Hello Kitty Obrigado (Closed)

點解會鐘意hello kitty？我懷疑只係因為當時冇乜卡通，記憶中有史路比、Keroppi，大人們理所當然覺得女仔應該鐘意hello kitty，結果我所有文具、公仔、髮飾都係貓。到大個左又覺得冇乜卡通特別吸引，又可能情意結，有時買野都會買番kitty公仔。每次黎澳門都有黎一黎呢間kitty店，未必次次幫襯，但次次都有影相，明明裝潢冇變過。男朋友見到而家有乳酪食，所以同我黎試下~乳酪分兩種size：大+有配料$48、小+朱古力/草莓醬$38而且咁啱做緊優惠，購買任何產品，乳酪減十蚊。剛始見到佢地嘅曲奇正正賣$10，所以結論係買乳酪就免費得到一塊曲奇嘅意思。細嘅只有醬，我當然係揀大杯裝。分別有4款造型，乳酪味道一樣，就係配料唔同~Strawberry Kiss $48面頭一塊草莓曲奇、草莓醬，中間有少許草莓肉、草莓爆珠、草莓朱古力片。賣相幾靚，而且幾墜手，乳酪份量不少。草莓曲奇香脆，但莓味唔強烈，呢塊比單售10蚊塊嘅細一點。乳酪質地比較似雪糕，加上草莓醬，十足快餐店嘅士多啤梨新地~溶得十級快，食嘅速度追唔上溶嘅速度。中間嘅草莓肉size都幾大粒，但酸到完全唔想食…草莓爆珠加強口感，奈何

繼續世界阻止唔到Hello Kitty入侵系列，Hello Kitty已經撘埋船過大海喺Hello Kitty Obrigado做咗葡國少女？今次嚟到位在香港人實識去嘅澳門議事亭前地(新馬路噴水池)，就喺麥當勞旁邊嘅巷仔轉入去半條街就到了．Hello Kitty Obrigado當中「Obrigado」其實葡文「Thank you！」店內裝潢澳葡風十足，英倫少女都換咗葡萄牙民族背心裙，牆上面仲有葡國特色手繪磁磚畫，你睇吓隻葡國公雞就知～唔係葡國雞呀！就連澳門嘅景點指示牌都一模一樣，加埋周圍都係Hello Kitty同招牌蝴蝶結，一到澳門就去咗潮聖啦！店內有一系列澳門手信，款款都有Hello Kitty嘅造型架～最夠特色當然係葡撻同杏仁餅，仲有Hello Kitty造型豬肉乾，一睇就知佢叫阿豬貓！XD隔離仲有好多款馬卡龍，有綠茶、焦糖、檸檬、伯爵茶等等．特點係上面印咗唔同嘅澳門特色圖案，好似係賽車、賭場 仲有大三巴、觀音像、媽閣廟景緻真優美架！除咗手信之外 呢度仲有冷熱飲品同乳酪雪糕，價格都無因為隻Hello Kitty而貴咗，我就買咗杯朱古力曲奇乳酪雪糕，不過店家係無座位嘅 所以我到門

復活節又過澳門吃喝玩樂，邊走邊吃，無意中係議事亭廣場附近發現新大陸 ~《Hello Kitty Obrigado》雖則我唔係吉蒂貓迷，但見到好几個女孩子，又食又影 ，潛在嘅港女本色，又蠢蠢欲動 ……埋去湊湊熱鬧先 , 都几多吉蒂貓造型嘅嘢食賣，有曲奇、杏仁餅、馬卡龍、葡撻……等等，仲有我至愛嘅乳酪雪糕啊 一於買番杯乳酪雪糕跟吉蒂貓留倩影 ……嘻嘻 ！估唔到吸引埋男生，豬仔話佢都要試試 ……呢杯乳酪呢！一買兩杯，嚟到我呢杯，剛好賣斷市 ，老板唯有退回一杯錢，二人sweet sweet 分享喇！吉蒂貓乳酪雪糕 : 賣相可愛靚仔 ,  有大大塊朱古力吉蒂貓造型曲奇餅，口感脆口，但略嫌欠缺些少鬆化！用咗北海道3.6牛乳，乳酪帶點酸甜，輕盈可口，牛奶雪糕又濃又幼滑，中間嗰層有脆卜卜嘅脆米、朱古力味餅乾等，口感豐富，yummy yummy ！由於行程怱怱 ，無買到吉蒂貓手信，下次過來，買返啲畀香港嘅朋友先得 ！

Hello Kitty cafe is where sells Hello Kitty shaped butter cookies, macarons, frozen yogurt parfait and mini Portuguese tart.They come in several flavors, including cheese, green tea, chocolate but we still think the original is the best.

澳門之行，朋友特別交待要買貓貓嘅特式手信，經過時已經好吸睛！門面大！大家都好興奮，店內已經堆滿人，我去櫃檯買，比上次來澳門多了好多款式嘅食品！我落好單之後，店員好快包好，連膠袋設計都好靚！除了手信，仲叫了飲品同買了曲奇比肥髀！柚子梳打特飲（$28）柚子味清新！味道唔假！夠汽好清爽！紅茶曲奇（$10）造型靚，味道選擇多，曲奇大塊，紅茶味幾香！唔太甜！好欣賞店員有笑容，做事勤快，而且好好人，我買了貓型豬肉乾同曲奇，賣相靚到忍唔住手！自己都想買一份！雖然唔多錢！想要多個膠袋，都無問題！而且就算人多，我在櫃檯影相都好歡迎，仲幫我移靚啲個擺位！好helpful!

自開張不久那次買撻不遂之後，決定熱潮減退後再去。機會來了，在議事亭前已經見到宣傳版。𨍭入小巷，只有兩三人排隊。葡撻以3.6北海道牛乳製造，比平常吃的香滑、更有蛋香。酥皮焗得香脆兼鬆化，又不會太油。感覺有點似蛋撻。蛋撻約手掌般大，2-3啖就KO了。如果未飽，一人吃兩個都不成問題。建議可買半打，因為只需MOP56，平d!

之前見到facebook有hello kitty特色手信, 過到澳門當然要一試啦...位置較入但唔難搵, 不過舖頭比想像中細..冇買到肉乾同曲奇, 只係淺嚐macaron, 葡撻及買左原味杏仁餅做手信..逐樣講下先:macaron我揀左榛子同earl grey, 除左因為味道特別d外亦因為呢兩款圖案較有澳門特色 兩者味道都唔錯, 但只係來自中間夾心層cream而非macaron本身, 而我一向對macaron要求較高, (尤其佢賣得仲貴過名牌Laduree ge時候), 覺得macaron本身應要有隻味滲透先至叫好~ 再加上macaron質地乾硬, 冇一般macaron果種外脆內軟, 其實真係有d失望 葡撻就幾美味ge, 甜度適中, 質感同普通ge葡撻差唔多, 叫不過不失啦~~ 不過如果大少少會仲好, 而家得macaron ge size唔多夠喉.. 同埋試唔到北海道牛奶ge香滑感啊!返到香港後就同屋企人share盒杏仁餅...原味最能見真章 味道係唔夠老店香但都算唔錯, 不過質地太硬啦, 實到要大力咬開 似炒米餅多過似杏仁餅囉!!朝聖ge話一次就夠, 影完靚相見完個嘜頭新鮮感頓失..

見到身穿藍色葡國服飾的Hello Kitty小姐, 雙眼就好似發光一樣!心中碎碎念: 為何香港Hello Kitty café沒有香港專屬的造型呢?看到這個穿戴漂亮的Kitty, 見到什麼, 就想買什麼, 食物味道是什麼都仿佛可以拋諸腦後! 但事實上, 食物和飲品的質素比想像之中好, 即使不是貓迷也值得一試!Strawberry Soda ($28)走了大三巴一趟, 又熱又累之際, 喝一杯冰涼的士多啤梨梳打就最舒爽不過!士多啤梨味特濃, 味道甜中帶微酸, 味道自然不”假”, 好fresh! 冰粒慢慢融化, 但沒有把飲品沖淡, 飲品仍然保持一定的濃度, 很討好! 最怕飲品太淡, 融冰後就變得更淡.葡撻 (購買任何飲品 +$2)加$2就有一個招牌葡撻, 沒有不要的理由吧?用Kitty姐造型的紙托盛載著葡撻, 真的男女老幼都會大呼Kawaii-ne!!加入北海道3.6牛奶製作, 質感格外滑溜.葡撻放在暖櫃內, 客人下單後會把葡撻翻熱, 拿上手熱辣辣, size是bite-sized, 可以一口吃下, 一口盡嚐酥皮的酥脆, 燉蛋部分的焦香和蛋香, 不會過甜過膩, 討好!買了Strawberry

黎到澳門第一件就係去新馬路搵hello kitty 鋪，我地係門口已經影左不下10張相雖然香港都有hello kitty cafe, 但澳門的加了當地特色。好似印有kitty樣嘅杏仁餅，不知味道如何，但確實賞心悅目。馬卡龍除左基本圖案之外，有大三巴、賽車等代表澳門的圖案。我地買左兩件食物share食，葡撻嘅味道似蛋撻多啲，size比一般葡撻細至少一半，而伯爵茶馬卡龍就大過平時個啲，個皮好脆，味道不太甜，但唔係好食得出伯爵茶味。

Hello Kitty進駐了澳門，位於議事庭噴水池附近。手持葡國公雞的Kitty站在街牌下，既可愛又有特色。店內用了澳門傳統的藍白瓷磚配上Kitty圖案，將Kitty融入澳門的文化當中。除了馳名的葡撻和杏仁餅外，亦有曲奇、鳥結糖、馬卡龍和牛肉乾等，均是Kitty造型，可愛至極。造型可愛的曲奇鬆脆可口，有牛油、綠茶、咖啡、朱古力等味道，清淡不太甜，不錯！自此之後，澳門又有另類手信了！

係新馬路行街，順便搵kitty Obrigado,行左陣即見到有個指示牌了。見到kitty個紙牌。到了。好可愛的kitty,深藍色的裝扮，好高貴呀。必食。好多kitty精品。Kitty牛肉乾。彩色繽紛的曲奇。有雪糕賣，好吸引呀。好精緻的馬卡龍。好多款式。最後買了這個。北海道3.6牛乳澳門葡撻，$10，賣相明顯是張卡紙，小小的一個，味道普通。HELLO KITTY MACARON，香橙及檸檬味，每個$28，試了檸檬味，馬卡龍不算太甜，檸檬餡的味道好似檸檬夾心餅的餡呀。終於去到了，好滿足呀，值真係幾貴，試一次就夠。

作為Kitty迷的我，早就期待到澳門的Hello Kitty手信店潮聖一下，耐何之前半年一有假期就在不停來回日本 (機票超便宜嘛!)，要待這幾個月才可以多到澳門旅遊呢Hello Kitty 手信門店正名是Hello Kitty Obligado，豆知識 - Obligado (O-Bli-Ga-Do)是葡萄牙語謝謝的意思，但若是女生的話就要說成Obligada (O-Bli-Ga-Da)，最後一個字母由O變成A的呀Hello Kitty Obligado位於板樟堂巷，店內的地磚跟街上的葡國碎石紋是同一個調的捧著葡國雞的Kitty就在店面歡迎客人，旁邊的指示牌、牆身的藍磚都有Kitty元素外亦充滿澳門特色看看手信吧原來這裡還有賣飯料，但重點還是落在Hello Kitty手信上 (價錢都不太便宜)杏仁餅MOP98一盒紐結糖 MOP88盒Kitty頭剪影肉乾要MOP45，而葡撻要MOP10呢 (比安德魯還要貴)，但看在Kitty份上就買一個啦看到馬卡龍上面畫上Kitty圖案，也就選了一個代表澳門的帶回香港這個杯子只要買滿MOP300元就可得到的，但我一個人到店就較難買到MOP300了買了He

話說澳門開左Hello Kitty Obrigado專門店之後，我就已經勁想去潮聖。不過暫時大肥豬都未有計劃想我地再去澳門玩，所以一直都只得個想字！雖然未可以去潮聖，不過係澳門返工嘅細路就買左幾盒Hello Kitty杏仁餅俾我地食呀~哈哈哈...細路仲買晒四隻味道俾我地試下呀~除左有原味之外，仲推出左綠茶、咖啡及朱古力味，我都係第一次食依三種味嘅杏仁餅，所以都有少少期待呀~話明係Hello Kitty杏仁餅，又點少得個Kitty頭同蝴蝶花花呢，真係未食都已經好興奮啦~哈哈哈...為食嘅小小豬又點會唔想食埋一份呢，佢見我影相時都已經好心急要食啦~味道方面又如何？或者我個人比較先入為主，始終都係覺得原味係啱我口味多啲，新出嗰三種味唔係話唔好，只不過食落都總係覺得同杏仁餅好似唔多夾咁。所以話呢...始終都係傳統啲好，新嘢都係留俾啲年輕人去試啦...哈哈哈！

傳聞已久但一直沒有時間到澳門潮聖，上星期終於去了！位於嘖水池麥當勞那條巷入一啲啲，位置不算難找。店舖裝修十分有心思！店員笑容滿面。甜美可人的小妹妹還用心介紹每一個影相位。她説店舖特意選用了葡萄牙傳統手繪磗，真係好有Heart 呀！地下用了Kitty 蝴蝶結，好搶眼！最得意一定係依個隱蔽的假渠，無得輸呀！講到食物，主打係北海道牛奶葡撻，賣相十分可愛！我買了六個。店員叫我嚫熱食，咁我就吃了一個。哇！好香、好脆、好滑啊！果然與眾不同！店員叫我留意紙托，因為是鮮牛油酥皮，沒有加豬油，所以紙托不沾油，証明葡撻不太油膩！拜託！真是精心傑作！我以為咖啡都是一般般，店員説是用了葡萄牙歷史悠久的Nicola咖啡店出的咖啡豆！配合整個葡萄牙主題！最後更係要同我的女神拍照！換了葡國服的她份外可愛！Kawaii!!下次一定要回去買紐结糖同杏仁餅！離開時店員大聲一句Obrigado! 我嚇一跳！原來是葡文多謝的意思！爽！

話說澳門開了一間以Hello Kitty做生招牌的手信店,內裡除了售賣以Hello Kitty造型的馬卡龍,及各式包裝精美的澳門特產禮盒外,還有用上3.6牛乳製的葡撻!!難得來到澳門, 當然拉著媽媽去試啦~起初看到MOP56 / 6個都有點卻步,由於只有青蛙跟媽媽二人, 擔心數量太多會吃不下。然而, 憂累是多餘的......皆因它家的葡撻size是一般葡撻的三分之二左右,一人瓊吞三個對青蛙來說輕而易舉 簡潔的包裝不乏葡族造型的Hello Kitty, 讓不是特別喜愛Hello Kitty的青蛙都心動。打開盒子, 一個個Hello Kitty的紙托盛載著小葡撻,當下, 青蛙除了不停說:「好靚呀!! 好靚呀!!」之外,就是一輪控制不了的相機先吃 ^^說回葡撻, 由於新鮮弄好,皮是脆、是充滿牛油香; 蛋漿調味剛好不太甜,兩口可以吃完一個葡撻的感覺甚為滿足 ^^唯要彈的話, 略嫌葡撻底較油膩。