Video
Read full review
2012-02-08
349 views
澳門有好多葡萄菜館，上次去澳門未有機會試到，今勻就揀定幾間心水，全部都無訂枱，視乎時間同玩到去邊區。最後，就決定去試吓晌大堂街嘅Restaurant Escada，位置就在郵政總局後面上梯級，少少隱蔽，但唔算難搵。今日係星期五，都幾旺，由於無訂位，要多等半粒鐘，啱晒啦，因為晌360café食咗個好飽嘅High Tea Set，係估唔到咁飽，所以已經將食晚飯時間推晏啲，再等多陣都無妨，咪落番議事亭前地行吓囉。之前已晌openrice做咗少少功課，所以點菜時雖睇勻個餐牌，但查實心裡有數，都無乜懸念。紅酒雜飲 Sangria 0.5L/MOP78, 1L/MOP148澳門好多葡國餐廳都無免費開水供應，依間都無例外，所以索性先嚟半公升Sangria。我都係第一次飲依種葡式雞尾酒，本身小弟同太太都唔係好酒之人，可以飲，但唔多，而半公升大概倒到5-6杯（以每杯為半杯份量計），所以今晚都叫飲大咗，但因為隻酒係由紅酒再加啲蘋果、橙嘅果皮果肉，酒味少許濃，味道帶甜，易入口，真係唔錯唔錯，值得一試，所以清晒半公升Sangria無難度。檸檬炒蜆 MOP95炒蜆堆滿一大碟，份量頗大無呃秤，雖然蜆隻唔算好大，但
今日係星期五，都幾旺，由於無訂位，要多等半粒鐘，啱晒啦，因為晌360café食咗個好飽嘅High Tea Set，係估唔到咁飽，所以已經將食晚飯時間推晏啲，再等多陣都無妨，咪落番議事亭前地行吓囉。之前已晌openrice做咗少少功課，所以點菜時雖睇勻個餐牌，但查實心裡有數，都無乜懸念。
紅酒雜飲 Sangria 0.5L/MOP78, 1L/MOP148
澳門好多葡國餐廳都無免費開水供應，依間都無例外，所以索性先嚟半公升Sangria。我都係第一次飲依種葡式雞尾酒，本身小弟同太太都唔係好酒之人，可以飲，但唔多，而半公升大概倒到5-6杯（以每杯為半杯份量計），所以今晚都叫飲大咗，但因為隻酒係由紅酒再加啲蘋果、橙嘅果皮果肉，酒味少許濃，味道帶甜，易入口，真係唔錯唔錯，值得一試，所以清晒半公升Sangria無難度。
檸檬炒蜆 MOP95炒蜆堆滿一大碟，份量頗大無呃秤，雖然蜆隻唔算好大，但感覺蜆肉肥厚、鮮甜無霉無爛，無乜死蜆，食落亦唔覺有沙。以檸檬同炒，所以蜆肉帶有一朕檸檬清爽鮮香，我哋連汁都唔放過，以麵包醺嚟食！
葡式焗鴨飯 MOP128另一滿意嘅菜式，上枱時個賣相平平無奇，飯面就只有兩大塊煙肉、兩片葡式肉腸、蕃茜、黑橄欖而矣。但一滔起個鴨飯，真係禾稈冚珍珠，飯裡面鴨肉多到不得了，啖啖都有鴨肉絲，而且個飯又焗得夠香夠乾身，但又索咗啲鴨油香，確係意外咁好食。唔好睇佢好似細細缽，查實份量可不少。
整晚食物好好味，環境亦都一流，餐廳設於一幢舊樓之中，樓高三層都係餐廳。內裡裝修古雅，一室潔白，懷舊吊燈，加上昏黃燈光，實在幾有氣氛。美酒，佳餚，浪漫情調，為今日行程畫完整美句號。
Post
