8

Open Now

Now Closed

上葡京8餐廳，米芝蓮三星我強烈推薦鱈場蟹胖有機小鮮茄，呢個開胃菜蟹鮮甜小鮮茄微酸入口清新。仲有蜜汁黑豚叉燒，肉質新鮮鬆嫰，藍天使蝦金魚餃，蝦肉夠甜皮薄，外觀精美。原隻鮑魚燒賣王，薑牙黑豚叉燒腸粉全部手工精致食材用料一流。最後一定要介紹8餐廳脆香叉燒包，一隻外型似小箭豬嘅可愛叉燒包，背部每支箭做得精細，叉燒包低部微煎過所以入口時叉燒鬆嫰加上脆皮，口感非常好。總括所有食物色香味俱全😋😋😋😋😋而且每位侍應服務有禮親切，見到餐廳經理同每枱客嘅交流笑容令每個客人有賓至如歸嘅感覺，真正做到米芝蓮三星餐廳。