Video
Read full review
2019-07-21
3599 views
見weekend得閒，同11個朋友去澳門一日游。呢間係朋友媽媽推薦既，所以我地就早幾日book左晚餐既枱，行到攰同去完賭場就可以直接過去。佢位置係銀河嗰邊，基本上跟著d signs行10幾分鐘就會搵到係邊，都幾分便。我地十幾個人基本上成個menu既菜都有叫到。我覺得西餐主要都係食個醬汁，如果佢個醬煮得好味，咁都成功咗一半。 總體嚟講呢間嗰啲醬汁都偏鹹， 但係配埋麵包食或者同夾埋d肉都唔錯。葡國雞雞都幾滑， 入邊有蘿蔔，洋蔥，同薯仔做配料。燴牛尾蕃茄味道好濃郁，煮到好軟熟。叫左兩款馬介休 (一紅一白)我鍾意紅色嘅嗰款多啲，但兩款個魚都好嫩滑。厚切芝士麵包可以拉絲葡國焗鴨飯個人對鴨麻麻，飯有d乾咁，但朋友話都ok。比較特別嘅位係好少食到焗鴨飯，嗰個汁都幾好食， 唔好睇佢咁個樣，其實鴨肉好多㗎，不過都係下面白酒檸檬炒蜆雖然佢話係白酒檸檬 ，但係唔知點解會食到好香牛油味，用黎點麵包岩岩好。埋單12位3000幾港紙(約每人250)，叫左超多餸，飲左兩支酒，食得好飽。Overall都推薦大家試下，係幾有特色既葡國菜
佢位置係銀河嗰邊，基本上跟著d signs行10幾分鐘就會搵到係邊，都幾分便。
我地十幾個人基本上成個menu既菜都有叫到。
我覺得西餐主要都係食個醬汁，如果佢個醬煮得好味，咁都成功咗一半。 總體嚟講呢間嗰啲醬汁都偏鹹， 但係配埋麵包食或者同夾埋d肉都唔錯。
葡國雞
雞都幾滑， 入邊有蘿蔔，洋蔥，同薯仔做配料。
燴牛尾
蕃茄味道好濃郁，煮到好軟熟。
叫左兩款馬介休 (一紅一白)
我鍾意紅色嘅嗰款多啲，但兩款個魚都好嫩滑。
厚切芝士麵包
可以拉絲
葡國焗鴨飯
個人對鴨麻麻，飯有d乾咁，但朋友話都ok。
比較特別嘅位係好少食到焗鴨飯，嗰個汁都幾好食， 唔好睇佢咁個樣，其實鴨肉好多㗎，不過都係下面
白酒檸檬炒蜆
雖然佢話係白酒檸檬 ，但係唔知點解會食到好香牛油味，用黎點麵包岩岩好。
埋單12位3000幾港紙(約每人250)，叫左超多餸，飲左兩支酒，食得好飽。Overall都推薦大家試下，係幾有特色既葡國菜
Post
