壹燕糖甜品

Open Now

Now Closed

2016聖誕節澳門之旅食完晚餐大家都想食甜品，特登在附近搵呢間評語幾好嘅甜品店，在一條出名嘅福隆新街頭，入內座位多，光猛乾淨，我哋要分開兩張枱坐！甜點款式幾多，落單後熱糖水要等待！凍嘅就快啲！糖不甩（$25）啲丸子雖然煙韌，但都未fling乾水，啲水糊咗啲花生椰絲，差！芝麻糊小丸子($32)芝麻糊又杰又甜，係甜到漿口嗰種甜，乜嘢其他味都食唔到，又無芝麻香，丸子煙韌但都比啲芝麻糊攪到唔好味！青檸柚子梳打（$30）家姐飲！紅豆沙湯丸（$32）表妹夫點嘅，水汪汪的，連紅豆都無，只係淡茂茂嘅紅豆水，好明顯唔夠賣夾硬開浠頂數，佢話未食過咁差嘅糖水！杏仁糊（$25）細姨食，佢話太甜羅漢果菊花茶（$20）凍嘅，表妹飲芒果腸粉（$25）表妹食樽仔椰子奶凍（$25）姨甥食，好味到再encore楊枝甘露紫米露（$42）肥髀食，佢話好味！好失望所有熱食都唔好味，凍嘅家姐表妹佢哋話好味！咁樣不如唔好賣熱甜品喇！價錢唔抵食！店員勤快正常！好失望嘅芝麻糊！