和陽小日

Open Now

Now Closed

慢煮牛肉飯+青瓜乳酪醬有9-10塊慢煮牛，每塊都係粉紅色好靚～牛肉好嫩，一d都唔會韌，配上青瓜醬好開胃，但個醬有d濃，所以我覺得落少少就可以了。除此之外，我最欣賞嘅就係佢嘅配菜，因為每一次都會唔同，而每一次都係好好食～今次就係味噌芋頭，佢嘅鹹味做得啱啱好，送飯一流！素飯呢個啱晒食得太多肉想食清d嘅朋友，因為個飯唔會好似食草咁，咁乾硬無味，有好多蔬菜例如蘆筍，冬菇，紅菜頭，紅蘿蔔，有時有蓮藕，應該係次次都會用不同嘅新鮮蔬菜去整。而個飯上面有大塊紫菜，飯唔係齋白飯係有味飯，所以食晒一盒絕對唔難～三文魚飯一d都唔會覺得好油都腥，食落少少鹹味似味噌嘅味道，飯上同樣有塊大紫菜，正！親子雞丼近日好似已經無得賣...一打開個盒就有香噴噴嘅香草味，但香草份量實在太多，有d喧賓奪主。