；三文魚說裏面夾雜左啲青瓜同埋酸忌廉，口感非常清新開胃，加上迷你炸薯格格俾咗一個爽脆嘅口感。
主菜我就揀咗加拿大牛肋肉配波士頓龍蝦，龍蝦不過不失，隻鉗開咗一半好方便咁攞出黎食，蝦身用蒜蓉牛油輕輕帶出鮮味；加牛出名鮮嫩肉味重，呢兩件牛肋肉煮得恰到好處，鮮嫩多汁鬆化唔油膩，配以黑椒汁又或者泰式辣汁非常好食！House Red亦係Dry同Body比較厚身嘅一個配搭，非常有能力併配咁Heavy嘅加拿大牛肋肉，至於Side嘅鴨肝就可以話係正常合格收貨，個人認為如果剪得脆啲會吸引啲。
甜品方面就係朱古力蛋糕，朱古力味香濃但係比較甜；反而自家製嘅雲呢拿雪糕就真係食唔出雲呢拿味道，呢個實在有改進嘅空間，因為最簡單嘅連雲呢拿子都見唔到，又真係講唔過佢係Ritz-Carlton自己整嘅⋯
Post
