Video
Read full review
2011-03-07
87 views
5-3-2011上次過澳門已想試呢度, 但佢星期日係唔開門的, 今次索性一落船就連酒店都唔 check-in 住, 先過嚟食個 lunch.本來想飲熱奶茶, 但見阿姐話「我哋 d 紅豆冰好出名0架」, 又轉軚叫杯試試: 見 d 冰原來唔係碎冰, 心涼了一截, 不過紅豆煲得腍身起沙, 夠香又甜度適宜, 加埋淡奶, 都 ok 的.朋友就飲熱奶茶, 色水好「茶」, 飲落茶味突出, 唔澀, 味道有點單調, 還是香港的茶檔貨色好. 主食叫了牛尾通: 湯底濃稠, 味道的「茄」味比牛尾的鹹鹹濃濃更重, 就咁飲我覺得鹹了 d, 配 Q 質坑紋通粉較好; 其他配料有大量細細粒紅蘿蔔及牛尾(連骨 ), 叫做增添咬口吧. 整體都不錯, 不過我還是較喜歡官也街附近嗰間冰室的同類出品 (http://www.openrice.com/restaurant/commentdetail.htm?commentid=2039328), 人哋個「住家」feel 湯底真係討好得多.試了少少朋友的豬扒包: 豬仔包烘得鬆脆, 連骨豬扒幾軟熟, 我覺得醃得鹹咗 d, 不過整體而言仍然比某人氣大排檔的 (http://w
5-3-2011上次過澳門已想試呢度, 但佢星期日係唔開門的, 今次索性一落船就連酒店都唔 check-in 住, 先過嚟食個 lunch.
本來想飲熱奶茶, 但見阿姐話「我哋 d 紅豆冰好出名0架」, 又轉軚叫杯試試: 見 d 冰原來唔係碎冰, 心涼了一截, 不過紅豆煲得腍身起沙, 夠香又甜度適宜, 加埋淡奶, 都 ok 的.
朋友就飲熱奶茶, 色水好「茶」, 飲落茶味突出, 唔澀, 味道有點單調, 還是香港的茶檔貨色好.
主食叫了牛尾通: 湯底濃稠, 味道的「茄」味比牛尾的鹹鹹濃濃更重, 就咁飲我覺得鹹了 d, 配 Q 質坑紋通粉較好; 其他配料有大量細細粒紅蘿蔔及牛尾(連骨 ), 叫做增添咬口吧. 整體都不錯, 不過我還是較喜歡官也街附近嗰間冰室的同類出品 (http://www.openrice.com/restaurant/commentdetail.htm?commentid=2039328), 人哋個「住家」feel 湯底真係討好得多.
試了少少朋友的豬扒包: 豬仔包烘得鬆脆, 連骨豬扒幾軟熟, 我覺得醃得鹹咗 d, 不過整體而言仍然比某人氣大排檔的 (http://www.openrice.com/restaurant/commentdetail.htm?commentid=1977285) 好, 一試無妨的.
坐了樓上, 環境 up dup 迫夾都預咗了, 不過阿姐們有禮貌又友善, 招呼不錯的.
埋單每人約 $25, 雖然牛尾通比預期差少少, 不過都可以一試的. 有機會再嚟食咖喱角 / 飛碟吧.
Post
