桃花源小廚 (Closed)

公司簽單食飯，揀左去呢間米芝蓮2星級餐廳。星期五晚上都冇乜人，好似得我地一檯咋，睇黎都就快執…我地有4個人，叫左:皮蛋酸薑 – 被迫要食既，$15/位，皮蛋幾好味例湯 – 粟米紅蘿蔔煲豬踭，好清甜!!!! 好味!西芹蝦球 – 係就係幾好味，但係$90得半碟，隻碟好細隻冬瓜蟹鉗 – 我唔記得幾多錢，同事話係$200，不過呢個好出名既，個蟹鉗的確好大隻，食落去都幾好味，但係$200就點都唔會食椒鹽骨 – 呢個出奇地又係幾好味，少少辣，炸得好脆，但入面好林、好溶響口既感覺，我諗有10幾件左右蟹肉竹笙 – OK喇，冇乜特別仲有一個唔知咩豬爽肉 – 唔記得左係咩名，不過D肉都幾爽之後仲有紅荳沙食，但諗諗下，唔知使唔使錢。埋單$1100左右，每人$275左右。如果唔係叫魚翅鮑魚果D貴價野，小菜價錢表面上唔係好貴，都係$70-$120左右，不過就好細碟，但又的確幾好食，不過唔會係好食都停唔到口，抵唔抵食見仁見智。