Video
Read full review
2009-01-29
25 views
一早就係一個月之前已經預訂左葡京酒店裡面的法國餐廳，佢名頭絕對唔少，係米芝連係澳門唯一的三星餐廳 未夠十二點已經去到餐廳，環境非常高檔，好有法國餐廳的feel 打開餐牌，發現有三種set lunch 可以選擇，分別係368 三道菜，448 四道菜 同558 五道菜 (連兩道主菜)，因為帶同兩位老人家，所以只係點左三道菜，反正都可以大家分黎食，結果發現決定無錯 先黎一籃面包，裡面有好多不同種類，好新鮮，重係熱的，由於品種太多，都唔知邊樣打邊樣，不過覺得軟的面包比硬的好食。後來先知原來你問waiter可以再要你喜歡食的面包，絕對唔會額外收你錢。之後送上一小杯佢解釋得好詳細但係我都知係咩黎 一試之下才知是用鵝肝打成液體狀，用黎點面包非常惹味架 再黎兩份頭盤一個湯，頭盤係飽魚菇鵝肝同白松露菌肉碎焗面包，飽魚菇沒什麼味道但鵝肝味就好濃，份量非常多，三個人分都夠。但係果個焗面包就唔係好覺有白松露菌可能係自已唔識分，因為第一次食哩種高檔野 ，只係食到好濃芝士味。湯係crab 肉湯，好濃好好味，賣相重非常特別，好有fusion 菜的feel。主菜方面選左羊仔肉，好嫩，沒有so味；重有芝士海鮮意粉，係似
未夠十二點已經去到餐廳，環境非常高檔，好有法國餐廳的feel
打開餐牌，發現有三種set lunch 可以選擇，分別係368 三道菜，448 四道菜 同558 五道菜 (連兩道主菜)，因為帶同兩位老人家，所以只係點左三道菜，反正都可以大家分黎食，結果發現決定無錯
先黎一籃面包，裡面有好多不同種類，好新鮮，重係熱的，由於品種太多，都唔知邊樣打邊樣，不過覺得軟的面包比硬的好食。後來先知原來你問waiter可以再要你喜歡食的面包，絕對唔會額外收你錢。之後送上一小杯佢解釋得好詳細但係我都知係咩黎 一試之下才知是用鵝肝打成液體狀，用黎點面包非常惹味架
再黎兩份頭盤一個湯，頭盤係飽魚菇鵝肝同白松露菌肉碎焗面包，飽魚菇沒什麼味道但鵝肝味就好濃，份量非常多，三個人分都夠。但係果個焗面包就唔係好覺有白松露菌可能係自已唔識分，因為第一次食哩種高檔野 ，只係食到好濃芝士味。湯係crab 肉湯，好濃好好味，賣相重非常特別，好有fusion 菜的feel。
主菜方面選左羊仔肉，好嫩，沒有so味；重有芝士海鮮意粉，係似田螺一樣的意粉，裡面好似包住一些魚子和三文魚碎；同埋上湯銀雪魚，魚煮得好嫩，但係味道略淡，，始終覺得銀雪魚煎香最好食。不得不提跟主菜另外上的薯蓉，每人只有一點點，但係就令人一試難忘，係好似雪榚一樣咁軟滑，入口即溶，以為係食緊牛油一樣
之後待應推著甜品車出來，裡面有好多選擇，每人可以選三樣，總共可以選九樣，結果選左三款自家製的雪榚，拿破倫蛋糕，蛋白球，同埋朱古力慕絲，最好食係拿破倫蛋糕，又香又脆又好食，而且唔係好甜，其次係朱古力慕絲，又滑又重朱古力味，不過其餘兩樣就比較失色。
最後重送上餐茶及咖啡，完美的終結。
總體上來說，以佢的環境，服務及食品質素，對比於它收的價錢，我會俾四粒星(五星滿分)。不過如果係晚上幫襯，就要俾多三倍價錢啦
Post
