新麻蒲 BBQ

Open Now

Now Closed

難得一次黎到澳門, 除左要試下手氣之外，當然要好下好野啦。呢間韓燒店係香港都食過一次，見到澳門呢度都新開左一間，就同朋友去食餐好!餐牌上嘅選擇都幾多，我地主要叫左個Beef Combo，同埋一啲小食之後，就先食左各款韓式前菜。泡菜和酸白菜漬物都係自己醃製，泡菜味道沒有坊間嘅酸同埋味精重，辛口爽脆開胃；而醃白菜嘅味道仲可以有消膩醒胃之效。係等緊泡菜爐邊蛋嘅時候，大家都叫左幾款有特色嘅韓式飲品，梅子酒、梨子汁味道都幾好飲，配合各款燒肉都非常合適。大家都期待嘅beef combo套餐，有牛護心肉，薄牛腩，牛小排，牛小排壽司，仲有蝦，菠蘿，菇，大醬湯送牛小排壽司。牛小排壽司上枱果時仲係生牛肉，服務員會係我地面前用火槍燒d肉，視覺效果一流，加上少少燒汁，非常好食。護心肉嘅油脂分佈比例十分均匀，牛味香濃，肉汁豐富，燒大概一分鐘左右就食得，非常嫩滑鬆軟。薄牛腩十分香滑而薄薄地一塊, 唔覺得油膩同樣食到牛香味。而菠蘿都超級爽甜，可以清一清口腔之餘仲可解油膩感，非常貼心嘅餐單設計。而海蝦大大隻，鮮味十足，而且蝦身夠彈牙，選料相當唔錯!最後有額外叫嘅肉眼排，色澤粉嫩，燒係嘅時候食得出好有咬口而且肉味濃郁。