內港餐廳 (Closed)

見到咁多好評，臨出發之前已訂左晚餐一定要黎呢度食。是晚餐廳坐左七成左右，環境好舒適，以為有個好開始⋯ 叫左：1）蒜汁炒蜆 ($85)：份量幾足，蜆肉乾淨無沙，可惜超級靭，好似咬緊香口膠咁⋯ 白酒味亦太重，個汁本來可以用黎點麵包，但我地最後無點到⋯2）紅酒燴牛尾 ($108)：我覺得⋯ 自己整仲好食過佢⋯ 牛尾份量唔多，薯仔同紅蘿蔔最多，可惜唔多入味⋯ 我地明白牛尾本身唔多肉，但呢度真係⋯ 以骨取勝⋯ 3）葡式焗海鮮飯 ($128)：幾好，放面𠴱幾隻蝦好新鮮，其他料夠多，但切到好碎，照道理咁多海鮮個飯應該好鮮甜，但又無咁既感覺⋯ 淡茂茂咁囉⋯當我食完個麵包，個侍應已急不及待幫我收碟，仲將跌左落枱既麵包碎，用我用緊既紙巾撥晒落我身度！ 我真係眼都突埋！一係就食到成隻碟都係蜆殼都無人理，叫佢換碟就唔多耐煩咁話得喇得喇⋯ 連飲品同加一，差唔多$200一個人，咁既價錢，喺澳門大把選擇！一句講晒：又唔係平，食物又一般，服務又唔得，無下次！