Video
Read full review
2020-09-16
2446 views
話說想食片皮鴨好耐，早幾日睇到君悅酒店再推出呢個套餐，即刻book位試試，套餐優惠做到九月尾，記得無論要食套餐或單點烤鴨，訂位時記得要講，因為大約要30分鐘左右準備，否則可能有機會食唔到架。.是日餐點：特定禮遇烤鴨套餐 (晚餐 $338/位*)(兩位起)茶位 ($15/位)GR E. GUIGAL ($90/杯）.🍷 特定禮遇烤鴨套餐老式果木烤鴨 (每兩位半隻)兩碗燉湯開胃菜 (兩款: 杏片豆仁木耳 乾蔥油好味雞)飯 麵食 手工餃子 (一款: 四川擔擔細麵)主菜 (兩款: 爆炒孜然牛肉 京蔥醬爆牛柳)蔬菜 (一款: 乾辣椒炒土豆絲)精選甜品.套餐每兩位有半隻烤鴨，兩碗燉湯，之後係餐牌上自選兩款開胃菜、一款主糧、兩款主菜以及一款蔬菜，最後有一人一道指定甜品。先上燉湯同開胃菜，隨後準時係入座後15分鐘左右烤鴨出爐，大廚會現場即切，每一個部位服務員會教點食最好，鴨皮要蘸白糖，鴨胸同鴨腿肉要點甜醬，當然可以用薄面皮包著食，裡面可以配蔥絲、黃瓜條或蒜蓉。主菜麵食蔬菜差不多時間上菜，最後飯後甜品時間。話曬酒店餐廳水準，值得讚上菜先後次序👍。.新鮮出爐鴨皮非常鬆脆，第一二塊時有驚艷到，滿嘴都充滿油
.
是日餐點：
特定禮遇烤鴨套餐 (晚餐 $338/位*)(兩位起)
茶位 ($15/位)
GR E. GUIGAL ($90/杯）
.
🍷 特定禮遇烤鴨套餐
老式果木烤鴨 (每兩位半隻)
兩碗燉湯
開胃菜 (兩款: 杏片豆仁木耳 乾蔥油好味雞)
飯 麵食 手工餃子 (一款: 四川擔擔細麵)
主菜 (兩款: 爆炒孜然牛肉 京蔥醬爆牛柳)
蔬菜 (一款: 乾辣椒炒土豆絲)
精選甜品
.
套餐每兩位有半隻烤鴨，兩碗燉湯，之後係餐牌上自選兩款開胃菜、一款主糧、兩款主菜以及一款蔬菜，最後有一人一道指定甜品。先上燉湯同開胃菜，隨後準時係入座後15分鐘左右烤鴨出爐，大廚會現場即切，每一個部位服務員會教點食最好，鴨皮要蘸白糖，鴨胸同鴨腿肉要點甜醬，當然可以用薄面皮包著食，裡面可以配蔥絲、黃瓜條或蒜蓉。主菜麵食蔬菜差不多時間上菜，最後飯後甜品時間。話曬酒店餐廳水準，值得讚上菜先後次序👍。
.
新鮮出爐鴨皮非常鬆脆，第一二塊時有驚艷到，滿嘴都充滿油香，但慢慢開始變得油膩，至於鴨肉部分連配料包埋面皮食，同記憶中味道差不多，鴨肉唔會乾身唔會過老，不過試過一次就好。
.
開胃菜係一般涼拌味道，四川擔擔麵麵質比較軟身，味道偏淡微辣，兩道主菜牛柳同羊肉夠淋又香口，炒土豆絲爽口偏酸，略嫌無咩辣味。
.
最後來講講飲品同甜品，食中菜一定要叫番壺茶，儀式感好重要，其次清新下個口腔。另外睇餐牌時推薦紅酒配烤鴨，不爭氣的我食到一半只想大口大口咁灌啤酒😅。最後用一件我稱佢為紅豆芝士蛋糕作為飯後甜品，意外地呢款中西款結合甜品好食，算係畫上完美句號。總括來說服務環境很好，餐點正常，烤鴨一般，甜品不錯，趁有優惠可以來試一下。
_
⭐️ 需加一服務費
⭐️ 不可用信用卡或其他折扣，可用Mpay結帳*
Post
