Video
Read full review
2017-11-06
3333 views
好耐冇嚟過澳門食好嘢！今次經過細心挑選之後，揀咗呢間悅榕莊食buffet ！一入去見到環境裝修得好靚，當然亦都坐得好舒服啦。耳邊傳來陣陣嘅泰國音樂，我仲見到有個姐姐play live music 添，match 今次自助餐嘅泰式主題。野食其實唔算好多，起碼冇當年食嘅自助山咁豐盛，不過雖然如此，食物質素亦都唔錯甜品我食得最多嘅係芒果糯米糍，芒果肉夠甜一d都唔酸，糯米糍皮夠糯米香味，亦係我眼見最多人食嘅甜品，我見侍應哥哥添置嘅速度都好快，值得一讚其他甜品我淨係食左朱古力brownie,味道一般，生果盤都幾甜，好ok！熟食，相就影左，但冇食到，因為俾海鮮吸引住了我地可以揀蒸，烤，炸同炒以下嘅肉類同海鮮，只要自己揀啱放上碟再係碟邊夾住代表蒸炸炸炒相應顏色嘅夾仔就得！我都唔係全部試哂，只係試左部分啫，其中雞中翼味道ok，但略嫌唔夠入味，雞皮就冇問題，但雞肉就冇乜味⋯⋯仲有蝦，軟殼蟹，大頭蝦，魷魚，鱈魚⋯⋯軟殼蟹食左炸嘅，好好味(第一次見到生嘅軟殼蟹😂)，大頭蝦肉質有少少梅⋯⋯試左蒸扇貝，當然係蒜蓉蒸啦都幾嫩下，唔靭。仲有大家都期待嘅龍蝦！！當然係任食的！當日龍蝦嘅消耗速度of course 係最
一入去見到環境裝修得好靚，當然亦都坐得好舒服啦。耳邊傳來陣陣嘅泰國音樂，我仲見到有個姐姐play live music 添，match 今次自助餐嘅泰式主題。
野食其實唔算好多，起碼冇當年食嘅自助山咁豐盛，不過雖然如此，食物質素亦都唔錯
甜品我食得最多嘅係芒果糯米糍，芒果肉夠甜一d都唔酸，糯米糍皮夠糯米香味，亦係我眼見最多人食嘅甜品，我見侍應哥哥添置嘅速度都好快，值得一讚其他甜品我淨係食左朱古力brownie,味道一般，生果盤都幾甜，好ok！
熟食，相就影左，但冇食到，因為俾海鮮吸引住了
我地可以揀蒸，烤，炸同炒以下嘅肉類同海鮮，只要自己揀啱放上碟再係碟邊夾住代表蒸炸炸炒相應顏色嘅夾仔就得！
我都唔係全部試哂，只係試左部分啫，其中雞中翼味道ok，但略嫌唔夠入味，雞皮就冇問題，但雞肉就冇乜味⋯⋯
仲有蝦，軟殼蟹，大頭蝦，魷魚，鱈魚⋯⋯軟殼蟹食左炸嘅，好好味(第一次見到生嘅軟殼蟹😂)，大頭蝦肉質有少少梅⋯⋯
試左蒸扇貝，當然係蒜蓉蒸啦都幾嫩下，唔靭。
仲有大家都期待嘅龍蝦！！當然係任食的！當日龍蝦嘅消耗速度of course 係最快啦，大家唔洗爭，侍應refill 得好快，有源源不絕嘅龍蝦供大家挑選(o^^o)
蒸，炒龍蝦都有試到炒佢係用泰式甜酸汁去炒，個人唔太鍾意，食左幾啖就冇繼續食。蒸龍蝦味道好香，不過我揀嗰兩隻龍蝦肉質就有少少梅，唔知係咪太新鮮呢？定係純屬不幸？但係我朋友嗰隻係正常架喎，嗚嗚⋯⋯
仲有三文魚刺身同生蠔，生蠔平時唔太鍾意食，不過都試咗一隻，加左檸檬汁都係好腥，所以放棄左。
同場加映，仲有泰式奶茶同埋龍眼汁～泰式奶茶都幾好飲，好奶好香滑，龍眼汁就好特別，係出面未飲過，真係有好清甜嘅龍眼味，我一個人都ko左三四支。
Post
