星滙餐廳

Open Now

Now Closed

話說復活節假期黎到澳門，住新濠影匯，朋友叫申請會員咭免費又有抽獎，結果抽到星匯餐廳自助餐買一送一，勁開心上去即刻訂枱，點知今晚又滿，聽晚又滿，但張劵係聽日到期，再多口問午餐早餐....都滿！心諗即係冇送過一樣！講下講下店員遲遲先肯講原來有waiting list，但要6點先可以黎登記，心諗早午晚都滿晒，waiting list又點會有呀？結果6點醒來....就走去博一博！先登記，後響梳化坐陣，已經有大約4組人響梳化等緊，我地等左陣見勢色都可觀，見店員keep住都叫梳化既人入餐廳，我地只係等左10分鐘左右就有位，簡直額外驚喜完全冇諗過食得到坐低左隨即侍應就問我地有冇優惠劵或會員咭，原來會員咭都有買一送一，即係張劵係多餘的。入座時6點半.....望見周圍都冇乜人，可能早掛。不過事實佢應該係有部分預訂座有部分預walk in所以佢話滿晒，所以如果想食千祈唔好信佢冇晒位，6點左右黎登記我相信絕對好大機會食到。開始獵食......個人覺得款式都幾好，海鮮類(生蠔、蟹腳、螺、蝦、蜆、麵包蟹)辣野咖哩、泰國野意大利餐中式(臘味、點心)，粉麵，日本餐(壽司、冷麵、刺身，八爪魚小食)，個人覺得吞拿魚刺身