Video
Read full review
2017-03-07
914 views
點解會鐘意hello kitty？我懷疑只係因為當時冇乜卡通，記憶中有史路比、Keroppi，大人們理所當然覺得女仔應該鐘意hello kitty，結果我所有文具、公仔、髮飾都係貓。到大個左又覺得冇乜卡通特別吸引，又可能情意結，有時買野都會買番kitty公仔。每次黎澳門都有黎一黎呢間kitty店，未必次次幫襯，但次次都有影相，明明裝潢冇變過。男朋友見到而家有乳酪食，所以同我黎試下~乳酪分兩種size：大+有配料$48、小+朱古力/草莓醬$38而且咁啱做緊優惠，購買任何產品，乳酪減十蚊。剛始見到佢地嘅曲奇正正賣$10，所以結論係買乳酪就免費得到一塊曲奇嘅意思。細嘅只有醬，我當然係揀大杯裝。分別有4款造型，乳酪味道一樣，就係配料唔同~Strawberry Kiss $48面頭一塊草莓曲奇、草莓醬，中間有少許草莓肉、草莓爆珠、草莓朱古力片。賣相幾靚，而且幾墜手，乳酪份量不少。草莓曲奇香脆，但莓味唔強烈，呢塊比單售10蚊塊嘅細一點。乳酪質地比較似雪糕，加上草莓醬，十足快餐店嘅士多啤梨新地~溶得十級快，食嘅速度追唔上溶嘅速度。中間嘅草莓肉size都幾大粒，但酸到完全唔想食…草莓爆珠加強口感，奈何
到大個左又覺得冇乜卡通特別吸引，又可能情意結，有時買野都會買番kitty公仔。
每次黎澳門都有黎一黎呢間kitty店，未必次次幫襯，但次次都有影相，明明裝潢冇變過。
男朋友見到而家有乳酪食，所以同我黎試下~
乳酪分兩種size：大+有配料$48、小+朱古力/草莓醬$38
而且咁啱做緊優惠，購買任何產品，乳酪減十蚊。
剛始見到佢地嘅曲奇正正賣$10，所以結論係買乳酪就免費得到一塊曲奇嘅意思。
細嘅只有醬，我當然係揀大杯裝。分別有4款造型，乳酪味道一樣，就係配料唔同~
Strawberry Kiss $48面頭一塊草莓曲奇、草莓醬，中間有少許草莓肉、草莓爆珠、草莓朱古力片。
Strawberry Kis
$48
45 views
0 likes
0 comments
草莓曲奇香脆，但莓味唔強烈，呢塊比單售10蚊塊嘅細一點。
乳酪質地比較似雪糕，加上草莓醬，十足快餐店嘅士多啤梨新地~溶得十級快，食嘅速度追唔上溶嘅速度。
中間嘅草莓肉size都幾大粒，但酸到完全唔想食…
草莓爆珠加強口感，奈何又覺得咬開太甜…
又太酸又太甜…味蕾受唔住刺激，送左俾男朋友食。
Strawberry Kis
$48
26 views
0 likes
0 comments
我估係我揀嘅味道出事…另外三款嘅配料相信冇咁伏！
列出參考一下：
rainbow bridge：牛油曲奇、原味麻糬、曲奇碎、杏仁脆粒、白朱古力片
tokyo lover：綠茶曲奇、白朱古力片、燕麥脆片、紅豆、綠茶麻糬
chocolate dream：朱古力曲奇、朱古力片、朱古力醬、可可脆米
綠茶曲奇 (原價$10，買一塊乳酪減10蚊）
好淡淡嘅綠茶味，曲奇擺到第二日食，都仲係脆，反正係免費。
如果要我俾十蚊塊唔會買。
除非有朋友好鐘意買黎做手信。
綠茶曲奇
$10
28 views
0 likes
0 comments
Post
