木偶葡國餐廳

Open Now

Now Closed

住氹仔這邊嘅酒店，當然要黎氹仔舊城食下嘢，記得10年前黎過這間鋪，味道都唔錯，於是就去食下佢嘅葡國菜。我地4個人order左個4人餐，價錢$998，未計加一。先黎，餐湯加麵包，味道普通，跟出面餐廳差不多。跟住就係黎餐酒，可揀紅酒或白酒，應該都係超市貨，都係一般。到主菜，就當然有馬介休，同葡國豬排，仲有沙律菜，仲有個炒飯。馬介休冇當年嘅味道，而且豬排上枱果陣都唔太熱，炒飯就好普通。總結係，可能這間餐廳已經換左廚師，冇10年前果種葡國味道，如果這個價錢的話，可以去其他食好些。感覺有點失望，同行嘅朋友都有這個感覺。如果大家唔信嘅話，可以黎試下，係咪冇10年前咁好味。我好少俾這個評語，可惜今次真係sorry 。風景依然，味道不再，有點感慨。