木偶葡國餐廳

Open Now

Now Closed

回顧返上兩個星期，小妹同朋友一齊去澳門一日遊，朋友仔請食晚飯，本身想去 婆仔屋 但因為無訂位又趕船，就去返最熟悉嘅官也街嘅其中一間餐廳—木偶葡國餐廳🎪.🐖葡式燒乳豬 嚟到澳門點可以唔試吓個葡式燒乳豬呢？雖然佢份量唔多，但係絕對夠食，外皮燒得香脆可口，肥肉比例都唔錯，不過味道就比較鹹少少🤏.🍅蕃茄焗豬扒飯冇錯，我喺澳門食焗豬扒飯，但係唔好睇小呢一個焗豬扒飯，我覺得係好好食🤩😱好食過香港茶餐廳以及快餐店😍 蕃茄汁混入咗葡式嘅口味，比較香濃，豬扒亦都唔會好難咬開，個飯底仲要係炒飯底，識食之人一定知道焗豬扒飯最重要就係個炒飯底😎，呢一個真係冇得彈，上枱嘅時候仲要係熱辣辣😍好好味.🍗非洲雞其實非洲雞即係用香料包住隻雞去烤，如果食唔到辣嘅話，可能未必食到，佢咁啱俾咗雞髀同埋雞翼我哋，我唔知道係咪每一碟都係雞髀同雞翼，但係啖啖肉加啖啖香料十分之野味，不過未必每個人都鍾意食咁濃香料同辣既餸，所以我都見比較少人叫，但係整體嚟講都比較有特色，同埋都係野味嘅餸菜.📝整體嚟講，座位寬闊坐得闊落，如果有老人家或者行動不便人士絕對冇問題，呢一度適合一家大細嚟食飯或者同朋友慶祝生日，但係味道偏濃，淡味人士唔係咁適合