鐵餅號

Open Now

Now Closed

首先講下麻薯本身，麻薯真係好正。煙煙韌韌。加係大部分甜品都好正。經過non standardised RCT，證明呢個理論係岩！作為最後一日嘅晚餐，我同友人叫咗芝士雞蛋仔加麻薯。本身覺得芝士同麻薯有d格格不入，因為見通常都配朱古力、綠茶味。估唔到芝士同麻薯都好夾，雞蛋仔滿有芝士咸香，再配以麻薯，不錯。但一大缺點係雞蛋仔太淋！雞蛋仔係即叫即製，製作完後就真接放落袋，冇吹涼一陣先。即使我地點樣等雞蛋仔涼d，係袋到雞蛋仔嘅熱力都冇法散，最後變到好淋。如果脆返d，相信好味好多（會有5粒星星），不竟雞蛋仔嘅秘訣係外脆內軟。由於太口渴，都買咗一支自家製嘅山楂蘋果茶。味道清新，勾起細個食山楂餅嘅味道。最後，講下位置，雖然係有dd難搵，但如果真係好鍾意煙韌口感，都不妨可以嚟朝聖，因為好多產品都可以加麻薯，例如飛碟。從大三巴行過嚟都唔耐。