Video
Read full review
2017-06-26
765 views
帶三隻馬騮澳門玩水之旅臨返香港前返到銀河綜合渡假城食晚餐，因為星期六，都幾多遊客，去到呢間餐廳，要在門口等5分鐘可以入場，入內唔大地方，淺木紅色主調，坐餐廳靠牆位，入座前門口肥店員好親切，幫我哋呢下菜色，入座即刻入單台式香腸（$58）切片香腸，有啲臘腸嘅感覺，煙韌口感，腸衣唔韌，比埋蔥絲同蒜片夾埋食，好香口！幾特別！蒜泥白肉卷（$58）擺盤幾靚豬肉片卷起唔嚡，啲醬汁幾杰身微辣！鹹香好味台式炸豆腐（$58）豆腐嫩滑，外脆內軟，點少少杰身醬油，好似川醬咁！不過醬油味道過鹹！醃青瓜爽脆！咸蛋四季豆（$65）豆切碎，加鹹蛋碎炒，豆有水份唔乾，鹹蛋鹹香！好味！三杯雞（$92）鍋仔上，氣味好香，醬油鹹香，雞肉好嫩滑！加上九層塔葉嘅特別香味！好味！北方水餃（$68）十隻餃子，皮彈牙，豬肉餡有肉汁！醬汁有3款，辣油香，黑醋酸酸地濃香，豉油鹹香！台式炒飯（$72）炒得好似醬油好濃，但食落好淡口！飯鬆軟，配料簡單好味！爭啲味！食物好味，擺盤又靚，門口肥店員好親切，但其他人比較參差，其中一位後生嘅女店員態度唔係幾好，話說我哋都怕趕唔切9點船，當時7點半只爭炒飯未到，就請佢幫我哋追，佢由廚房出來，就同我哋講廚
臨返香港前返到銀河綜合渡假城食晚餐，因為星期六，都幾多遊客，去到呢間餐廳，要在門口等5分鐘可以入場，
入內唔大地方，淺木紅色主調，坐餐廳靠牆位，入座前門口肥店員好親切，幫我哋呢下菜色，入座即刻入單
37 views
0 likes
0 comments
台式香腸（$58）切片香腸，有啲臘腸嘅感覺，煙韌口感，腸衣唔韌，比埋蔥絲同蒜片夾埋食，好香口！幾特別！
34 views
0 likes
0 comments
蒜泥白肉卷（$58）擺盤幾靚豬肉片卷起唔嚡，啲醬汁幾杰身微辣！鹹香好味
40 views
0 likes
0 comments
台式炸豆腐（$58）豆腐嫩滑，外脆內軟，點少少杰身醬油，好似川醬咁！不過醬油味道過鹹！醃青瓜爽脆！
41 views
0 likes
0 comments
咸蛋四季豆（$65）豆切碎，加鹹蛋碎炒，豆有水份唔乾，鹹蛋鹹香！好味！
31 views
0 likes
0 comments
三杯雞（$92）鍋仔上，氣味好香，醬油鹹香，雞肉好嫩滑！加上九層塔葉嘅特別香味！好味！
32 views
0 likes
0 comments
北方水餃（$68）十隻餃子，皮彈牙，豬肉餡有肉汁！醬汁有3款，辣油香，黑醋酸酸地濃香，豉油鹹香！
27 views
0 likes
0 comments
台式炒飯（$72）炒得好似醬油好濃，但食落好淡口！飯鬆軟，配料簡單好味！爭啲味！
食物好味，擺盤又靚，門口肥店員好親切，但其他人比較參差，其中一位後生嘅女店員態度唔係幾好，話說我哋都怕趕唔切9點船，當時7點半只爭炒飯未到，就請佢幫我哋追，佢由廚房出來，就同我哋講廚房剛預備炒，未落鑊炒嘅，要不要截單？咁我哋話如果即炒嘅就要喇，即刻攞比我哋，嗰位店員即刻好大反應，反晒眼話唔可以「即刻」攞比我哋，家姐見佢態度咁樣，堅持要佢入廚房講照炒，佢喵晒咀行開，炒飯好快到！我哋相信佢唸死我哋會截單，無唸到我哋會超出佢預算，要佢行多轉，所有反應寫晒上面！死得！你做服務業幾唔願都唔好表現出來！斟茶次次都要舉手叫人！其實個場真係唔大，服務員比例算多，但佢地唔夠主動！叫到就做！
環境同食物都幾好，但服務要改善
Post
