Video
Read full review
2015-10-09
2958 views
第一次去澳門玩，充滿期待！仲專登plan左第一站就仆過黎依間「勝利茶餐室」，食佢最出名既「豬扒包」同「蝦多士」，由於是日天氣太熱太焗，一入到去就有陣陣冷氣，係舒服既！一坐就叫野食，點知冇「蝦多士」，最後就叫左個豬扒包，洋蔥牛肉麵再加多杯凍華田。坐左冇耐，華田同碗麵就好快到，唯獨是期待已久既「豬扒包」遲遲都唔見影，麵都食晒，華田都飲完，杯同碗都收走埋， 催單都催左三、四次！途中有幾個姐姐仲走過幾次黎眼望望我同我男朋友，以為我地食完野死霸佢地張台癡冷氣嘆咁，我仲要見到比我同我男朋友遲入黎既人都食緊豬扒包！！即刻都黎埋 ！！擺到明就係漏單！最後有個比較有責任心既姐姐見我地口黑面黑咁再一次催單，就好大聲同一個企係門口收銀、貌似係老闆既丫伯講：「喂！七號台個投訴啦個豬扒包仲未到！」個丫伯要竟然串串貢講：「投訴都冇用咖！有單先得咖！」哦！依家係咪要我做客既入廚房睇下有冇單丫？！咩服務態度呢？ 最終，用左我半個鐘，終於見到「豬扒包」出現。以為有幾好食啦？要等咁耐，仲要咁串！不知所謂！成個包冇樣野係有味，哦有既！塊豬扒有雪味！又乾！要成22蚊！我樓下一粥麵都好食過佢！最最最最最最最離譜既
仲專登plan左第一站就仆過黎依間「勝利茶餐室」，
食佢最出名既「豬扒包」同「蝦多士」，
由於是日天氣太熱太焗，一入到去就有陣陣冷氣，係舒服既！
一坐就叫野食，點知冇「蝦多士」，最後就叫左個豬扒包，洋蔥牛肉麵再加多杯凍華田。
坐左冇耐，華田同碗麵就好快到，
唯獨是期待已久既「豬扒包」遲遲都唔見影，
麵都食晒，華田都飲完，杯同碗都收走埋， 催單都催左三、四次！
途中有幾個姐姐仲走過幾次黎眼望望我同我男朋友，
以為我地食完野死霸佢地張台癡冷氣嘆咁，
我仲要見到比我同我男朋友遲入黎既人都食緊豬扒包！！
即刻都黎埋 ！！擺到明就係漏單！
最後有個比較有責任心既姐姐見我地口黑面黑咁再一次催單，
就好大聲同一個企係門口收銀、貌似係老闆既丫伯講：
「喂！七號台個投訴啦個豬扒包仲未到！」
個丫伯要竟然串串貢講：「投訴都冇用咖！有單先得咖！」
哦！依家係咪要我做客既入廚房睇下有冇單丫？！
咩服務態度呢？
最終，用左我半個鐘，終於見到「豬扒包」出現。
以為有幾好食啦？要等咁耐，仲要咁串！
不知所謂！成個包冇樣野係有味，哦有既！塊豬扒有雪味！又乾！
要成22蚊！我樓下一粥麵都好食過佢！
最最最最最最最離譜既係， 仲要收錯錢！
我同我男朋友竟然返到香港先知收多左一個豬扒包既錢！
我地叫左一杯凍華田（$17），一碗洋蔥牛肉麵（$29），一個豬扒包（$22）
果個丫伯收左我地$90！收多左$22！！！
我地又冇當面再計多次，靜係比左錢就即刻走！
頂！！！你話好食，比多少少錢都叫值得！！
但咁既質數！咁既服務態度完全唔值囉！！！
強烈建議大家要小心！！！
你可以當我係打手，但試完就會知！！
Other Info. :
我講既係事實！
(The above review is the personal opinion of a user which does not represent OpenRice's point of view.)
Post